الموضوع: لانسر2008 ولا كرولا 2004 ضروري

يا جماعة انا قدامي حالا عربيتين واحدة لانسر بومة 2008 ماشية 60 الف كيلو 1300 مانيوال فبريكة برة و جوة و التانية كرولا 2004 ماشية بردوا 60 الف الكرولا اوتوماتك فل اوبشن و سعرها 80 الف و الانسر سعرها 75 الف بس الانسر من جوة تحس انها فقيرة لا مسند بين الركاب و جنوط
اختار اية بجد انا قدامي عشر دقائق و ارد علي الناس لانهم بكرة هيروحوا السوق لو مخلصتش معهم الناهردة ؟

يا جماعة عايز حد يرد عليا و و يديني رد مقنع؟

المشاركة الأصلية كتبت بواسطة ahmed galal

الكورولا لانك واخد مميزات احسن و فل اوبشن و اتوماتك ده لو بتحب الاوتو و استخير ربنا و توكل على الله

طيب بالنسبة لقطع الغيار و الصيانة سهلة و رخيصة و لا لازم توكيل قصدي بعد كدة مصاريف الصيانة هتكون عاملة ازاي ؟

المشاركة الأصلية كتبت بواسطة ahmed galal

القطع الغيار الاصلى بتاعت التويوتا اغلى من المتسوبيشى عربيتى الكورولا موديل 94 عشان اجيب حاجتها الاصلى باصرف كتير لو كان معايا لانسر كرستالة مثلا ما كنتش صرفت كده بس فيه ميزة ان القطع الاصلية معمرة جدا جدا و كمان العربيتين بيتشابهو فى توفر قطع الغيار و اصلى و تقليد و استيراد و الصيانة للاتنين سهلة برة عند ميكانيكى نضيف او حد متخصص فيهم و مش هاتضطر تروح التوكيل بس ضرورى قبل الشرا الفحص ثم الفحص و ما تقلقش من التويوتا لو مظبوطة و صيانات فى مواعيدها ان شاء الله مش هاتحتاج حاجة غير انك تسوق بس

طيب معلش انا عارف اني برخم عليك بس سؤال كمان معلش استحملني هي الكرولا كدة سعرها غالي ولا ده سعرها ؟

لانسر يا باشا ده كفايه فرق ال 4 سنين ده غير ان اللانسر قطع غيارها مرميه في كل حته علي عكس الكورولا ده غير ان الكورولا تقيله شويه في بيعها

توكل على اللة و هات الكورولا انا كنت في نفس حيرتك دية بالضبط بس كان معايا كورولا 2002 بعتها و جبت لانسر 2007 بعتها و رجعت جبت كورولا 2004 ركوبة تانية و اشيك و تحس بقيمة السعر فيها و مش هتندم لو جبتها
و لو العربية ال2004 اوتو مش راشة برة يبقى كدة السعر ممتاز
لو راشة حاول تنزل 2000 كمان

المشاركة الأصلية كتبت بواسطة fouad nour

توكل على اللة و هات الكورولا انا كنت في نفس حيرتك دية بالضبط بس كان معايا كورولا 2002 بعتها و جبت لانسر 2007 بعتها و رجعت جبت كورولا 2004 ركوبة تانية و اشيك و تحس بقيمة السعر فيها و مش هتندم لو جبتها
و لو العربية ال2004 اوتو مش راشة برة يبقى كدة السعر ممتاز
لو راشة حاول تنزل 2000 كمان

هي اوتو و موش رشة لا برة و لا جوة ممكن اسئل حضرتك ه عاملة اية معاك في الثبات؟