أنا رأيي إن فيه كذا سبب بصراحة في هدوء قسم دايهاتسو:
1- مفيش جدال حول أي عربية دايهاتسو, بمعنى إن مفيش حد داخل بيفتي في حاجة, ماشوفناش حد قالك أنا جبت 240 بسيريون ولا حد بيطلع بماتيريا من M3
2- مفيش هجوم على أي عربية, ماشوفناش حد داخل يقول ده عربية وحشة ولا يشتم في التوكيل.
3- مفيش حد عمل حادثة (لا قدر الله) بسبب إن العربية وحشة, على حد علمي الحوادث اللي قريت عنها كانت من askoda (وراح اشترى نفس العربية سيريون GLX ) , و مادو و مستغناش عن المتيريا الجميلة وصلحها.
4- مقريتش برده عن حد كان عنده عيوب صناعة في العربية, كان فيه عيب علبة الدركسيون لحد 2008 واللي كانت عنده مشكلة كان بيغير العلبة مرة وإتنين (في الضمان من التوكيل) لحد متظبط, وبعد كده نزلت طبعا العلبة متعدلة في 2009 . وده برده ماكانش عيب صناعة ده كان عيب في الطرق بتاعتنا الغير ادمية.
5- نادرا ماحد يكتشف حاجة جديدة مسيرة للجدل, وطبعا بتبقى من اكتشافات شريف باشا
6- نادرا ماحد بيعدل في عربيته, أبوعبد الله عدل في كاوتش وكانت تجربة ناجحة, ميدو باشا طبعا كينج السيريون, وال تظبيط العالي. (ربنا يقوم عربيته بالسلامة)
بس تقريبا, ده اللي في دماغي دلوقتي.
المفضلات