يا جماعه حد يوضحلى ايه اللى حصل فى الاخر...وابراهيم حسن زعلان لييييييييه وكان عايز يضرب الحكم ليه؟؟؟؟؟؟؟؟؟؟؟؟؟؟؟؟؟
عرض للطباعة
يا جماعه حد يوضحلى ايه اللى حصل فى الاخر...وابراهيم حسن زعلان لييييييييه وكان عايز يضرب الحكم ليه؟؟؟؟؟؟؟؟؟؟؟؟؟؟؟؟؟
أنا ما شفتوش لآخره.. ياريت حد فعلا يشرح لنا ايه اللي حصل
ده الطبيعي من التؤام هي ديه صفاتهم يعني من الاخر عادتهم ولا هيشتروها
اللي عايز يعرف التفاصيل يتفرج علي مودرن حالا
انا والله مش عارف زيك اية اللى حصل انا اللى اعرفة ان دى فرقة كانت بتتغلب من طوب الارض بقالها خمس سنين فا مش عارف اية اللى جد عليهم يعنى مهما بيتغلبو على طوول اية بقى اللى اتغير النهاردة ؟؟؟؟؟؟؟؟؟؟؟؟؟؟؟؟!!!!!!!
بجد تهريج جامد دة الواحد هيتفرج بعد كدة بعيد عن الاطفال عشان العنف
انا مشفتش حاجة فى الماتش غير الخناقة ياريت حد يقول اية اللى حصل
المتش وقف ربع ساعه بعد كده الزمالك جاب جون...بعد كده المتش خلص وبعد المتش خنااااااااااقه رهيبه مش فاهم ليه....
انا اللى صعب عليا حازم امام...
ياريت يا جماعه حد من الزمالكويه يقولوا رأيهم
انا مش عارف الزمالك و جماهيره عاوزين ايه بالظبط
وايه السفالة و قلة الادب دى سواء من اللاعبين و الجمهور وابراهيم حسن
انا زملكاوى قوى...وبقولك ابراهيم دة بلطجى...واللى عملوا حازم امام يستوجب الطرد....لانه خد الكارت الاصفر من الحكم ورماه...راح الحكم رازعه طرد....بس الصراحه صعب عليا لما عيط....وفى ضربه جزاء واضحه وصريحه الحكم محسبهاش....لاعب من الشرطه شال رجل شيكابالا والحكم ولا هو هنا...ودة السبب الاساسى اللى خلا الجماهير تهيج وبوظ المتش كله
يا جماعه خالد الغندور قال على لسان المراسل بتاعه إن فيه أحد أعضاء جهاز الشرطه أشار إشاره بإصبعه لجماهير الزمالك واللاعبين ..و إستفزهم..
عشان كده حصل اللى حصل..
فكلمه من هنا على كلمه من هنا ..
كانت نتيجه اللى حصل فى أخر اللقاء..
الجماهير منفعله..و كون فى لاعيبه وقعت فى منطقة الجزاء أكتر من خمس مرات...أكيد مره منهم على حق..
ههههههههههههاى .
يا جدعان انتوا مستغربين ليه هتخلونى اشد فى شعرى و الله !
هو ده جديد على ابراهيم حسن و لا على جمهور الزمالك ؟؟؟؟؟؟؟؟؟؟؟
الزمالك و جماهيره عمرهم ما هيفهموا ليه الاهلى بيكسب و بياخد بطولات و افضل جماهير فى الدنيا .
و الله نادى مثير للشفقة , و على فكرة اللى جاب جول المقاولون مش المدافع ! لا ده الحكم بس محدش شافه ..
و ال ايه انا اتوقفت اسبوع بسبب كلمتين على ابراهيم حسن , اعتقد الكلام وضح .
ربنا يهدى .
انت زملكاوى , احترمك لما تقول الحق جدا جدا جدا .
