الموضوع: تويوتا عيون ولا كرستالة؟؟

كريستاله عشان التويوتا تقيله في بيعها و كمان انا سمعت ان ادائها مش حلو

الكريستالة متعة فى القيادة والثبات
تتميز بتصميم عفشة هايل يتحمل المدقات
موتور ذات تصميم فريد من نوعة جدا
قطع غيار متوفرة اكثرمن الفيات 128
من الاخر عربية تاريخية

لا منازع لها عن تجربة طبعا لاننى امتلك منها سيارتان

بص من غير كلام كتيير انا راكب التلاته الملكه و الكورولا عيون و الكريستاله ..... الكريستاله تكسب طبعا 100 مرة و للعلم انا راكب عربيه المانى يعنى مش متحيز

المشاركة الأصلية كتبت بواسطة ouba2

يمكن دي اول مشاركة ليا في ميتسوبيشي:) بس معلش هابتديعا بسؤال
انا كنت بدور علي تويوتا ملكة (92 _97) بس مش لاقي حالة نضيفة فاتجة بحثي للعيون (98_99)
و ظهرت ادامي كذا كرستالة
فياريت تقولولي انهي واحدة احسن لطالب جامعة من حيث المصاريف (قطع غيار و بنزين) و انهي احسن في الثبات لاني بسافر كتير؟؟:ta_clap[1]:
معلش سؤال كمان كدة هو الكرستالة بتعمل كام كيلو متر في الصفيحة؟؟

بص هو العملية تفضيلية حسب كل واحد .....

لكن المهم لما العربيتين دول نزلوا كانت اللانسر بتبيع لأن شكلها كان فيه طفرة جامدة جدا ....
أي موديل علي حسب الكامليات في الأتنين كانت الكرولا أغلي ودة من أهم أسباب شراء اللانسر وقتها أنها كانت أرخص من الكورلا بحوالي ٨ الاف جنيه (يعني حوالي ١٥ ألف دلوقتي ) وداه وقتها كان راجع لفرق الكفاءة ....جودة التقفيل والراحة والمتانة ....

أنا لما جيت اشتري (أنا اشترت كورولا عيون زيرو ) ما حاولتش أفكر في اللانسر عشان المتانه والتقفيل الداخلي ....

داه عشان أجيبلك الموضوع من بدايته ....

في الوقت الحالي كورولا عيون شكلها عرة (علي رأي واحد صاحبي كان بيقول عليها عملة زي الضفدعة ) بس إداءها ممتاز وأن كانت مش منتشرة زي اللانسر ....

لو عايز توضيح أفضل هو نفس المقارنه بين كورلا ٢٠٠٠ لحد ٢٠٠٦ ولنسر البومة .... من حيث السعر وقت الزيرو وكان ببساطة اللي مش قادر يجيب كورولا بيجيب لانسر ....

في الوقت الحالي أنا بعشق حاجة اسمها لانسر شارك علي فكرة ....

أيام ما كان معيايا الكرولا كنت بجيب بيها ١٨٠ وكانت تجيب ١٧٠ في أي وقت وأي جو ....مع العلم إن موتورها كان ضعيف الشد لاكن مكانش ليها أي اعطال ...وهي لسة معايا لحد دلوقتي بس بتاعت الحجة الوالدة .....

نصيحة لو أنت شاب في الجامعة هات الكرستاله هتريحك في كل حاجة وشكلها كويس لكن لو جبت كورولا هتاخد ركوب نضيفة بس هيبقي شكلك غريب أدام أصحابك لأن العربيه شكلها تعبان مله ...عفشة الكرولا فيها متانة بغباء

بالنبسبة للمصريف ....الكورلا عفشتهة أبسط ومصارفها شبه منعدما ....
قطع الغيار متينة جدا ومعمرة والعربيه كنت بهينها بشكل غير عادي وعمرها ما اشتكت ...
الثبات ممتاز لو العفش مظبوطة لحاد ١٧٠ ...
إستهلاك البنزين كان مش حلو بس داه ممكن يكون بسبب سواقتي بتعمل الصفيحة ١٦٠ وهي كربيراتر يعني في ناس بتحط فيها بنزين تمنين وعادي ....
صاجها متين وأكسدمها فقري ونتا راكبها إنعام من اللانسر (داه رأي شخصي )

عيوبها كانت فراملها تعبانة جدا ومكانش فيها إيه بي إس ....
الشكل تعبان ....

الرأي النهائي لو طالب في الجامعة هات كرستاله عشان مناسبة لاحتياجاتك أكتر وأسأل بتوع اللانسر عن مصاريفها في العفشة والبنزين وبلتوفيق ...