السلام عليكم
عندي شويه حاجات مستغني عنها
1.دركسيون لانوس 1 ..أوريجينال
2.رادياتير لانسر مكوة بحالة 75 %
3.جنط 13 عادي بالكاوتش بتاعه ..واحد بس
4.فوانيس لانوس قديمة ..
5.قربة ميه لانوس 1
6.فرش جلد لانسر بحالة 50 %
عرض للطباعة
السلام عليكم
عندي شويه حاجات مستغني عنها
1.دركسيون لانوس 1 ..أوريجينال
2.رادياتير لانسر مكوة بحالة 75 %
3.جنط 13 عادي بالكاوتش بتاعه ..واحد بس
4.فوانيس لانوس قديمة ..
5.قربة ميه لانوس 1
6.فرش جلد لانسر بحالة 50 %
مبادرة جميلة مش شخصية اجمل
ربنا يوفقك
ياخبر أبيض يا دكتور أحمد انتا بصراحة راجل محترم.. انا بصراحة عايز فوانيس الانوس.. دا لو حضرتك تسمح
انت مثال للعطاء والاخلاق....
بارك الله فيك...
بارك الله فيك
ربنا يخليكوا ياشباب ....
كسفتوني والله
.....
الحاجات دي عندي في البيت ..والأفضل إنها تروح لحد يستخدمها ويستفيد منها
بعد اذنك انا كنت عايز الجنط بالكاوتش لان الاستبن بتاعي اتسرق !
المهم هو مقاسه كام ؟وكان راكب على عربية ايه ؟ومكانك فين
وانا ناوي اشتريه .
هوا جنط 13
وبصراحة ..معرفش كان راكب على عربية إيه
لما روحت إشتريت الانسر إلي معايا دلوقتي..مكنش معاها إستبن
رجعت للمعرض تاني وزعقت وإتخانقت ..إدوني الكاوتش ده
مع العلم إن عربيتي مقاسها الاصلي 14
أنا طبعا ماعرفتش إنه 13 ..غير لما الكاوتش إتخرم وجيت أركبه
ماركبش
رجعت ليهم تاني ...وعملت لهم فضيحة ..وحظهم كان يوم السوق وكان عندهم ناس كتير
وقولت لهم إنتوا حرامية ولاد تييييييتتتتتتت
المهم
هوا جنط حديد 13 ..والكاوتش بتاعه بحالة جيدة(مش وحش)
والمكان الزقازيق
شرقية الزقازيق
بلدياتى عاش يابطل موضوع جميل وبهنيك على العطا الجميل ده وربنا يبارك لك
بارك الله فيك
إنت من شبين
ممكن تقابلني في الزقازيق ..أو في منيا القمح
المشوار مش بعيد ..ومش مستاهل شركة شحن ولا حاجة
مش معقول نكون شرقواه وبلديات ومنعرفش بعض
ياباشا ام الزين دي بعد الزقازيق بكام كيلو
ربنا يجازيك خير يا أبو حميد
يامحمود
ده مني ليك ..وشوف بقا أنا حاسبها إزاي
لو إنت رايح مشوار للخير..أو لقضاء حاجة مسلم
والكاوتش ده راكب في عربيتك..أنا هاخد معاك في الأجر
مش كده برضووو؟؟
والموضوع أساسه شوية فكة ..مش فلوس يعني
سيدى الفاضل جزاك الله خير
ممكن اخد دركسيون الانوس
وممكن اعرف هيكون سعره كام
[fot1]انا مش عايز منك حاجة
انا عايز بس اقول ان لسة الدنيا بخير وفيه ناس كويسين ولاد ناس و محترمين فى الدنيا الغريبة دى
جزاك الله كل خير على صفاء نيتك و اتجاهها للخير
[/fot1]
متشكر يا دكتور على عرضك وانا خلاص جبت فوانيس من بورسعيد.. شكرآ لعرضك
جزاك الله خيرا يا احمد بجد
اسف على تاخري في الرد بس كنت مشغول شوية وما كنتش بدخل عالمنتدى .
المهم يا دكتور انا سألت على الاستبن وقالولي تمنو هيبقى في حدود 60 /70 جنيه .
شوف السعر اللي انتا عايز تبيع بي ، لكن مش هينفع اخدو كدا ، وانا برضو هكون كسبا لما اشتري منك بفلوس!
هكون كسبت معرفة واحد زيك
هز حضرتك تعرفه ؟
طيب هو فين ؟ ربنا يرجعه بالسلامة ؟.
اما موضوع انه بيدهولي هدية فده شعور جميل منو ناحيتي انا بشكره عليه بس انا اعتقد ان الافضل ان هو ياخد تمنو ويتبرع بي لحد محتاج او يحطه في باب صدقة جارية او او او . . . .
والحمد لله وضعي كويس وفي ناس محتاجة اكتر مني بكتير
وكدا ان شاء الله انا وهو هناخد الثواب ( الدال على كفاعله )
معلش يارجالة ..أخوكم كان موقوف بقاله أسبوعين
المهم
أنا موجود في الزقازيق على طوووووول
وأي حد عاوز حاجة يقولي...
ومش عاوز فلوس يارجالة...مش عاوز فلوس
علشان محدش يقولي بكام
وعندي كمااااااااااااااااااااااا اان
4 كاوتشات مقاس 14 بتوع لانسر ..أصليين بالطاسات بتاعتهم
لو حدمنزوق في واحد منهم يعمله إستبن ..يقولي
بس يكون محتاجة بجد ...
يعني مش يكون عاوز إستقطاع أو علشان يوفر
ودي حاجة بين الواحد ونفسه
وربنا يرزقنا الخير كلنا
طيب الكاوتشات دول 185\60\14 والا كام
دكتور احمد
اسمحلى اقولك انت راجل محترم
بالمناسبه بقى تعرف سيد سليمان؟؟
طيب ماشي يا دكتور .
انا اللي كنت كلمتك قبل كدا بخصوص الستبن ال 13 ممكن تبعتلي عنوانك ورقم موبايلك عالخاص علشان نحدد الوقت المناسب .
وشكرا يا دكتور .
شكرا يا دكتور
هكلمك على يوم الاحد اللي جاي ان شاء الله
لأني مشغول شوية اليومين دول.
اتصلت بيك انهردة مرتين بس م لقيتكش !
هحاول اكلمك تاني بس على يوم التلات ان شاء الله
أحمد باشا ,
كنت بسال على الفوانيس هل هي بتاعت لانوس 1 و هي الفوانيس الكبيرة و لا الصغيرة