نفس اللي بحس بيه وانا راكب العربية ولو في مايه في الشارع بردة بتصعب عليا وانا ماشي بيها
كاني ماشي علي رجلي مش راكب عربية وبحس كمان انها بتحس بحالتي النفسية
عرض للطباعة
فعلا والله احنا عندنا بولو نيز كنا هنبيعها لقينها مش عايزة تدور وكل شوية تعطل ويوم ما جبنا العربية التانية كنت حاسس ان هى شكلها غضبانة الشنب نازل على الفوانيس
فيه مشاركة كنت قريتها قبل كدة بس مش فاكر اى موضوع
عضو معانا كان بيقول انه مرة ركب العربية ومعاه صاحبه وصاحبه بيققوله اخبار العربية ايه
زميلنا قعد يشتم فيها وانها قارفه وكدة
وهوبا مش عايزة تدور
يدور ...... ابدا
اتصل باخوه جاله
اخوة بيجرب
دارت
عضو تانى كان معاه 128
بيقول كانت الكهربا فيها عطل والفوانيس نش عايزة تنور
دخل شارع ضلمة
قام مكلم العربية وقايلها
الشارع ده انا عايز فيه نور
بيقول نورت فعلا وطفت تانى اول ما خلص الشارع
طبعا انا نفسى مشتغرب زيكم
الاجابة :
نعم الجماد بيحس بصاحبة ...و مش بيحس بس ..دة بيحس و بيفهم و بيسبح و بيتكلم كمان ..
حتقلى منين الكلام دة حقولك من كلام ربنا نفسة ..شوف ايات القران :...
(تُسَبِّحُ لَهُ السَّمَوَاتُ السَّبْعُ وَالْأَرْضُ وَمَنْ فِيهِنَّ وَإِنْ مِنْ شَيْءٍ إِلَّا يُسَبِّحُ بِحَمْدِهِ وَلَكِنْ لَا تَفْقَهُونَ تَسْبِيحَهُمْ إِنَّهُ كَانَ حَلِيمًا غَفُورًا) [الإسراء: 44]
الاية واضحة مافيش شىء موجود فى الكون الا و بيسبح ..و الجماد هو جزء من خلق الله و عارف مين اللى خلقه و بيسبح له .
و الارض اللى حضرتك بتجرى عليها دى بالعربية بتسبح بالله و بتتكلم كمان ...
"ثُمَّ اسْتَوَى إِلَى السَّمَاء وَهِيَ دُخَانٌ فَقَالَ لَهَا وَلِلْأَرْضِ اِئْتِيَا طَوْعاً أَوْ كَرْهاً قَالَتَا أَتَيْنَا طَائِعِينَ "
الارض اتكلمت اهو فى الاية و ردت على الله ..
روى الإمام مسلم في صحيحه عن جابر بن سَمُرَةَ رضي الله عنه قال: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ إِنِّي لَأَعْرِفُ حَجَرًا بِمَكَّنةَ كَانَ يُسَلِّمُ عَلَيَّ قَبْلَ أَنْ أُبْعَثَ إِنِّي لَأَعْرِفُهُ الْآنَ.
قال النووي في شرح صحيح مسلم: "فيه معجزة له صلى الله عليه وسلم، وفي هذا إثبات التمييز في بعض الجمادات، وهو موافق لقوله تعالى في الحجارة: (وإن منها لما يهبط من خشية الله)، وقوله تعالى: (وإن من شيء إلا يسبح بحمده)".
وذكر البيهقي في دلائل النبوة عن علي بن أبي طالب رضي الله عنه قال: (كنا مع رسول الله صلى الله عليه وسلم بمكة فخرج في بعض نواحيها فما استقبله شجر ولا جبل إلا قال : له السلام عليك يا رسول الله
الامثلة كتير لو عاوز .. انما الخلاصة ان كل ذرة فى الكون لها الكيان بتعها و لها اللغة بتاعتها و ليها الادراك بتعها..