و لما تعترف بقوة الاهلى احترمك اكتر و اكتر , لكن لما زملكاوى بقولك سبب فوز الاهلى هو الحكام و ان جمهور الاهلى معرفش ايه و ايه و ايه , فى ظل ان الزمالك فى اسوا ايامه سواء لاعيبة و لا جمهور و لا مجلس ادارة و جهاز فنى , ده شيء يحرق الدم .
فعلا معاك فى كل حاجه
بس الجماهير الى فى ملعب بيشوفو كل حاجه مشفوش الى عمله حازم أمام
ولما المسؤل يعمل كده ساب أيه للى ملوش مسؤليه!!
وهو دا مبرر
يعنى دى رده فعل طبيعيه
أبراهيم نزل الملعب ليه!!!
وأيه المنظر الى عمله دا وأسمه أيه
أبراهيم حسن ده عار على المصريين ويكسف كل بنى آدم ينتمى للبلد دى
لا تعليق ...
الحمد لله ان الناس ابتدت تفهم مين هو ابراهيم حسن , علشان لما كنت بقول " بلطجى " و همجى الناس زعلت !
مهزلة بكل الأشكال. وبكرا نشوف عقوبات لجان الاتحاد المصري للكوسة (كرة القدم سابقا)
اما بالنسبة للجماهير (يا درش) فكل جمهور فيه الكويس وفيه الوحش خللينا منطقين وبلاش التعميم دا إللي بيزعل اخواتنا الزمالكاوية مننا
لا على فكره...بأى حال من الاحوال الاهلى مبقاش زى زمان...مش الاهلى اللى يتعادل مع المقاولين...مش الاهلى اللى يتغلب من فرق ضعيفه....جماهير الاهلى زمان مكنتش بتقلق قبل المباريات زى دلوقتى...جوزيه كان ظابط الاهلى صححححح ...الاهلى مبقاش زى زمان...على فكره ههههههه انا مليش فى الكوره اوى...بس حد يقولى يعنى..هو كلامى غلط
و الله لما حد يجادلك كتير فالصورة خير دليل ..
اخواتنا الزملكاوية هما فين ؟؟ اللى بيكسروا المدرجات و لا اللى بيشتموا شيكابالا و لا اللى بيتهموا الاهلى برشوة اتحاد الكرة !
الاخ احمد صاحب الموضوع مش عاجبه الوضع و اعترف , ده زملكاوى كويس لكن لو جادل و معترفش بالحق :120146b ..
ايه رايك ان الاهلى فى احسن حالاته بقي ؟؟
الاهلى فى افضل حالاته الموسم دا بالرغم من التعادل و الخسارة , هقولك ليه .
لما جوزيه " افضل مدير فنى فى تاريخ الاهلى " يمشي و يسيب الفريق و بعدها فلافيو افضل محترف جه الاهلى .
و كمان حسام البدرى خبرته مش زى جوزيه و اول مرة يكون مدير فنى و يستعين فى فريقه باغلب الشباب الصغير و يكون اول الدورى لحد الان .
