الموضوع: فكرة فاميه ميعرفوش الجن الأزرق يا ترى التطبيق هيبقى صح !؟

بسم الله الرحمن الرحيم
السلام عليكم و رحمة الله و بركاتة


الفكرة كلها قايمه على لوح أزاز تانى بأوكرة تانيه خالص و هفهمكم دماغى ماشية أزاى دلوقتى
لأنى عمال أفكر فى الموضوع دة و على فكرة دا من تفكيرى الخاص بحاجات كتيرة نفسى تحصل فى العربيات

عمتا أزاز العربية بيبقى له أوكرة عادى (هل ينفع يتركب كمان أوكره تانيه و يتحط لوح أزاز فاميه)
الشرح بقى يا أخوانا عشان تفهموا قصدى
ممكن بقى الفرق إلى بين الصاج و الكاوتش و الأزاز دة يتفتح كمان شوية و يتركب لوح أزاز تانى فاميه و يتعمله أوكرة تانيه


أستفسار بقى بخصوص لو ينفع يتركب و حتى لو مينفعش يتركب فيه طريقة كدة عايز أخد رأيكم فيها فى الأزاز العادى أو لوح الازاز الفاميه لأنى ناوى كدة لما ربنا يكرمنى بعربيه أجرب الحركة دى
سمعت برضة أن فيه وحدة رفع مع الأزاز الكهربا بيتحط زرايرها بالوضع ده فى التابلو (النقط دى الزراير)
..
..
النقط دى بتمثل زراير بتتركب فى التابلو كل زرار بيفتح أو بيقفل الأربع أبواب و طبعا غير الزرار إلى بيكون فى مسند الباب نفسه
و دا طبعا فايدته عشان لو داخل على كمين ولا حاجة تضغط على الأربع زراير يفتحلك كل ألواح أزاز الفاميه و لو مش مركب ألواح الفاميه دى و مركب الفاميه فى الازاز العادى تنزل برضة الأربعه و ربنا يستر ميكونش معانا ظابط فى المرور يكتشف الخطة


و تتخيلوا كدة العمليه دى ممكن تتنفذ بسهولة ؟
و لو أتنفذت هيبقى أربع ألواح الزجاج الفاميه الأضافيه مع الأوكر بتوعهم و الأربع زراير إلى فى التابلو كله كدة هيتكلف كام ؟


بزمتكم مش أستاهل براءة أختراع

انا اللي فهمته انك عايز تركب لوح ازاز تاني مع اللي متركب في العربيه اساسا ؟؟ لو كده مش هاينع يا افندم عشان المكان يدوبك بيشيل لوح واحد
مش عارف اذا كنت فاهم صح ولا غلط

المشاركة الأصلية كتبت بواسطة xxxmemoxxx

انا اللي فهمته انك عايز تركب لوح ازاز تاني مع اللي متركب في العربيه اساسا ؟؟ لو كده مش هاينع يا افندم عشان المكان يدوبك بيشيل لوح واحد
مش عارف اذا كنت فاهم صح ولا غلط

طيب مينفعش يحصل توسعات بين الأزاز و الصاج الداخلى ؟

المشاركة الأصلية كتبت بواسطة waelelgazawey

الفكرة حلوة اوي انا بحب النوعية دي من الافكار بس المشكلة انها هتكون مكلفة جدا بالاضافة ان مكان الاوكرة الاساسية هو موجود في المكان دة مخصوص عشان هو دة الانسب الاوكرة التانية هيكون اكيد مكانها مختلف ودة مش هينفع يقفل الازاز او يفتحه
غير ان المجره اللي بيدخل فيها في حلق الباب ضيقة جدا ودة معناه انها لازم توسع برضه
في نقطه تانية الفكرة معتمدة على توسيع المكان اللي بيدخل فيه الازاز ودة معناه صباح الدوشة الازازين لو مفتوحين سمعني احلي صوت ازاز بيتكسر
عموما ربنا يكرمك وتجيب عربية وساعتها هتعرف ان اللي بتفكر فيه صعب جدا لكن يمكن تتعمل بس تكون نازلة فبريكة ومظنش ان بره محتاجين يعملوها اعرضها على شركة نصر يمكن يبتكروها على 128 وساعتها هتبقي صاحب اختراع

