الموضوع: مشكلة فى اضاءة التابلوه

المشاركة الأصلية كتبت بواسطة ahmed_ragheb76

اللمبة اللى بتنور عداد الحرارة والبنزين مش شغالة وكنت عايز اغيرها فى التوكيل لكن للاسف مش موجودة. هل ممكن الاقيها عند اى حد تانى بس تكون اصلية. وممكن حد يركبها ولا ده ممكن يعمل مشكلة لو فك التابلوة.

مش لازم أصلى و هتلاقيها بكل سهولة عند محلات قطع الغيار بس روح محل كويس و أطلب الألمانى مش الصينى و هتلاقيها ب 2جنيه أو ما شابه..(اللمض ده فى منها كذا شكل و نوع معروفين و مش مخصوصه للمتسوبيشى و بتركب فى كل العربيات بس لازم تفكها الأول عشان تجيب زيها لأن صاحب المحل مش هيبقه عرفها شفوى كده)............ المهم فى الموضوع هو فك مجموعة العدادات و تغيير اللمبه و إعادتها مكانها بدون خسائر (يعنى حد حريص و شغله نضيف هو اللى يغيرهالك) و علفكره هى مش قصه كبيرة و أنا لو حصلت فى عربيتى هغيرها بنفسى بس انت لو معندكش المهارة ده بلاش تعملها بنفسك.

اشكركم على الاهتمام.
فى التوكيل قالولى ان فك التابلوة ٤٠ جنيه و اللمبة حوالى ٨ جنيه قلت موافق بس بعد كده قالوا انها مش موجودة.
فكنت عايز اعرف هل فى حد جرب يغيرها برة التوكيل قبل كده.

المبات دى هتلاقيها عند الفنيين الموجودين بالتوكيل لو تعرف حد شغال برة او حد هنا يقولك مكان حد شغال برة هيكون افضل كتير لانهم بيعرفوا ازاى يجيبوها

اهم حاجه انك تبعد عن اللمبات الصينى علشان شهرين او اقل و هتودع و ترجع تانى تشيل هم فك التابلوه واعادته بدون خسائر وبالنسبه لللمبات لو هما زى بتوع الفانوس الخلفى اللى ورا العاكس و زى بتوع الفانوس الامامى واللى هما 5 وات بدون كعب يبقى الالمانى او المجرى ممتازين واهم حاجه انك تتأكد ان الموضوع مش من فيوز اكد على الفيوزات الاول

مش هيلاقي اصلي ولا تقليد ايه ، ايه الكلام الغريب ده ، اللمبة ده موجودة في كل حته وفيه واحد في باب اللوق بيبيع كل اللمب ده وفيه واحد كمان في التوفيقية وده لمبه رفيعة شويه وفيه منها لونه ازرق وانا لسه شاري عشره لمب لتابلوه الكريستالة بتاعتي اللمبة باين بجنيه ولا 75 قرش وفكيت التابلوه بنفسي وركبتهم وزي الفل لا توكيل ولا يحزنون