عربية استعمال لا تتعدى 50 الف مع التوضيح

**dodo_0800** · 18-04-2010 10:53 PM

عاوز عربية تكون مريحة و عفشة كويسة ويكون مصروفها متوسط ويكون كل عربية ومتوسط سعرها وتكون من العربيات المفضله بالنسبة لى (اوبل فيكترا - بولو - جولف - لانوس - اوبل كورسا - نوبيرا) وال عنده راى تانى يقوله مع التوضيح وشكراً

**romeo_6887** · 19-04-2010 02:13 AM

افضل عربيه في الاختيارات اللانوس علي حسب الفلوس اللي حضرتك محددها بس انا لي رأي تاني انك تزود 3 تلاف جندي و تجيب اتوس او سبارك زيرو و فيهم متطلباتك برضه و الزيرو احسن من قرف المستعمل

**QaTaR** · 19-04-2010 03:03 AM

لانوس سيارة الشعب قطع غيار موجوده اعادة بيع سهله جدا
وشكلها بيتغير كل قرن يعني مش حتقلق من موضوع النيو شياب
اعطالها معروفه وقليله استهلاك بنزين كويس خدلك لفه في قسم الدايو

**Karim_Mohy** · 19-04-2010 03:09 AM

لو مصروف متوسط يباه نوبيرا ثم لانوس............... ثم بعد ذلك الالماني اللي في الاختيارات

وفيه لانسر كريستالة عربية محترمة ياباني

وربنا يوفقك في الاختيارات

**kempel** · 19-04-2010 09:14 AM

الجولف 3 مافيش كلام وهاتجيبها بالسعر ده نضيفة ممكن تجيب جولف 4 بس الله اعلم بحالتها جولف 3 معاك لحد مو 97 اتوكل على الله وماتترددش انا كان معايا جولف 2 ومتاكد وجربت الجولف 3 ممكن تجيب مو 95 او 96 العربية ديه قطع غيارها موجودة وما بتعطلشى كتير

**dodo_0800** · 20-04-2010 03:49 AM

شكراً على ارائكم الجميله بس انا جربت الاوبل فيكتر 2000ولقيتها ثابته على الطريق و كمان مريحة جداً فى السواقة بس السوال هل هى سعر قطع غيرها غالى اوى ولا معقول يعنى (اكيد اكتر من سعر قطع غيار الكورى بس الالمانى بعمر عن الكورى )