صاحب أختراع أية بس يا باشمهندس وائل دا انا أعتبر بالنسبه لـ99% من المصريين مش بفكر
دا فيه ناس على فكرة تستحق تبقى علماء فى مجالات معينه و فى مصر هنا العقول بتدفن

المشاركة الأصلية كتبت بواسطة sniperfox

حوضح الفكره شويه الاكريليك ده عباره عن الواح بلستيك شفافه وممكن تترش اللون الى انتا عوزه او ممكن تفيمها كمان زى الازاز العادى ووزن الكريليك اكيد اخف بكتير من الزاز وممكن تركبله مكنه صوغيره ترفعه وتنزله بزورار فى التبلوه ومكن الرفع التيوانى الواحده ب 15 جنيه ومش حتحتاج توسع فى الباب ول حاجه

طيب أهوه مش مشكله يعنى يا جماعة الماديات فى الموضوع أنا مش عارف التكوين هيكون عبارة عن أية بالظبط يعنى بس هقول إلى أنا فاهمه
يعنى مثلا الـ4 ألواح الأكريليك مثلا يعملوا كام حوالى 200 جنيه مثلا ؟ لأنه زى ماحضرتك بتقول زى البلاستيك و رفيع و خفيف مش دة إلى بيتعمل بيه نضارات الشمس
يبقى التكلفه كدة مش هتعدى الـ500 جنيه على بعضها
4 ألواح أكريليك بـ200 جنيه مثلا و مكنه رفع تيوانى 15×4 يبقى كدة 60 جنيه
و نقول مثلا عشان يبقى فيه 4 زراير فى التابلو لكل لوح أزاز و المصنعية نقول مثلا 200 جنيه كمان يبقى كلها على بعضها 460 ولا الموضوع هيحتاج حاجة تانيه ؟


فكروا و النبى معايا شوية فى الموضوع هيحتاج أية و بكام متحبطونيش

المشاركة الأصلية كتبت بواسطة powerofhelll

الفكره حلوه بس شبه مستحيله
انت عايز يا لما لوح زجاج رفيع جدا و مكنتين كهرباء و ليله كبيره جدا بس هي فكره ممتازه انا كنت بفكر في حل اسهل حاجه كانت الستاير الكبس

الستاير الكبس الأغلب مركبها بس مش كهربائية يعنى بتتشال و تتركب بالأيد لو أتعملت كهربائية هتبقى حليت المشكلة دى

المشاركة الأصلية كتبت بواسطة PoweRPassioN

دا أنتم تقنعوا بتوع المرور بان الفاميه بره عاااااادي جدا .. وتطلعوا بمظاهره""خانقانا ليه يا بلد""
وطبعا الحل دا اكيد مش أسهل ولا أوفر .. بس جذري
وبعد كدا .. المصير المعروووووووف

و طلاما المصير معروف أحنا بقى نخدعهم

أنا مش عارف قانون المرور فى مصر بيبص على الفاميه نظرة الخطأ دايما ليه

ماهى المصايب بتحصل بفاميه أو بأزاز عادى أو بأى حاجة فى الدنيا يعنى الفاميه دة إلى هيزدوها

المشاركة الأصلية كتبت بواسطة horas3000

طب يا جماعة ما هو بي ام و مرسيدس بينزلوا بستاير كهرباء و برضة بتستخبي في الابواب

ما هو ممكن نطبق الفكرة دي

دي صورة للستاير و دورت علي فيديوهات ليها و ملقيتش
هبقي اصورهالكم من عربية والدي و احطها