فاعرف ان الاهلى فى افضل حالاته و لسه الموسم الجاى لما كل العناصر تكون اخدت خبرات هيكون الاهلى عامل ازاى :)
انا مش عارف الموضوع مش مستاهل كل دة و لا اللي حصل دة كله يعني الفرق بين الاهلي و الزمالك بالماتش المؤجل كان هيبقي 7 نقط يعني الفرق مكنش نقطة و لا نقطتين في ايه اكن الواحد اتنقل فجاة في حارة فيها شوية بلطجيه بيضربوا بعض و ابراهيم حسن المفروض انه ممنوع اساسا ينزل اي ملعب طب لما بيعمل كدة و هو موقوف هيعمل ايه لما الايقاف يترفع يعني المفروض اللعبه دي ليها قوانين و قواعد يعني لما بنلعب في الساحه خماسي مش بنعمل كدة مع بعض و كل لاعب فاكر نفسة بلطجي و رايح يضرب اي حد و سبحان مغير الاحوال حسام حسن هو اللي بيهديهم بس المشكله هي ضعف اتحاد الكورة يعني واحد زي علاء علي لو خد ايقاف سنه و اللي غلط او ضرب او شتم خد ايقاف محترم كله هيفكر الف مرة لكن موضوع ايقاف ماتشين و تلاته دة تهريج
طب طالما الزمالك الحكام مبهدلينه كدة ( مع العلم انه استفاد من التحكيم السنه دي كتير اوي ) طب ما ممدوح عباس يضحي بنص مليون جنيه كدة من اللي علي قلبه و يجيب حكام اجانب بس المشكله لو جابوا حكام اجانب هينكشفوا و مش هيلاقوا شماعه يعلقوا عليها اي هزيمه دة الحكم النهاردة كانوا مظبطهم كميه فاولات رهيبه و الزمالك ليه علي الاقل 5 انذارات في تمثليات جوة منطقه الجزاء ( بس برضة شيكابالا ليه واحدة متحسبتش )
يا جماعه روبين سجل هدف لبايرن ميونخ في استاد اولترافورد في الدقيقه 75 و معني كدة ان مانشستر هيخرج من بطوله اوروبا اللي هي ب الف بطوله دوري من عندنا و مع ذلك الجمهور عادي جداااااااااا بيشجع للاخر و الفريق خرج و الموضوع خلص
كل ماتش بقي الحكام يخرجوا وسط البوليس هي الناس دي مش بني ادمين ملهمش عيال بيتفرجوا عليهم في التليفزيون و اهل خايفيين عليهم و المشكله الكبيرة برضة ان الحكم مش هيعجب حد يعني لو حسب ضربه جزاء للزمالك كان برضة بتوع الشرطة هيضربوة يعني كدة كدة هيتهزا
ربنا يهدي
دى كانت حجة البليد يا سيدى .
صبرى سراج قعد يرغي و يقول حكام اجانب اجانب و فى الاخر مفيش غير الجونة اللى جهزت الفلوس .
طيب فين يا عم الحكام اللى انت عايزهم يديروا لك الماتشات :ma(30): .
كل واحد بقى حجته الحكم , الزمالك يخسر يقولك الحكام بيجاملوا الاهلى لو الاهلى خسر يقولك اصله كان بيكسب بالحكام .
و هتشوفوا مهزلة تاريخية من الزملكاوية لو الزمالك كسب الاهلى المباراة القادمة , هتسمعوا بقي ان الحكام هما اللى كانوا بيكسبوا الاهلى و الزمالك كشف الموضوع و ان الزمالك ضاع عليه الدورى و شتايم فى الاهلى للصبح .
و الله لولا ماتش المان و البايرن كان زمانى قرفان .
الكابتن الزمالكاوى المحايد المحترم ايمن يونس فى قناة مودرن بيدافع عن ابراهيم حسن و بيلوم مخرج المباراة و بيقوله ازاى تصور بعد الماتش
انت عاوز تفضحنا وسط العالم
وبيقول اكيد ابراهيم حد عمله حاجة علشان كده اتنرفز
مع احترامى للجميع
بسم الله الرحمن الرحيم
(كل من عليها فان ويبقى وجه ربك ذو الجلال والاكرام ) صدق الله العظيم
من اهلاوى كره الكرة والى بييجى من تحت راسها ايه المسخرة وقلة الادب اللى احنا بقينا عايشين فيها دى وليه ولمين وايه مدى الاستفادة من اللى حصل النهاردة ده
طول عمر جمهور الزمالك ناس محترمة وبتفهم فى الاصول وياما الزمالك خسر و ما شوفناش اللى حصل ده قبل كده
الله يلعن الكورة وسنينها
حسبنا الله ونعم الوكيل
............................
محمود عينو
بلاش تمثيل ونقول اخلاق الزملكاوية والاهلاوية هما دول مش مصريين وكلنا عارفين نفسنا كويس والناس فى الشارع عاملة ازاى
متحسسوناش اننا ملايكة ودى حاجة فظيعة اوى مبنشفهاش اووة نووو
ونقارن بماتش الارسنال كمااان !!!!
