الموضوع: زئردة وصلت

بركولي يا جماعة، امبارح استلمت الجتز...، و عايز أحكلكوا على اليوم كله. اليوم ده كانت كل حاجة فيه ماشية غلط بس الحمدلله عدا على خير....أولا وصلنا التوكيل متأخر أوي و لحد مخلصنا الورق و كدا كنا تأخرنا أكتر....أول مشكلة إن مفيش حد يطلع معانا من غبور عشان يرخص العربية....بيقولوا إن لازم تكون العربية تقسيط عشان حد يطلع معانا!! المهم خدنا الورق و طلعنا على مرغم عشان التسليم من هناك...وحنا في السكة (بالمتركس) وحد دخل فينا من ورا! الحمدلله الخبطة مكنتش جامدة و العربية محصلهاش حاجه. المهم وصلنا مرغم، السكة هناك مكسرة و ذي الزفت ، العربية عملة تترأع في مطبات! بعد عناء وصلنا لمخزن.......الاوتوبيسات!!! المكان إلي بنستلم منه عبارة عن موقف اوتوبيسات في وسط الصحرا! طبعا الاوتوبيسات بتاعة غبور بيه (هرم). فضلنا ماشيين جوه المخزن لحد مالقينا عربية وقفة وحيدة كدا و كلها طراب و طينة و قرف. أول ماشفت العربية نسيت كل حاجة و نزلت بسرعة عشان أبص عليها....أول ما قربت من العربية إتصدمت! العربية من جوا لونها أزرق مش أحمر ذي ماحنا طلبنها!!! طب ازاي إذا كان اللون الاسود مش بينزل أساسا غير بفرش أحمر!!! كلمنا بتوع المعرض و قلنا مش هنستلم العربية و بعد أكتر من ربع ساعة على التلفون وصلنا لحاجة من الاتنين، أول تفسير إن ٢٠٠٨ هيبقى الاسود فيه أزرق من جوا، التفسير التاني إن السودة إلي فيها فتحت سقف بتبقى زرقا مش حمرا!
بعد ماكنا هنمشي خلاص اعدنا نفكر شوية لقينا عشان يجيبولنا عربية تانية هنستنا أكتر من شهر فقلنا ناخدها و خلاص.
رحنا فتحنا العربية لقينا مفهاش إنذار ولا سنترال لوك! فين الإنذار يا عم؟! قال تركبوا بعد متستلم العربية في التوكيل! ماااااااشي! طب فين المريات!!!! قالي أهوم بس يركبو برضو في التوكيل! طب و أنا هسوق ازاي عل صحراوي من غير مريات قالي طب أنا هركبهملك أي حاجة و بعدين ابقى ظبطهم في التوكيل! ماااااشي! أعد يعافر في ألمرايات هو و واحد تاني لحد مكانوا هيبوظوهم....المهم ركبوا في الأخر.
بعد عناء عشر دقائق عشان نطلع العربية من الحشرا السودة إلي حشرنهلها وصت العربيات التانية عرفنا نطلعها أخيرا...بس العربية مفيهاش ولا نقطة بنزين! قالي في بنزينة قريبة من هنا قلتلو مااااااشي! طلعنا من المخزن لقينا لجنة في وشنا! وحنا معناش نمر تجارية طبعا...كملنا عادي و لحد ماوصلنا للبنزينة كنا عدينا على كمية رتب و أوناش! مش عرف كان في إيه اليوم دة! حطينا بنزين و طلعنا على المرور، وصلنا هناك متأخر جدا بس الحمدلله لقينا واحد يخلصلنا الموضوع بسرعة و ركبنا النمر و كل حاجة :)
النحس دة فضل لحد بليل....كل حاجة مش عايزة تمشي صح....غسيل العربية، التوكيل، الدواسات....كل حاجة! بس عدا على خير الحمد لله :)
المهم خلينا باءة في العربية....أول حاجة تحسها أول متركب العربية هي القعدة....الكرسي مريحة أوي، أدام و ورا، تاني حاجة عجبتني هي قفلت الببان، من أي زقة صغيرة بتتأفل مش لازم تترذع ذي الفيرنا، و صوتها حلو أوي يديك إحساس انها عربية غالية كدا!
الكاسيت إلي مركب غبور حلو أوي، نوعه رودستار فيه مكان ل USB و memory card و صوت حلو أوي...بس إلي مركبين الكاسيت مطبقين حته جنبه فل تبلوه!!!
من الحاجات إلي ضايقتني فل عربية إن هما شيلين منها كماليات كتير أوي...دي الحاجات إلي موجودة فل عربية:
Power steering (hydraulic), 4 electric windows, electric mirrors, central lock, alarm and remote control, A/C, sunroof, body-colour side mirrors and door handles, metallic center fascia.

الحاجات اللي مش موجوده في العربيه بقي:
spoiler, rear stop lamp, arm rest, rear wiper/washer, trip computer, front and rear foglights, seat height adjusters, ABS, EBD, ESP, EPS (electronic power steering(, air bags, active headrests, seat belt pretensioners, alloy wheels, front 12v power outlet, multifuntion steering wheel, mirrors in the sun visiors, check engine lamp and so many other things!

مريات العربية صغيرين أوي (أو يمكن هما عاديين و أنا إلي اتعودت على مراية الاوتوبيس بتاعت المتركس!) بس كنت مستغربهم أوي أول مركبت العربية.

الفتيس بتاع العربية خفيف جدا و بحس إنو عارف هو رايح فين و بينقل لواحده! الموتور صوتو عالي حبتين و حسه خشن شوية مش ذي المتركس معنو نفس المتور...بس أعتقد إن دة عشان العربية لسة جديدة.

في حاجات كتير أوي عايز أقلها على العربية...إستنوا مني تقرير كامل عنها إنشاء الله :)

الله يبارك فيكوا با جماعه...شكرا علي الردود :)

ياريت لو حد يقولي اجيب دواسات للارضيه منين. انا شفت دواسات في موبيل سموحه موكيت مش كاوتش، حلوين اوي بس ب 170