راح عليا براءة الأختراع ههههههههههههههههههههههههه هه

بس والله حلو أنك قولتلنا أن فيه أمل شوية

المشاركة الأصلية كتبت بواسطة tananybasha

الأول الفكرة مستحيله لو فتحت الصاج لبره العربية هتنفخ لو فتحته لجوه الباب مش هيقفل

ربنا يطمنك

شيل الفيميه ووفر الجنيه لا هاتقف فى لجنة و لا يضايقك ظابط عاوج الباريه

صــــبــاح الــفـــل

المشاركة الأصلية كتبت بواسطة ramyraby

صــــبــاح الــفـــل

فعلا صباح الفل أنا كنت سهران ساعتها ههههههههههههههههه
أصل الواحد لما بيسهر بيطلع أفكار عجيبه

المشاركة الأصلية كتبت بواسطة funnymickey

طب سيبك من كل ده
التكلفه حتبقي عامله ازاي
ومستجيل تنفذ الموضوع ده بأكر
لازم مكن بقي وبتاع
حتلاقي التكلفه عدت اوي
ده بفرض انك فعلا عرفنا نحط ازااز تاني جمب الاولاني وترفع ده وتنزل ده

بس ياسلام بقي لو انتا بتنزل واللجنه واقفه هناك اهي
والازاز اتحشر بقي
ولا زنق
ههههههههههههههههههههه
حتخش عالظابط الراجل حيجيله تخلف عقلي
ساعتها حتقوله ايه بقي

مانت لو دخلت على لجنه مثلا و الأزاز أتحشر ممكن تقولة أن الأزاز دة بتاع شبابيك المطبخ بس أنت نسيتهم فى العربية هههههههههههههههه بس تصدق فعلا أنت لفت أنتباهنا لموضوع التكلفة دة برضة أوى

المشاركة الأصلية كتبت بواسطة aly_hosny

بعيدة اوي دي

يا سيدى يمكن كل حاجة فى أولها بعيده يعنى مين يصدق أن فيه عربية بتمشى بالقهوه

المشاركة الأصلية كتبت بواسطة د.محمود صلاح

كلنا في انتظار الفيميه الكهربائى

والله يا دكتور محمود لو أتنفذ صح و بتكلفه كويسة هيبقى كويس جدا

المشاركة الأصلية كتبت بواسطة cairo2005

صعبة اوي ويمكن مستحيلة الفرق بين الازاز والصاج قليل جدا جدا جدا يا دوب الازاز يطلع وينزل
بس بجد انت دماااااااااااااااااااغ

أيوة مانا عارف أن الفرق بين الأزاز و الصاج صغير بس أكيد ممكن الفرق دة يتوسع عن طريق زيادات أو لحامات و ألف شكر على الرد الجميل دة و دا بعض ماعندكم يا باشمهندس والله

المشاركة الأصلية كتبت بواسطة smax

مينفعش الا لاو تخنت باب العربية علشان يشيل الزجاجان و المكن بتاعهم, طبعا متتعمل علشان التكلفة و الوزن الزائد و المساحة و التعقيد .

ربنا يبشرك يا باشمهندس بس جايز فى يوم من الأيام نسمع عن أغرب من كدة و مش بعيد بعد 30 سنه نلاقيها تبع الكماليات هههههههههههههه

المشاركة الأصلية كتبت بواسطة aymanmaly

انا اركب شنب و دقن
واروح المرور
والبس نظارة شمس بدل الفيمية
صباح الفل

و تروح المرور ليه من أصله والله أنا قولت أقولكم الفكرة يمكن تعجب حد أو يمكن ألاقى عندكم حب التجربه أو حب التفكير لكن دا مفيش حد عايز يفكر خالص يا جدعان ولا يظهر أننا إلى كنت سهران زيادة عن اللزوم ولا أية و صباح الفل عليك يا باشا

