عاوز اشترى لانسر ومحتار

**wsorour** · 18-05-2010 02:46 PM

مساء الفل على اجمل منتدى انا جديد عليكم ودى اول مشركه ليا وسعيد جدا بالانضمام ليكم .

انا محتار جدا عاوز اشترى عربيه لانسر كريستاله او بومه انا معايا 50000 قدامى كذا حل مش عارف اخد قرار

الاول :- كريستاله مستعمله بس بشرط تكون فبريكه

الثانى :- بومه مستعمله قدامى واحده موديل 2004 فبريكه بتاعه واحد فى الاقصر ب 60000 مانيوال ماشيه 90000 كيلو اسود بس لسه مش عارف الموتور كام 1300 ولا 16000

الثالث :- واحد معايا فى الشغل معاه لانسر بومه موديل 2009 عاوز يبيعها او يتنازل عنها عاوز 35000 تمن المقدم الى اخده وانا اكمل سداد باقى تمن العربيه العربيه فبريكه ماشيه 20000 كيلو مانويال 1600 كامله فيرانى المقدم موجود والقسط مش مشكله اقدر عليه بس انا حسبتها ان تمن العربيه هيبقى غالى ولو فكرت ابيعها هخسر كتير

على فكرة انا معاي ميسشوبيشى جالنت موديل 1978 اول يد بتاعه والدى الله يرحمه ومش ناوى ابيعها لاان فعلا المتسوبيشي محترم وعن خبره وتجربه بقالها معايا 18 سنه بس الواحد خلاص زهق منا لقديم وعاوز يركب حاجه تانيه مريحه فى السفر ومكيفه

**muemam7** · 18-05-2010 02:52 PM

ربنا يكرمك ان شاء الله

**DrMax** · 18-05-2010 04:25 PM

رايى تخليك فى الحل التانى
وبالتوفيق

**omaroof** · 18-05-2010 06:43 PM

ربنا يكرمك ويكتبلك اللى فيه الخير

**aly10** · 19-05-2010 12:44 AM

ربنا يقدملك اللى فية الخير ومتهيالى البوما احسن

**wsorour** · 25-05-2010 08:35 AM

على فكرة انا امبارح اتفرجت على عربيه كريستاله 99 كامله اتوماتيك وفتحه سقف الراجل ماسك فى 47000 وكان معايا الميكانيكى على فكرة الميكانيكى هو الى جبهاله علشان بنته وهى عاوزة عربيه صغيره بس العربيه فيبريكه بره وجوة وفيها خرابيش من بره وخبطه صغيره فى الرفرف الى ورا وعاوزة الكاوتش الى فى السقف وهوايه الازاز بتاعه الباب الى ورا مشروخه رائكم ايه على فكرة البومه طارت منى صاحبها باعها لواحد تانى دفع اكتر من غير ما يقولى