كيف يمكنك تفادى الحوادث للمبدئين والمحترفين تجارب عمليه
نقول بأسم الله الرحمن الرحيم
اليوم يا جماعه انا عايز اقولكم ازاى يمكن لاى حد تفادى الحوادث لا قدر الله على حسب خبرتى فى ركوب البايك لاكتر من 15 سنه ونبدأ بأول شىء واللى هو البايك نفسه ثم نذهب الى الطرق والشوارع وكيفيه تفادى الحوادث قبل وقعها انشاء الله
اولا يجب عمل الصيانه اللازمه للبايك اول بأول ومن اهم اعمال الصيانه والكشف الدورى على كل من الكاوتش مهم جدااااا لانه لو ممسوح ممكن يعملك مشاكل كتير زحلقه فى اى بقعه طين وبقول طين مش زيت لان الزيت بيزحلق حتى لو كاوتش جديد هننتقل لموضوع الزيت فى اثناء السير
ثانيا الجنزير الجنزير لو قطع وانت ماشى ممكن يقلبك مرة واحدة لاقدر الله لو لف على الكاوتش
ثالثا ودة من الصيانه الاساسيه الكشف على الزيت كل يوم قبل الركوب لان لا قدر الله زيت نقص لدرجه ان ممكن الماكينه تقفش وانت ماشى بردو هيعملك مشاكل كتير
رابعا ظفيرة الكهرباء مراعاة الابتعاد عن المياة لظفيرة الكهرباء اثناء الغسيل
خامسا الفرامل وتيل الفرامل اول ما تسمح بأحتكاك فى التيل تعرف ان التيل خلاص خلص ولازم يتغير
نروح على الحمايه اثناء السير
نقول بأسم الله وندور ونمشى استخدام الفرامل الخلفيه على طول بدون ضغط مرة واحدة لان كدة يخلى البايك يلف ومش هتعرف تتحكم فيه لو فى وقوف مفاجء يمكن استخدام الاماميه بس يجب ان يكون الجادون عدل وليس معوج لاى جنب لان لو تدست فرامل ادام والجادون معوج البايك مش هيكون مرتكز وممكن يقع بيك لاقدر الله
اثناء السير يجب مراعاة الاتى ساقى التاكسى والميكروباص ما تمشيش وراهم لانهم ممكن يقفو مرة واحدة ومتمشيش خلف سيدة راكبه سيارة مع احترامى للسيدات لكنهم لا يقدرن من خلفهم
قبل ما تحب تعدى من سيارة يجب استخدام اله التنبيه لو بالنهار او الانوار لو بالليل الى ان يراك راكب السيارة ثم تعدى لانك ممكن تكون فى زاويته العاميه ما تقولش هو شايفنى ومش عامل حسابك اساسا هو بيعمل حساب السيارات فقط انما الموتسسيكلات مش فى الدماغ
السرعه لا تتعالى فى السير فى الزحمه او فى شوارع العاصمه بسرعه كبيرة لانك ما تتضمنش اللى جاى من اللى رايح من اللى طالع ممكن تكون ماشى فى شارع بسرعه ومرة واحدة عند تقاطع طرق تلاقى عربيه فى وشك فيجب عند كل تقاطع شوارع او طرق السير بهدوء شديد جدا لكى تتأكد ان الطريق سالك
ما تخليش حد راكب عربيه يستفزك ويجرى جانب تقوم تقول هندمو انه طلع منى راجع الفرق بين حمايه السيارة والبايك فرق كبير فى الحمايه ما تخليش الشيطان هو اللى يوسوس فى دماغك انك لازم تحصلو
فى شىء كمان مهم اثناء سواء ان كان بسرعه عاليه ام بطييئه يجب الابتعاد عن كل ما هو غامق فى الارض يعنى اى بقعه سواء بقى طلعت مياة او جاز او زيت او بنزين ابعد عنها وخلاص بأى شكل ولو معرفت تفاديها لازم تهديلها جامد جدااااااااااااااا كأنك بتزق البايك لغايه ما تعديها لانها لو انت فاكرها مياة وعديت عليها بسرعه وطلعت لاقدر الله زيت او بنزين او جاز يبقى انت كدة بعد الشر عليك فى الارض فى الارض
مش هوصيكم بقى فى الشوارع اللى بيمشى فيها ناس واطفال السرعه لا تتجاوز العشرة كيلو
عايز تجرى اجرى بهدوء فى الامكان اللى تقدر تجرى فيها فى طريق صحراوى زراعى سفر لكن فى وسط البلد اعتبر نفسك راكب عجله ممنعأ لاى حوادث لاقدر الله انا كدة قولت كتير لو اى حد عندة اي حاجه ياريت بردو يفيد بيها الناس منعا لحدوث اى من الحوادث حتى ولو البسيطه والسلام عليكم وليد كمال