المشاركة الأصلية كتبت بواسطة KoDaK_Gti

ده انت لو ركبت ستاير وخدت مخالفات هيبقة ارحم من اللى انت هتعمله

مانا حسيت والله يا كوداك أن الناس كلها عايزة تقولى كدة
و منور يا كوداك باشا

المشاركة الأصلية كتبت بواسطة amrelsaqqa

مينفعش اصلا
الباب من جوة بيشيل مكنة واحدة و بتبقى تقيلة عليه كمان ومفيش اي مكان لاي مكن تانى

والموضوع مش مستاهل ده كله حتى لو ينفع

ماهو لو على المكان بتاع المكنه التانى ممكن يبقى فيه أفتكاسة لتوسيع مكان الصاج من جوة يعنى زيادات فى الصاج أو لحام و كدة و شكرا للفت نظرى برضة فى موضوع التقل على المفصلات دة

المشاركة الأصلية كتبت بواسطة memoz

صباح العسل

صباح الفل يا سيدى

المشاركة الأصلية كتبت بواسطة ahmed_su

طيب ما انت لو عندك الازاز الفاميه شيل الاصلى وركبه

ولا ماكنة تانية ولا اختراع - واللى يكلمك تقول ده الاصلى وخليه يجرب يشيله :)

لازم يكون مثبوت فى الرخصة أن العربيه نازلة من المصنع و بلد المنشأ بالفاميه لكن لو مش مثبوت هيبقى فيها كلام تانى مع المرور

المشاركة الأصلية كتبت بواسطة fadod

مع إن عايش برة مصر من 12 سنة ، عمري ماسمعت عن فيمه كهربا غير من شباب nile motors . ولما رحت على الوبسايت لقيت الكلام صحيح. بس خدود بالكم إن كل أوربا وأمريكا مسموح فيهم بالفيميه، فالمنتج داه هدفه التصدير ومش لولاد البلد. فعلشاً كدة السعر غالي زائد الجمارك والشحن والتركيب ،....


يمكن يرخص بعدين.

لأ فيه فاميه كهربا الناس عرضت عنه فى المنتدى هنا لكن إلى فهمته من الموضوع أن الازاز نفسه فيه ألياف ضوئية أو حاجة عجيبه كدة بتتحول لألوان و بكده الأزاز بيتحول نفسه لفاميه و طبعا تكلفته سمعت أنها 25 ألف جنيه مصرى و فكرته غير إلى بتكلم عنها خااااااالص فأنا كدة كدة بحب الأزاز الفاميه ففكرت كدة قولت يمكن الفكرة دى تتنفذ بسعر رخيص أو تكون سهله تنفيذها لكن بسم الله ماشاء الله الردود معظمها بتدل على أن مفيش حد ولا عاجبه الفكرة ولا بيفكر فى تنفيذها

المشاركة الأصلية كتبت بواسطة m2die4

+1

فايمهم و ادخل اللجنه فاتح الاربع ازاز اسهل , و بعدين انا بعد لعبى فى كهربه السياره اكتشفت انها مش زى اى كهربه تانيه او انا المش فاهم

هى فكره حلوه بس ازاز تانى صعب اوى ممكن نقول ستاره مثلاً او حاجه بلاستك ماسكه نافساها كده و مش سميكه و نعمل عليها الفاميه , و تنزل و تطلع بحديد رفيع حتى مش شرط كهربه او كهربه خارجيه مش من العربيه فكره حلوه بس عايزه دراسه شويه و اصعب حاجه انك توسع مكان و تظبت دخول و خروج سريع مش تشلك و هى نازله

بس ازاز على الازاز صعب اوى , و احي حضرتك على الفكره

ماهى فكرة أننا أدخل لجنه و أفتح الـ4 أبواب دلوقتى مش بيصدقوها خلاص أصل لو أنت راكب لوحدك و فاتح الأربع أبواب ممكن يقولك أرفع الأزاز و طبعا دا من حقه فأكيد هتتاخد مخالفه على الفاميه , مانا برضة فكرت فى ستار تتعلق فوق فى السقف و تبقى محطوطة على ماسورة رفيعة كدة و الماسورة دى تلف تنزل الستاير و تلف تانى ترفعهم و يبقى تحت ف أخر الستارة ماسورة برضة معدنيه و يتركب فى فرش الباب خانه خاصة عشان الماسورة دى ثتبت فيها عشان الهوا يعنى و الجو ميطيرش الستاره , ألف شكر على رد حضرتك و على تشجعيك يا باشمهندس و إن شاء الله لو فكرت فحاجة تانيه هقولهالكم برضة يمكن حد يستفيد

