هيا السيارات لها مشاعر وأحاسيس ؟؟؟؟

**eng.octooo** · 09-04-2010 12:56 AM

هههههههههههههه طيب تصدقوا انى لما باكون لوحدى سايق والعربية مثلا مش بتسحب
تلاقينى بازعقلها بجد واقولها امشى بقا .....وتصدقوا بتتعدل
مش عارف دة حقيقى ولا ايحاء
ولما اكون ماشى بسرعة واخد مطب ولا حاجة باحس ان العربية بتزعقلى .....ولما باغسلها باحس انها رجعت زيرو ولو فيها مشاكل فى الميكانيكا بتتعدل ( بتكافئنى علشان خليتها تاخد شاور ههههههههههه)

بجد والله دة الى بيحصل ...بس تقريبا دة ايحاء

**metenawy** · 09-04-2010 01:06 AM

المشاركة الأصلية كتبت بواسطة eng.octooo

هههههههههههههه طيب تصدقوا انى لما باكون لوحدى سايق والعربية مثلا مش بتسحب
تلاقينى بازعقلها بجد واقولها امشى بقا .....وتصدقوا بتتعدل
مش عارف دة حقيقى ولا ايحاء
ولما اكون ماشى بسرعة واخد مطب ولا حاجة باحس ان العربية بتزعقلى .....ولما باغسلها باحس انها رجعت زيرو ولو فيها مشاكل فى الميكانيكا بتتعدل ( بتكافئنى علشان خليتها تاخد شاور ههههههههههه)

بجد والله دة الى بيحصل ...بس تقريبا دة ايحاء

فعلا انا كمان بحس العربية بتفهمني و بقعد ساعات اكلمه خصوصا لما القيها مبتسحبش و كتير من صحابي بيلاقوني مجنون بس بجد عربيتي لما احب اجري بقولها هوبا ياي يا حبيبتي و بتجري فعلا انا حسيت الموضوع داه اوي في اول عربية ليا 128 و عمرها ما وقفت او سخنت او فضحتني رغم انه موديل 67

**eng.octooo** · 09-04-2010 01:45 AM

فعلا انا كمان بحس العربية بتفهمني و بقعد ساعات اكلمه خصوصا لما القيها مبتسحبش و كتير من صحابي بيلاقوني مجنون بس بجد عربيتي لما احب اجري بقولها هوبا ياي يا حبيبتي و بتجري فعلا انا حسيت الموضوع داه اوي في اول عربية ليا 128 و عمرها ما وقفت او سخنت او فضحتني رغم انه موديل

ههههههههههههههه الموضوع شكلة هايطلع بجد هههههههه دة مش بعيد لما ننام العربيات بيكلموا بعض فى الجراج

بص كدة على الحوار دة :

فيرنا موديل 2005 ولانوس موديل 2002 ولوجان 2010

الفيرنا : والله يا بت يا لانوس انا النهاردة اخدت مطب كسرلى شكمانى ..جاتهم قطيعة ...قال مطبات قال

اللانوس : والنبى يا اختى ماتفكرينى ...دة فية شوارع تهد الحيل

وفجاة يبصوا الاتنين للوجان ويقولولها : وانتى بقا ياشاطرة ... تهمتك اية ...........................

ههههههههههههههههههههههههه هه

**SeiffoZ** · 09-04-2010 03:11 AM

فى أبحاث أوروبية فى الموضوع ده!

**eng.octooo** · 09-04-2010 03:21 AM

فى أبحاث أوروبية فى الموضوع ده!

طيب كويس والله .....يعنى هما كمان اخدوا بالهم من الموضوع دة ..

طيب انا هاقولكم على حاجة وماتضحكوش عليا :

انا بقالى فترة متعلق بالعربية بطريقة صعبة جداااا
يعنى لما الاقى واحد قاعد عليها بيكون فى دماغى انى اموتة بس ب اسكت
ومثلا لما الاقى الميكانيكى بيخبط عليها جامد تلاقينى بازعق فى وشة جامد واقولة بالراحة
ولما اكون راكن العربية فى حتة شمس بتصعب عليا جداااااااااااا
ولما اجيبلها معطر مثلا تلاقينى باجيب اغلى الانواع مش علشان الفشخرة او الجودة بس بحس انى باقدم هدية بتعبر عنى .....
ولما باروح الكلية تلاقينى كل شوية اطلع ابص عليها
ولما اكون ماشى والاقى حد بيبص ليها باتدايق جداااااااااااا وممكن توصل لانى اضربة ( لو واحدة صاحبتى ماشية معايا وواحد بصلها مش هادايق اوى كدة ...اة والله)
وعربية والدى النيسان مش باحس ناحيتها باى حاجة حاسس انها وسيلة مواصلات مش اكتر
اما دى بيبقى ليها معاملة خاصة
مش علشان انها بفلوس ...ابدا والله بس بحس انها كائن انا بربية وسايبها لوحدها مش عارف لية

الى هايتريق هابعتلة صاروخ ارض جو ههههههههههههه

**تامر.محمد** · 09-04-2010 03:39 AM

على فكرة يا اكتو
انا عندي لعربيتي نفس الأحاسيس دي تقريبا
:))

تعرف ؟
كنت لسه من يومين باقول لنفسي , لما بابقى ماشي بيها و اقف قدام محل فترينته كبيرة و اشوفها فيها ( كأني باصص في مراية ) باتمزج اوي و باقعد اتفرج على العربية ( و انا اصلا جواها ) و دايما اسأل نفسي من ايه ده