الموضوع: هو سعر الاوبل نزل اوى كدة

المشاركة الأصلية كتبت بواسطة eng\ahmed

انا كان قصدى على العربية اللى بيقول عليها

ahmed_lol2007

بص هقولك على حاجة من واقع تعاملى مع السوق فى البيع والشرا , صحيح انا مش تاجر بس انا ليا دماغ فى العربية اللى اشتريها واركبها

فى الامانى بالذات الكشف هو الفيصل مش الفلوس ومش عداد الكيلومتر والعربية فابريكة والكلام دة كلة
انا شفت عربيات فابريكة كلها كبوية , طبعا من وجهة نظر السوق عربية لقطة بس من وجهة نظرى مارضاش بيها لأنى شوفت شوية سلوك مدلدلة من ورا التابلوة ومتلزقة بشيكارتون وشكلها مقرف , نفس الكلام مركبش عربية صالنوها مشدود او معمول فية شغل حتى لو انضف من الفابريكة بس انا بالنسبالى صالون الفابريكة بحالتة متحافظ علية احسن
وهديك امثلة
- عربية بى ام 1992 صاحبها كان بيقول فابريكة والعربة ظاهريا نضيفة بس صالونها مشدود جلد وشكلة معجبنيش وفية حتت مقشرة (مرفوض)
- عربية استرا 2005 والعربية شكلها نضيف وعاملة 34000 كلم (طبعا لقطة) الموتور غرقان زيت من تحت الغطا البلاستيك والراجل بيقول دة جوان غطا التاكيهات (مرفوض والعداد ملعوب فية طبعا)
- عربية استرا 2003 العربية كمجمل نضيفة بس كان فيها خبطة صغيرة فى بداية فردة الشاسية والايرباج فتحت والعربية متصلحة ومفيش فيها حاجة وبجنوط اسبور والراجل هينزل فى السعر ( مرفوض)
- طبعا الفكترا بالذات شوفت فيها عشش منها الفابريكة ومنها اللى راشش (الفكترا من العربيات اللى صعب تلاقى فيها حالة نضيفة بمعنى الكلمة ) واسعار كتير منها القليل ومنها المعقول .. باختصار الموضوع خد منى شهور وبهدلة ولف وقرف لحد لما لقيت الحالة اللى كنت عايزها وفى دماغى وبالصدفة لأنى كنت ايامها بدور على b2 مش b1
بالصدفة ايامها وقعت اودامى عربية تانية نضيفة بردة بس راشة برة وكانت ماشية اقل من عربيتى كانت 75000 وعربيتى 114000 , طبعا اى واحد هيقول وش اللى ماشية اقل , بس انا صوت موتور العربية التانية معجبنيش بتاعتى كان صوت الموتور انعم وانضف .. ايامها ممكن اكون دفعت ازيد شوية من اسعار السوق بس بس دفعتهم وانا راضى تماما لأنى لقيت الحالة اللى عايزها وبعد كام سنة استعمال ومن اللى انا بسمعة الحمد لله انا راضى تماما بالعربية وحالتها وربنا يبارك للراجل اللى اشتريتها منة

صحيح انا مش متابع السوق واسعار الاوبل بقالى فترة طويلة بس الاوبل زى الفورد ليها زبونها اللى بيدور عليها مش مجرد بيدور على عربية لقا واحدة قدامة , وزبونها دة ممكن يدفع اكتر علشان يركب حالة نضيفة وكمان مش العربية اللى تترمى بأى سعر اذا كانت حالة نضيفة

خلى بالك كلمة فابريكة وعربية نضيفة مفهومها مختلف من شخص للتانى يعنى انا بالنسبالى لازم اشوف بنفسى علشان احكم لأنى اكتشفت ان الكلمة دى مطاطة اوى

أهلا وسهلا بحضرتك يا بشمهندس أحمد أنا لما قلت لوالدى على الراجل اللى كان عايز يشترى قالى طب ما بعتش ليه رحت انا رادد عليه طب أنا هلاقى واحدة بنت حلال زيها فين ودة الاهم بالنسبة لى
وعموما أنا العربية عندى 2000 سى سى ال2 كامة العادى العربية cd وفيها ايرباج العربية والحزام بيتشد على السواق مع السرعات العالية لانى ركبت مذة عربية فيكترا مفيش النظام دة والكراسى بتاعت العربية عليها فرش جلد طبيعى أسود شكله جامد عشان الفرش الفبريكا محمى تحتيها ومفيش عليه نقطة تراب ولا خدش ولاأى حاجة طبعا غير إنها فبريكا برة وجوة وحالة الموتور الحمد لله مفيش عربية بتقف قدامى ولسة متغير لها عفشة كاملة فى شهر 10 اللى فات من المساعدين لحد أصغر مسمار فى العفشة ولسة إمبارح عامل سيرفس للعفشة والفرامل كمان واليومين اللى جايين إحتمال أغير علبة الدركسيون عشان أنا بحب العربية تكون فايقة على طول طبعا غير سيرفس الموتور اللى لسه عاملة يوم 1 فى الشهر تقريبا والكشف على الكاوتش كل فترة والكاوتش لسه معملش 7 الاف كيلو ومفيش ولا فردة فيها خرم والحمد لله والعربية مفيش فيها يعتبر سمكرة غير حتة بتاع 15 الى 20 سم بس عايزة تترد غير كدة مفيش حاجة وغير دة كله العربية معاها الكتالوج بتاعها
بس فيها عيب واحد إن الموتور حاسس إنه بيرشح زيت مش عارف من إيه وأنا أما قيست كبس الموتور طلع 12 يعنى الموتور مفيش فيه مشكلة بس انا شاكك يكون جوان أو أويل سيل بس غير كدة مفيش أى عيب فيها
وتقبل تحياتى