عايزين ناخد اجراء ضد توكيل فولكس !!!!

**islamaboelnaga** · 10-04-2010 03:57 AM

ياجماعه عايزين نبعت شكوى للشركه الام فى المانيا ان التوكيل مش راضى يدخل العربيات الخليجى تعمل صيانه فى التوكيل الا لما تدفع 7500 جنيه و عايزين نبعت شكوى لجهاز حمايه المستهلك علشان اللى التوكيل بيعمله دا اسمه استهبال ....ياريت يا جماعه نشوف هنعمل ايه و لو فيه صيغه معينه للايميل و كدا و نشوف حل للموضوع دا علشان عربيات فولكس معقده و مش اى حد يشتغل فيها و عاجلا او أجلا لازم هنحتاج التوكيل حتى لو بتعمل صيانتك بره ....ياريت ياجماعه نتفاعل شويه

**mesho_kimi** · 10-04-2010 12:15 PM

أعتقد انى الإجراء ده مش حيبقى ليه اى فايده بالنسبة للشركه الأم أما بالنسبة لحماية المستهلك فالتوكيل مبعش العربيه ومدخلتش من خلاله فبالتالى من حقه رفض دخول السياره من الأساس فبالتالي أعتقد الحل الوحيد هو التفاوض مع التوكيل بخصوص زيادة المصنعيه أو تخفيض هذا المبلغ من وجهة نظري

**Nilesat** · 10-04-2010 03:08 PM

المشاركة الأصلية كتبت بواسطة islamaboelnaga

ياجماعه عايزين نبعت شكوى للشركه الام فى المانيا ان التوكيل مش راضى يدخل العربيات الخليجى تعمل صيانه فى التوكيل الا لما تدفع 7500 جنيه و عايزين نبعت شكوى لجهاز حمايه المستهلك علشان اللى التوكيل بيعمله دا اسمه استهبال ....ياريت يا جماعه نشوف هنعمل ايه و لو فيه صيغه معينه للايميل و كدا و نشوف حل للموضوع دا علشان عربيات فولكس معقده و مش اى حد يشتغل فيها و عاجلا او أجلا لازم هنحتاج التوكيل حتى لو بتعمل صيانتك بره ....ياريت ياجماعه نتفاعل شويه

أنا معاك فى الكلام ده وانا فعلا عملت الخطوات دى وممكن حضرتك واى حد مهتم يعمل الأتى
الشكوى لجهاز حماية المشتهلك
جهاز حمايه المستهلك

الشكوى للشركة بألمانيا على الميل التالى
KUNDENBETREUUNG@VOLKSWAGEN.DE

**ahit** · 10-04-2010 03:20 PM

الموفروض إن توكيل فولكس فى مصر يبقى من أفضل التوكيلات لأنه بيمثل شركة و ماركة ألمانية عريقة

**معتز** · 10-04-2010 04:19 PM

كنت اعتقد لوقت قريب ان الموضوع رسوم زيادة .......!!!!......الموضوع مناورات وضغوط لتخويف الناس من الخليجى بكل الاشكال........بس بصراحة ملعوبة وعجبانى رغم قسوتها....البزنس فى مصر ملهوش قلب ولا عقل ..اما فى الصين ...مفهوش اخلاق او قلب ...مصالح بس...فى الدول المتطورة البزنس فيه اخلاق وعقل ومفيهوش قلب.....مجرد رأى

**awazeer** · 11-04-2010 06:52 PM

المشاركة الأصلية كتبت بواسطة islamaboelnaga

ياجماعه عايزين نبعت شكوى للشركه الام فى المانيا ان التوكيل مش راضى يدخل العربيات الخليجى تعمل صيانه فى التوكيل الا لما تدفع 7500 جنيه و عايزين نبعت شكوى لجهاز حمايه المستهلك علشان اللى التوكيل بيعمله دا اسمه استهبال ....ياريت يا جماعه نشوف هنعمل ايه و لو فيه صيغه معينه للايميل و كدا و نشوف حل للموضوع دا علشان عربيات فولكس معقده و مش اى حد يشتغل فيها و عاجلا او أجلا لازم هنحتاج التوكيل حتى لو بتعمل صيانتك بره ....ياريت ياجماعه نتفاعل شويه

