الموضوع: رايكم فى معارض السيارات الشهيرة وتجاربكم معها

السلام عليكم ورحمة الله وبركاته

اخوانى الافاضل

انا كنت عاوز اعرف راى سيادتكم فى معارض بيع السيارات المشهورة زى المصرية للسيارات و سمير ريان واى معرض تانى حضراتكم تعرفوه خاصة ان مليش خبرة تقريبا فى التعامل مع المعارض وده من حيث :

1- الامانه فى التعامل.

2- الثقه فى اجراءاتهم ووعودهم.

3- جودة السيارات المباعة ( وماذا يحدث فى حالة اكتشاف عيب فى السيارة عند استلامها ).

4- سهولة الاجراءات والمستندات المطلوبة.

5-الشروط والضمانات المفروضة.

وياريت يبقى اراء حضراتكم بناءا على تجربة فعلية مع المعارض دى مش مجرد راى وانا برضه مستنى منكم اى نصيحة ممكن تفيدنى او توضح لى نقطة غايبة عنى او حاجة معينة لازم اخد بالى منها واركز عليها قبل وبعد الشراء.

ولو فيه اى معرض حد تعامل معاه وواثق فيه بدرجة كبيرة ياريت برضه ينصحنى بيه بس بشرط يكون اجراءاته الورقيه المطلوبة زى بيان المرتب والقصة دى محدودة لان الموضوع ده صعب شوية مع الشغل

مستنى تجاربكم واقتراحاتكم ان شاء الله