الموضوع: عاوز اشترى سيارة ومحتار بين الانسر او السيراتو

وعليكم السلام

1- فرق السعر بين الاثنين مش كبير ( الانسر 119000 جنية و السيراتو 116000 جنية )

بس فى فرق كبير فى مواصفات العربيتين من حيث الاوبشنز والموتور

2-الشكل القديم فى الانسر منذ سنة 2003 مع بعض التعديلات لتواكب موديلات 2010 اما
السيراتو شكل جديد وجذاب

التعديلات اللى اتعملت مؤخرا تعتبر بسيطه بس أهو اى تجديد عشان الناس ماتزهقش لكن مازالت تعتبر شكل قديم

3-الانسر 2010 تحتوى على اوبشنز اقل بكثير من السيراتو

تمام

4-سمعت ان عفشة السيراتو (بغض النظر عن الكماليات ) مش كويسة بعكس متانة عفشة الانسر

دى لازم اللى يرد عليك فيها يكون جرب العربيتين لفتره

بس عموما نظام التعليق الخلفى للانسر أفضل

5-سمعت ان الكورى عموما بينزل جامد عن اعادة البيع عكس اليابانى عموما بينزل بس بعد فترة

بالعكس شوف السيراتو بتتباع على كام واللانسر بتتباع بكام هاتتصدم وتكتشف ان اعادة بيع اللانسر مش حلوه ولا حاجه زى مامعروف عنها

ــــــــــــــــ

الاتنين عربيات محترمه جدا

ولكن انا هاختار السيراتو لاسباب

اللانسر عربيه محترمه ومعروفه لكن مبالغ فى سعرها جدا جدا

كل سنه بتغلى مع انها هى هى العربيه

وشكلها قديم

السيراتو أحدث وموتورها أقوى وشكلها أحلى وسعرها مناسب مش مبالغ فيه

فى فرق كبير فى الاوبشنز

اللانسر ب 119 وكمالياتها كالتالى

تكييف - باور - سنتر لوك مع ريموت كنترول - ايموبيليزر - زجاج كهرباء - مرايات كهرباء - ايرباج سائق - فرامل ABS , EBD

مفيش كاسيت ولا جنوط ولا حاجات كتير

السيراتو أرخص وكمالياتها كالتالى

تكييف اوتوماتيك - 2 ايرباج - جنوط سبور 17 ( 215/45 ) - فرامل Abs - باركنج سنسور - اضاءه اوتوماتيك - باور - سنتر لوك بريموت - 4 زجاج كهربا - مرايات كهربا بها اشارات - طاره جلد - الفتيس وفرامل اليد كروم - مقابض الابواب مطليه بطلاء معدنى - عجلة قياده مطليه بطلاء معدنى - المقابض الداخليه والخارجيه كروم - ضبط ارتفاع الكرسى - مسند يد امامى وخلفى - حامل اكواب - طى الكنبه الخلفيه - راديو سى دى Mp3 مع فتحة Aux - تحكم فى السى دى من الطاره - عدادات رياضيه وكمبيوتر للسائق - مسند رأس قابل للتعديل - فوج لايت - نور قراءه - جراب نظاره

يعنى فيها كل حاجه تقريبا

توكيل كيا محترم جدا وضمانه 5 سنين أو 100 الف

وفى الأخر الموضوع يرجع لاحتياجاتك وراحتك النفسيه

شوف انت مقتنع بمين أكتر وتوكل على الله