لوجان فول اوبشن وال هاف اوبشنز

**rama2000** · 08-04-2010 10:15 PM

يا جماعه انا عايز حد يقنعنى بالفرق بين الهاف اوبشنز وال فول اوبشنز

وهل الفرق يستحق انى اجيب الفول اوبشنز

خاصة انى عايز اجيبها قسط

**frhateg** · 08-04-2010 11:02 PM

هناك فرق كبير في الأوبشنز مقابل فرق بسيط في الثمن ( حوالي 4 آلاف ).
1 ــ اير باج للسائق .
2 ــ سماعتين زيادة ( الخلف ).
3 ــ ريموت كونترول لفتح ابواب السيارة .
4 ــ الزجاج الخلفي كهرباء .
5 ــ فوجات امامية ( للضباب ) ثمنهم في التوكيل لو حبيت تركبهم يتكلفوا 3 آلاف جنيه .
6 ــ جراب للنظارة بجوار نور الصالون .
7 ــ الصالون مطعم بنواكل شكلهم جميل .
8 ــ نيكل تحت الشبكة الأمامية .
9 ــ نيكل في الشنطة الخلفية .
هذا ما اتذكره حاليا فرق بين الفول و الهاف . فهو يساوي اضعاف اضعاف الفرق . و لك القرار .

**M.Radwan** · 08-04-2010 11:11 PM

الفرق يستاهل ونص:

عندك فى الفول أوبشنز ومش موجود في الهاف:

1- ايرباج للسائق.
2- فوجات أمامي وخلفي.
3- مرايات كهرباء.
4- زجاج كهرباء خلفي.
5- حلية في التابلوه بلون فضي، منظرها تحفة بصراحة.
6- سماعتين زيادة.

ده كل اللي أنا فاكره مش عارف في تاني ولا لأ.

**M.Radwan** · 08-04-2010 11:14 PM

آسف يا أستاذ frhateg
مشفتش مشاركتك إلا بعد ما كتبت المشاركة بتاعتي،

**frhateg** · 08-04-2010 11:24 PM

المشاركة الأصلية كتبت بواسطة foxoo7

آسف يا أستاذ frhateg
مشفتش مشاركتك إلا بعد ما كتبت المشاركة بتاعتي،

يا باشا و لا يهمك كلنا للصالح العام و الإفادة . اهو انت كتبت اوبشنز انا كنت ناسيه الا و هو المرايات الكهرباء .

**rama2000** · 08-04-2010 11:37 PM

شكرا لردكم بس انا كانت عاز افهم ايه موضوع الكمبيوتر الى فى الفل اوبشن وده لازمتوه ايه

**frhateg** · 09-04-2010 12:03 AM

المشاركة الأصلية كتبت بواسطة rama2000

شكرا لردكم بس انا كانت عاز افهم ايه موضوع الكمبيوتر الى فى الفل اوبشن وده لازمتوه ايه

اهو ده كمان اوبشنز مكناش كتبينه . ده كمبيوتر رحلات :
1 ــ يعرفك عدد الكيلومترات المقطوعة من بداية الرحلة .
2 ــ كام لتر استهلكته منذ وضعت بنزين . وكم كيلو قطعت .
3 ــ كام لتر تبقي في التنك . و كم كيلو حتي نفاذ البنزين ليتثني لك وضع بنزين
4 ــ متوسط السرعة .
5 ــ متوسط استهلاك البنزين . لتر / كم .
هذا بالإضافة لعداد الكيلومتر الأساسي .

**bishoy02010** · 09-04-2010 01:25 AM

انا هاخد اقتباس عشان خاطر الموضوع ده كنت كتبته زمان وحضرتك قرر تدفع فرق 4000 ولا لأ بعديه

المشاركة الأصلية كتبت بواسطة bishoy02010

عمتا انا بس هوضحلك بعض النقط اللى حضرتك متعرفهاش

1. مرايات كهربا والفرق فى سعر المرايا العاديه من الكهربا فى حدود 800 جنيه يعنى كده فى 1600 جنيه فرق

2. فوج ليت ودول سعرهم 635 * 2 = 1270

3. حليه النيكل على الشنطة = 610 جنيه

4. الإيرباج كمبيوتر الحسابات بتاعها لوحدة تمنة 1795 جنيه والإيرباج توتال سيستم الإيرباج لو فتح لا قدر الله هيكون فى حدود 15000 ألف

5. 2 إزاز كهربا ورا ... معرفش سعرهم ولما كلمت التوكيل قال انهم موصلوش ومتحددلهمش سعر بس فيه حد هنا على المنتدى لما عمل حادثه قال انهم باظوا باين والتوكيل قالوا ماكينة زجاج باب خلفي شمال 2460 ج
ماكينة زجاج باب خلفي يمين 2460 ج

يعنى 4920 جينه بس طبعا ده رقم غريب ومبالغ فيه قوى ... وعمتا مش مأكد فممكن منحسبهمش

6. التريب كمبيوتر واعتقد ان تمنة هيكون مبالغ فيه بس معيش سعره دلوقتى

7. سماعتين زيادة

ندخل بقى على شوية هدايا مش هنحسب تمنهم

8. وطبعا الشنطة بتتفل مع السنتر برده ديه نعتبرها هديه

9. والعتب عليه كلمة رينو ديه برده هديه

10. والتحكم فى ارتفاع وانخفاض كرسى السائق برده نعتبرها هديه

11. مفتاح العربية فيه سنتر وده تمنة 800 جنيه فى التوكيل معرفش المفتاح الفاضى تمنه كام اعتقد انه مبيتعملش بيتعمل برموت وميشتغلش لما التوكيل بيعملة بس ما علينا ممكن منحسبش ان فيه فرق بينهم ونعتبرهم هديه

12. طبعا الفرش فى الفول اوبشن افضل من الفرش من الهاف اوبشن ( ديه نعتبرها هديه )

13. جراب للنظارة بجوار نور الصالون هديه

دول يادوب شوية حاجات من اللى فاكرهم وكل اللى جاب الهاف يا ندم انه جابها وحاول يركب شوية حاجات من الفول اوبشن وطبعا فشل وكلهم بلا استثناء عايزين يجيبوها فل اوبشن

طبعا نسيت ققول لحضرتك ان الأسعار ديه من غير المصنعيات بتاعت التركيب

ومن النقطة رقم 3 احنا جمعنا ال 4 تلاف اللى هما الفرق

من غير الهدايا والمسعتين وتمن التريب كمبيوتر 23460

**nomercy22** · 09-04-2010 01:33 AM

المشاركة الأصلية كتبت بواسطة frhateg

هناك فرق كبير في الأوبشنز مقابل فرق بسيط في الثمن ( حوالي 4 آلاف ).
1 ــ اير باج للسائق .
2 ــ سماعتين زيادة ( الخلف ).
3 ــ ريموت كونترول لفتح ابواب السيارة .
4 ــ الزجاج الخلفي كهرباء .
5 ــ فوجات امامية ( للضباب ) ثمنهم في التوكيل لو حبيت تركبهم يتكلفوا 3 آلاف جنيه .
6 ــ جراب للنظارة بجوار نور الصالون .
7 ــ الصالون مطعم بنواكل شكلهم جميل .
8 ــ نيكل تحت الشبكة الأمامية .
9 ــ نيكل في الشنطة الخلفية .
هذا ما اتذكره حاليا فرق بين الفول و الهاف . فهو يساوي اضعاف اضعاف الفرق . و لك القرار .

فعلا وتوكل علي الله وهات الفول اوبشنز