يا جماعه انا عندي سؤال لملاك العربيه...مش المفروض ان اول ما بتدور العربيه اللمبه الزرقاء بتاعه الحراره بتفضل منوره لحد ما العربيه تسخن؟ انا عندي اللمبه دي عمرها منورت، و اللمبه الحمراء بتنور لمده ثلاثه ثواني و بيعدين تطفي....ده طبيعي ولا اييه؟
عرض للطباعة
يا جماعه انا عندي سؤال لملاك العربيه...مش المفروض ان اول ما بتدور العربيه اللمبه الزرقاء بتاعه الحراره بتفضل منوره لحد ما العربيه تسخن؟ انا عندي اللمبه دي عمرها منورت، و اللمبه الحمراء بتنور لمده ثلاثه ثواني و بيعدين تطفي....ده طبيعي ولا اييه؟
الف الف مبروك و حافظ عليها
الف مبروك ربنا يديك خيرها و يكفيك شرها
يا جماعه ياريت لو حد يعرف موضوع الانوار بتاعت درجة الحراره ده يقولي....
ايوه لازم طبعا و بالذات فى الجو اللى احنا فيه ده تفضل اللمبه منورة ازرق لغايه ما تسخن
لو عندك مش كده جرب تدورها فى يوم و تكون بارده خالص و شوف كده لو مانورتش يبقى كلم التوكيل و قولهم و شوف رايهم ايه تستنى لغايه صيانه الالف ولا تروح بدرى
معليش استاذ هشام هو العربيه لما تستلمها مش المفروض انه بيكون بعد تركيب الانذار و الكاسيت الي بيكون سي دي في المانيول بسقف و الاتوماتيك أو كاسيت عادي للمانيول ..
ده حسب الكلام الي قالوه في توكيل هيونداي في عمارات العبور..
معليش حبيت اتاكد اكثر من حضرتك بحكم انك استلمت الجيتز..
و شكرا ليك...
الفروض فعلا ان العربيه بتستلمها بكاسيت JVC سي دي و جهاز انزار و دول اللي بيوردهم لغبور عشم نوار. في الفتره اللي فاتت عشم نوار كان عنده نقص في ال CD Players فبقت شركه تانيه بتركب الكاسيت و بقي نوعه RoadStar و بقي تركيب الانزار تبع عشم نوار برضه بس بيركب بعد ما تستلم العربيه.
انا في الاول كنت متضايق عشان لقيت الانزار مش راكب في العربيه بس اكتشفت بعد كده ان ده احسن عشان لما رحت اشوف الانزار اللي هيركبوه لقيته تعبان و الريموت بتاعه شكله مش حلو، و لقيت انزار تاني احسن منه بس اغلي و ده اللي هركبه ان شاء الله، و هركب كمان وحده سنتر للشنطه عشان تفتح و تقفل مع الابواب و وحدتين رفع للزجاج.
يا باشا ولا تعب ولا حاجه...انا تحت امرك :)
الانزار اللي بيركب في العربيه هو هو اللي بيركب في ال Elantra. لما شفته حسيته ردئ اوي و معجبنيش شكل الريموت خالص. و بعدين سألت واحد قريبي عنده Elantra قالي ان الانزار وحش و بيعلق منه كتير و ساعات بيقعد يقفل لوحده و العربيه ماشيه و كده، و في مركز الخدمه قالوله يستحسن انك تغيره بنوع تاني...فأنا قلت خليني في التاني احسن.
ممكن حضرتك لما تستلم العربيه تبقي تشوف ده و ده و تختار اللي يريحك :)