و كل سيارة لم بيكتمل تصنعها فى النهاية بيكون ليها كيان ولها عقل و لها الادراك بتعها ...و هناك امثلة بالفعل عن سيارات بتحب اصحبها و سيارات بتكره اصحبها و سيارات انقذت اصحبها من الموت "باذن الله طبعا "
رجاء مراعاة الدقة عند كتابة لفظ الجلالة
3:41pm 11/4/2010
مشرف القسم 9ب
انا حصلي نفس الموضوع كذا مره مع كذا عربيه , بس بشكل عكسي شويه
العربيه كانت تبقه ماشيه كويس لكن مع وجود بعض مشاكل , يعني مثلا صوت عالى او عفشه مش تمام ,,, الخ
ولما تاخد قرار البيع ومع اول زبون يجي يتفرج تلاقي العربيه بقت حاجه تانيه خاااااااااالص
صوت ناعم ومفيش اي مشاكل ومريحه جدا وكل حاجه حلوه في الدنيا تلاقيها بقت فيها فجأه , لدرجه انها لو تقدر تحضرلك الفطار الصبح هتعملها :C_laugh[1]:
وطبعا حضرتك تبدأ تفكر وتقول طيب لما العربيه حلوه كده امال انا هبيعها ليه ؟؟؟
واكيد في الاخر بتبيع , بس للاسف بعد ما بتشوف منها الوش الحلو وعشان كده بتصعب عليك اوي يوم تسليمها وهي سايقها حد تاني وماشيه ومدياك ضهرها وبتنورلك نور الاستوب وكانها بتقول الودااااع , بتحس وقتها ان عنيك هتدمع عشانها :120146b
وبعدها بأيام طبعا بتنشأ قصه حب جميله مع العربيه الجديده :36_3_18[1]:
العلم المادى بيقول ان السيارة حدود احساسها هى حدود ادراكها، بمعنى انها تدرك نوعية البنزين المستخدم فيها ونوعية الزيت ونوعية الصيانة ونوعية قطع الغيار واسلوب القيادة ..الخ(الادراك هنا يقصد به انعكاس هذة المعطيات على اداء السيارة وليس ادارك فعلى كاداركنا)
لكن بعيدا عن العلم فيبدو ان عشرة السنوات بين الانسان وسيارته تولد لدى الانسان مجموعة من الاحاسيس والانفعالات والانعكاسات فيما يتعلق بالسيارة تجعله يتصور او يظن انها تستجيب او تبدى ردود افعال ميتافيزقية لتصرفاته تجاهها
بالرغم من انى اقول هذا الكلام لكنى فى واقع الأمر ارتبط نفسيا جدا بالسيارة التى تبقى معى لفترة طويلة، يعنى انا حاليا بحس بالعربية الماروتى وبحس انها بتحس بيا ، وبتستجيب للمعاملة الطيبة او السيئة اكثر من السيارة الكورولا التى لم تمض على علاقتى بها سوى عدة شهور لم تسمح بعد بتكوين اى شئ له معنى بيننا، يعنى لما بكون راكب العربية الماروتى بحس انى مع حيوانى الأليف ، الذى يبدى ردود افعال واستجابات على شئ من الحيوية، اما الكورولا فبحس ان انا فقط قاعد فى مكان واسع وانيق، لكن مفيش روابط اسرية بينى وبينها
بجد الموضوع ده غريب جدا
يندرج تحت بند ما وراء الطبيعة
الموضوع فعلا غريييييييييب جدااااااااااا
ساعات بحس بيه
في العربية عندنا الفتيس بيدي صوت عند الغيار التاني ولا زم تيجي تعامله معاملة خاصة عشان ميطلعش الصوت ده
اما لما والدتي بتيجي تسوق ( بحكم انها عربيتها ) عمر ما الفتيس عمل معاها الحكاية دي
سبحان الله
الموضوع اكبر من تفكيري
اللي استنتجته من الردود ان معظمنا حاسس بالموضوع ده .... لكن مش لاقي أي تفسير منطقي او علمي او شواهد يمكن قياسها وتقنينها
زي كدة لما تلاقي واحد بقالك سنين ماشفتهوش خطر على بالك بدون سبب ..... وبعد ساعات تلاقيه متصل بيك بالتليفون
او تشوف موقف في الحقيقة سبق انك شوفته في الحلم
....
سبحان الله .... وما أوتيتم من العلم إلا قليلا