الحمد لله علي كل شئ .. ارجو المساعدة العاجلة جدا

**MoToRiZeR** · 18-01-2008 12:40 AM

من ساعة ما استلمت العربية حصلت كام مشكلة كدة ضايقوني قوي و خدوني من جو فرحة العربية الجديدة
اول حاجة واحد خبطها (مش خبطة جامدة يعني ) وهو بيركن قدامها .. الاكصدام اتجرح

تاني حاجة و هي الأهم .. أحد المفاتيح ضاعت !
و هتجنن واعرف ازاي .. لأن انا لم يسبق ليا في حياتي ان ضيعت حاجة ..

و مش قادر حتي افتكر هي راحت فين .. انا اللي فاكره انها كانت في ايدي .. بعد فترة من اليوم برة لقيت سلسلة المفتاتيح ناقصة حلقة فيها مفتاح العربية ومفتاح العمارة

انا خايف و قلقاااان جدا من المفتاح ده لأن معرفش فين ولا مين معاه المفتاح ..و اللي هيلاقي واحد بيفتح عربية و ماشي مش هيقوله رايح فين ولاجاي منين ..

ارجو المساعدة ..

هل من الممكن اطلب من التوكيل تغيير مفاتيح السيارة ؟
هل من الممكن تركيب خدمة المفاتيح المشفرة ؟
حتي لو طلبت اركب الجهاز اللي بيحطوه فوق الدركسيون بفمتاح ده ..

اي حاجة بس انام مطمن ..و يا ريت اسعار مرفقة
معلش يا جماعة تعبتكوا معايا بس انا و الله مضايق جدا

**Nile_Storm** · 18-01-2008 12:54 AM

لاحول و لا قوه الا بالله
كله الا الامان
سبحان الله كنت خايف من الموضوع ده من قبل ما تستلم
علي العموم سيبها في الجراج لغايه اما تشوف حل

**boty50** · 18-01-2008 12:54 AM

عزيزي

احسن حل انك تركب انذار مع ريموت
بالطريقة دي المفتاح لوحدة مش حايوقف الأنذار
ولو حد فتحها الأنذار حايشتغل
وبأي حال من الأحوال انت حاتركب انذار

بالنسبة لتغيير المفتاح فهو عملية مكلفة لأنك حاتضطر
تغير تقريبا 5 اقفال (2 باب ، كونتاكت ، الشنطة، الدرج)

وتابع في المنتدي بقسم الكماليات لأسعار وأنواع الأنذار

**MoToRiZeR** · 18-01-2008 07:37 AM

متشكر يا جماعة ..

انا الدرج و الشنطة عندي من غير المفتاح ..
لو ينفع اغير الباب الشمال بس عشان عليه السنتر لوك و الكونتاكت يبقوا بكام ؟

**أبو عبدالله** · 18-01-2008 02:47 PM

أنا رايي انك تركبي جهاز انذار مع فصل الكهرباء عند اطلاق الانذار عن الماتور وده ممكن اي كهربائي محترم يعمله والأحسن انك تستشيريهم في التوكيل وهما يحلوها ان شاء الله

وربنا معاكي
وانا عاوز اقولك انك من الأفضل والاحسن انك تتصدقي لله علشان تبعدي عنك الشر مثل الخبطات والسرقات خلي دائما اي شئ جديد يزود عباداتك كحمد لله على النعمه
وان شاء الله تلاقي المفتاح ويكون خير