الموضوع: سرعات مروحة التمبرا

المشاركة الأصلية كتبت بواسطة zalabany

والله يا باشا هي بتشتغل 87 مش 82 انا اللي عملته اشتريت قربة ميه جديده عشان القديمة كانت بتنفس وحكمت الرادياتير كان فيه جوان بتاع العلبه بينفس وغسلت دورة الميه غسله محترمه وحطيت ميه خضرا وركبت ثرموستات السيينا الإيطالي ب 40 جنيه
87-92
92-97
بس كده

أستاذ زلباني.. ممكن اعرف جبت القربه منين وبكام؟

القربة الأصليه بتاعة التمبرا الايطالي اخت اللي كانت فيها بالظبط ب 250 جنيه من عند محمد يوسف امام شارع العريش فيصل مع العلم ان المجانين بتوع الوكاله بيبيعوها استيراد هي هي ب 200 جنيه ما ينزلوش ولا مليم لو وقفت على دماغك

يا رجالة عاوز أضيف حاجة انا عارف ان الموضوع قديم بس اضافة يمكن حد يستفيد منها وانا بشحن التكيف الراجل عمل حاجة حلوة من وجهة نظرى ركب كتاوت خارجية متوصلة على الكومبريسور بتاع التكيف اول لما الكباس يلقط المروحة تشتغل على السرعة العالية ودة ما بيخليش العربية تسخن مع التكيف فى عز يوليو و اغسطس و بالمناسبة فية ناس مركبة ترموستات حرارة عادى مش الى ب 3 رجول ودة بيخلى المروحة شغالة سرعة واحدة مش سرعتين وبالمناسبة الفيشة الى بيتوصل عليها الترموستات ب 40 جنية وهى مفيدة لان لو الترموستات باظت تفكها من الرادياتير وتركب الجديدة ثم تركب الفيشة فى الترموستات وعلى فكرة الترموستات الاصلى لونها كحلى غامق مش الى لونها ازرق فاتح لان نوعيتها مش كويسة والترموستات الاصلى بتاعت الفبريكة مطبوخ فيها السك بتاعها و دى مش موجودة علشان كدة اشتريت الفيشة اللالمانى الى تكلمت عليها و هناك فكرة جيدة رحت الى الكهربائى و بعد معاناة عملت زرار خارجى مفتاح واحد شدة لتشغيل المروحة يدويا فى حالة تعطل الترموستات و توصيل المفتاح بلمبة داخل التابلوة شوف اى لمبة زى نور الضباب الخلفى او نور السخان للزجاج الخلفى وهى بتنور بلون برتقالى لما الروحة تشتغل علشان تبقى مطمئن ان المروحة شغالة تمام وبالنسبة للمفتاح ممكن عمل لمبة خارجية ووضعها فى اى مكان بالتابلوة بس شكلها مش شيك زى لما تنور لمبة من داخل التبلوة زى اى لمبة نور او الزيت او فرامل اليد مثلا ودى طبعا ازواق ولكنها فى النهاية مش باين اى شيء غير طبيعى وعلى فبريكتها

المشاركة الأصلية كتبت بواسطة heshamzaky

يا رجالة عاوز أضيف حاجة انا عارف ان الموضوع قديم بس اضافة يمكن حد يستفيد منها وانا بشحن التكيف الراجل عمل حاجة حلوة من وجهة نظرى ركب كتاوت خارجية متوصلة على الكومبريسور بتاع التكيف اول لما الكباس يلقط المروحة تشتغل على السرعة العالية ودة ما بيخليش العربية تسخن مع التكيف فى عز يوليو و اغسطس و بالمناسبة فية ناس مركبة ترموستات حرارة عادى مش الى ب 3 رجول ودة بيخلى المروحة شغالة سرعة واحدة مش سرعتين وبالمناسبة الفيشة الى بيتوصل عليها الترموستات ب 40 جنية وهى مفيدة لان لو الترموستات باظت تفكها من الرادياتير وتركب الجديدة ثم تركب الفيشة فى الترموستات وعلى فكرة الترموستات الاصلى لونها كحلى غامق مش الى لونها ازرق فاتح لان نوعيتها مش كويسة والترموستات الاصلى بتاعت الفبريكة مطبوخ فيها السك بتاعها و دى مش موجودة علشان كدة اشتريت الفيشة اللالمانى الى تكلمت عليها و هناك فكرة جيدة رحت الى الكهربائى و بعد معاناة عملت زرار خارجى مفتاح واحد شدة لتشغيل المروحة يدويا فى حالة تعطل الترموستات و توصيل المفتاح بلمبة داخل التابلوة شوف اى لمبة زى نور الضباب الخلفى او نور السخان للزجاج الخلفى وهى بتنور بلون برتقالى لما الروحة تشتغل علشان تبقى مطمئن ان المروحة شغالة تمام وبالنسبة للمفتاح ممكن عمل لمبة خارجية ووضعها فى اى مكان بالتابلوة بس شكلها مش شيك زى لما تنور لمبة من داخل التبلوة زى اى لمبة نور او الزيت او فرامل اليد مثلا ودى طبعا ازواق ولكنها فى النهاية مش باين اى شيء غير طبيعى وعلى فبريكتها

شكرا على المعلومه يا معالي الباشا بس على فكرة التمبرا اصلا الفابريكه يتاعتها المروحة بتشتغل مع التكييف لو كل حاجه سليه لكن لو المروحة مش بتشتغل مع التكييف ممكن يكون في مشكله في مجموعة المروحة اللي ورا الكشاف العلبه السودا عشان كدا الصنايعية بيتحايلوا عليها بكتاوت خارجي والافضل انك ترجعها للفبريكه

الف شكر لك يا باشا بس اقولك اية زى ما كنت بقول على فكرة انا اشتريت المروحة الاصلية كاملة وبالمناسبة انت لما بتشحن التكيف بتحط فريون 21 ولا ال 134 علشان اول مرة شحنت الباشا حط فريون 12 وبعد كدة كنت فى موبيل وكانو بيكشفو مجانا على الزيوت وشحن الفريون والراجل حلفلى باعظيم ان الكباس دة بيتحطلو فريون 134 فقمت بشفط الفريون القديم كلة و حطيت فريون 134 والتكيف تمام ارجو الافادة وشكرا لاهتمامك

اهلا وسهلا بك والف شكر على المعلومة بس زى ما كنت باقول فية عندنا شوية صنايعية مية ية واخرون عاوزين الحرق بسبب الفتوى و الفهلوة وقولك على حاجة انا من النوع الموسوس فى العربية شوية لما حاجة بتبوظ اتضايق مش بهدى الا لما اشترى المسمار الاصلى وارجعها كما كانت وانا حصل معايا موقف السنة الى فاتت بعد ما شحنت التكيف الفريون سرب والراجل شحنة مرة اخرى كان هناك تسريب بسيط جدا من الثلاجة الى ورا التابلوة وعلى فكرة الثلاجة الاصلية دى كان شكلها غريب جدا وهى مستطيلة مش مربعة بعد لما اشتريتها اقصد الثلاجة الاخرى من عزبة شلبى الراجل جة علشان يقفل العلبة الكبيرة ولم تغلق اكتشفت وقتها ان شكل الثلاجة مختلف رجعت ثانى الى عزبة شلبى واخذت من الراجل المجموعة كاملة بفرق بسيط بس بكدة اصبح عندى المروحة الداخلية وجميع الفيش ومكثف المروحة وكل دة طبعا خاص بمجموعة التكيف الى راكبة ورا التابلوة