المشاركة الأصلية كتبت بواسطة د.محمود صلاح

فكرتوني بعربية باتمان كا لما يدوس على الزر كل حاجة تتقفل في العربية حتى الكاوتش

يا دكتور محمود مفيش حاجة صعبه فى الوقت الحال عادى جدا دا فيه عربيه بتمشى بالقهوة و على شكل فنجان كمان هههههههههههههههههه

المشاركة الأصلية كتبت بواسطة fadod

دة الزجاج الأنا بقول عليه، ولا تفرق لجنة ولا غيروا

إسمه

كهروكرومتك It's called "electrochromatic tint

المشاركة الأصلية كتبت بواسطة fadod

بس عايز أقول إنه لو إتخربش هيطلع ذي الفيمه العادي ويبقى بردو ماعملناش حاجة جديدة. فمتحطوش امال كتيرة عليه

بس دا أختراع فظيع يا راجل دا الأزاز هوا إلى بيتغير لونه و كمان صعب جدا ينزل فى مصر و لو نزل بيقولوا هيبقى بـ25 ألف جنيه يعنى دا انا أجيب عربية تعبانه و أجرب الفكرة إلى بقول عليها دى بالمبلغ بتاع الأزاز إلى هجيبه من برة كله

المشاركة الأصلية كتبت بواسطة wasta

فكره حلوه وعادتا تنفع للعربيات القديمه زى ال128 علشان كان عندى الفرق مابين الزجاج والباب فى عربيتى القديمه ال 128كان كبير بيدخل ميه لما بغسلها فا الطريقه ديه بتقول وداع لدخول الميه تانى نيههههههههههه

طيب والله يا راجل دا الفكرة تنفع تتركب على كدة عند حد بس التكلفة عليك بقى هههههههههههههههه والله أعلم هتبقى التكلفة كام بقى (طبعا بهزر معاك يا باشمهندس)



و إن شاء الله لو فكرت فى حاجة برضة تانى هقولهالكم و هحاول أسئل برضة ناس كهربائية سيارات يمكن يطلع واحد فزلوك من ضمنهم يقولى هعرف أركبه و برضة لو حد منكم راح لكهربائى سيارات أو لواحد بتاع أزاز يسألة لمجرد المعرفة مش أكتر يمكن نستفاد والله و الفكرة تطبق فى الواقع

المشاركة الأصلية كتبت بواسطة funnymickey

طب سيبك من كل ده
التكلفه حتبقي عامله ازاي
ومستجيل تنفذ الموضوع ده بأكر
لازم مكن بقي وبتاع
حتلاقي التكلفه عدت اوي
ده بفرض انك فعلا عرفنا نحط ازااز تاني جمب الاولاني وترفع ده وتنزل ده

بس ياسلام بقي لو انتا بتنزل واللجنه واقفه هناك اهي
والازاز اتحشر بقي
ولا زنق
ههههههههههههههههههههه
حتخش عالظابط الراجل حيجيله تخلف عقلي
ساعتها حتقوله ايه بقي

هههههههههههههههه
هو ده الى جه فى بالى على طول لو الازاز علق وانت ادام الظابط
حتقوله خد العربيه وسيبنى اروح

بص هو نظريا ينفع لاكن عمليا لالالالالالالا
لان المكان جوه الباب ميسمحش بمكنه تانيه هو مستحمل الاولانيه بالعافيه
تانى حاجه المكنا وهى مرفوعه مبيبقاش فيه مكان واحده تنزل مش عارف انت حتفهمنى ولالا بس شوف كده اى عربيه وانت تفهم