يعني انا مثلا لما اعوز اغير زيت وفلتر ومعايا خليجي لازم ادفع ال 7500 جنيه دول ؟؟؟؟!!!!!
حاجه غريبه جدا و ماتتسماش غير بحاجه واحده انها سررررررقه
السؤال بقه هل في مراكز خدمه بنفس كفائة التوكيل ولا اللي معاه خليجي مش هيعرف يعمل فيها حاجه
لازم نبعت لفولكس المانيا عايزين نتفق على صيغه معينه ياريت حد من الاخوه يكون بيعرف الماني ويقولنا

**zico900** · 11-04-2010 08:59 PM

طالما شركه فولكس الفي مصر هي هي الفي الخليج يبقى المفروض تتصلح! زي لما تشتري تليفون من i2 من الخليج و تجيبوا مصر....الضمان بيكون ساري في اي حته فيها i2....انا شايف انتو تعمل شكوى للتوكيل الام في المانيا عبر الايمال او التليفون (عايز واحد يكلم الماني) و لو الحكايه مش ماشيه مخسرتوش حاجه....هترحوا لجهاز حمايه المستهلك

**islamaboelnaga** · 12-04-2010 12:51 AM

ايوا ياجماعه و بعدين ؟ طب هو فيه صيغه معينه للايميل ؟؟

**Hany Saad** · 12-04-2010 01:40 AM

المشاركة الأصلية كتبت بواسطة zico900

طالما شركه فولكس الفي مصر هي هي الفي الخليج يبقى المفروض تتصلح! زي لما تشتري تليفون من i2 من الخليج و تجيبوا مصر....الضمان بيكون ساري في اي حته فيها i2....انا شايف انتو تعمل شكوى للتوكيل الام في المانيا عبر الايمال او التليفون (عايز واحد يكلم الماني

) و لو الحكايه مش ماشيه مخسرتوش حاجه....هترحوا لجهاز حمايه المستهلك

الكلام ده مش فى كل السلع لأن العربيات فى كل بلد ليها مواصفات خاصة بيكون الوكيل بالتعاون مع الشركة الأم طالبها علشان تناسب البلد اللى هتنزل فيها و ده أسمه ال norm
يعنى زى التصفيح من أسفل و التكييف للمناطق الحارة و العفشة خدمة شاقة لملائمة نوع الطرق و الموتور ليلائم الجمارك و نوع البنزين 92 و لا 95 و هكذا و غالبا هى دى بتكون حجة الوكيل فى عدم قبول سيارات مش إستيراده لأنها غير مطابقة للمواصفات بتاعت البلد.

أعتقد كمان إن الشركة الأم هتأيدوا فى الكلام ده لأن ممكن بعض العربيات فعلا (طبعا لا أقصد الخليجى لأنه قريب من المصرى) لو إستوردتها من أوروبا مثلا لاتصلح لمصر لأن التكييف هيكون ضعيف و المساعدين مش مناسبة و البنزين المطلوب عالى أوى و هكذا ،علشان كده الشركة الأم مش بتفضل حد يشترى من بلد و يركب العربية فى بلد أخرى طبعا ما عدا دول الإتحاد الأوروبى.

أعتقد أن المبلغ اللى توكيل طالبه 7500 جنيه ده إتفاق بينه و بين حماية المستهلك و ليس إلزام من أجل خدمة أصحاب السيارات الخليجى و أعتقد أن التوكيل موقفه قوى مع حجة عدم المطابقة للمواصفات.

فكرة التفاوض مع التوكيل من أجل تقليل الرقم أو تقسيطة على الصيانات يمكن تبقى أفضل.