كلنا مصريين فعلا .
بس فى مصرى بيخلى منظر الملعب جميل و فى مصرى يخلى منظر الملعب قذر ..
http://img25.imageshack.us/img25/243...3057815281.jpg
!!
http://www.yallakora.com/pictures/ma...010-0-1-21.jpg
و يا ريت كل " المصريين " يعرفوا يقلدوا اللى بيحصل فى مباريات الارسنال , مش يزيدوا الطين بلى .
مهو لو فى ناس حاكمه البلد كان احترموا نفسهم دى مش رياضة دى بلطجه ودراع قلت ادب والله
الله يخرب بيت الكوره الى لحسة دماغ الناس
بصراحه اللي حصل شئ مؤسف
اللى حصل انهارده زباله و الاستاذ ابراهيم حسن ماينفعش يبقى مسئول عن اى حاجه
بص كل مره هتقول الكلمتين دول هرزعلك الفيديو بتاع النجم عشان تفهم ان لو ده جمهور مش منضبط يبقى التانى برضه جمهور مش منضبط بس الناس بتفضل ان هيه تنسى
انت مصمم تنسى ليه؟
ليه مصمم ان فيه طرف ملايكه و التانى زباله!!
يعنى انا زباله مثلا!!! انا يا سيدى من جمهور و مشجعى الزمالك و لما تشتم و تقول دول كويسين و دول وحشين تبقى بتشملنى بعطفك فى الشتيمه و ده مش هقبله
انا افهم ان فيه ناس راحت الاستاد و اخلاقها زفت افهم ان فيه ناس بشوفها و اخلاقها تقرف بس اللى مافهموش انك تقولى دول حلوين و دول وحشين
مش معقول كده يعنى
هوه انت مش شايف غير الزمالك واللى بيعمله الزمالك؟ فى ايه يا درش؟؟
و بعدين لما نقول و بالفيديو ان الاهلى كسب ماتشات مهمه بالحكم و غلطات من الحكم فده يدين الاهلى؟! ماهو كاسب كتير قبل كده و برضه انظلم قبل كده!! فيها ايه ديه؟! هوه حرام نقول ان كذا ماتش من الاهلى و الحكام بيجاملوا؟!! طيب ده ماهو بيحصل - مافيش حد بيقول ان الاهلى بيرشى او بيتلاعب - بس اهو بيحصل ان اخطاء كتيره فى اوقات حرجه بتبقى لصالح الاهلى طيب خلاص!! يبقى كل شويه نقول الزمالكاويه بيقولوا الاهلى بياخد البطولات بالحكام!!
جه ايه الشغلانه ديه بلاها كوره و بلاها كلام
ده الواحد بيتكلم على حاجات شتفها بعينيه و سمعها بعينه و برضه مقاوحه و تتكلم على الاهلى يشتم الزمالك اكننا بنعاير فى بعض و مش عايزين نشوف الحقيقه
الحقيقه ان الجمهور اللى فى الفيديو اللى تحت انا شايف انه مالوش انه يحكم مثلا على جمهور الزمالك انهارده!! صح ولا غلط!؟؟
الناس اللى بتروح تشجع ياما بتلم
يعنى انا اتفرج على الفيديو بتاع جماهير الاهلى و هيه مره بتولع شماريخ و اققول دول جماهير الاهلى و اشتم!!
ولا اشوف الفيديو اللى تحت ده و اقولك ان دول هما جماهير الاهلى العظيمه و هوه ده الاهلى على حقيقته؟!!
انا مش فاهم ليه مافيش موضوعيه!!
[youtube]http://www.youtube.com/watch?v=0X14JUynMRw[/youtube]
الله ينور عليك
احنا بقينا ناس وحشين قوي
اعتقد كلها 10 سنين والحياه هتبقي مستحيله بالاخلاق ده في مصر
ياريتني ماكنت مصري