الموضوع: فكرة فاميه ميعرفوش الجن الأزرق يا ترى التطبيق هيبقى صح !؟

المشاركة الأصلية كتبت بواسطة ramyraby

صــــبــاح الــفـــل

فعلا صباح الفل أنا كنت سهران ساعتها ههههههههههههههههه
أصل الواحد لما بيسهر بيطلع أفكار عجيبه

المشاركة الأصلية كتبت بواسطة funnymickey

طب سيبك من كل ده
التكلفه حتبقي عامله ازاي
ومستجيل تنفذ الموضوع ده بأكر
لازم مكن بقي وبتاع
حتلاقي التكلفه عدت اوي
ده بفرض انك فعلا عرفنا نحط ازااز تاني جمب الاولاني وترفع ده وتنزل ده

بس ياسلام بقي لو انتا بتنزل واللجنه واقفه هناك اهي
والازاز اتحشر بقي
ولا زنق
ههههههههههههههههههههه
حتخش عالظابط الراجل حيجيله تخلف عقلي
ساعتها حتقوله ايه بقي

مانت لو دخلت على لجنه مثلا و الأزاز أتحشر ممكن تقولة أن الأزاز دة بتاع شبابيك المطبخ بس أنت نسيتهم فى العربية هههههههههههههههه بس تصدق فعلا أنت لفت أنتباهنا لموضوع التكلفة دة برضة أوى

المشاركة الأصلية كتبت بواسطة aly_hosny

بعيدة اوي دي

يا سيدى يمكن كل حاجة فى أولها بعيده يعنى مين يصدق أن فيه عربية بتمشى بالقهوه

المشاركة الأصلية كتبت بواسطة د.محمود صلاح

كلنا في انتظار الفيميه الكهربائى

والله يا دكتور محمود لو أتنفذ صح و بتكلفه كويسة هيبقى كويس جدا

المشاركة الأصلية كتبت بواسطة cairo2005

صعبة اوي ويمكن مستحيلة الفرق بين الازاز والصاج قليل جدا جدا جدا يا دوب الازاز يطلع وينزل
بس بجد انت دماااااااااااااااااااغ

أيوة مانا عارف أن الفرق بين الأزاز و الصاج صغير بس أكيد ممكن الفرق دة يتوسع عن طريق زيادات أو لحامات و ألف شكر على الرد الجميل دة و دا بعض ماعندكم يا باشمهندس والله

المشاركة الأصلية كتبت بواسطة smax

مينفعش الا لاو تخنت باب العربية علشان يشيل الزجاجان و المكن بتاعهم, طبعا متتعمل علشان التكلفة و الوزن الزائد و المساحة و التعقيد .

ربنا يبشرك يا باشمهندس بس جايز فى يوم من الأيام نسمع عن أغرب من كدة و مش بعيد بعد 30 سنه نلاقيها تبع الكماليات هههههههههههههه

المشاركة الأصلية كتبت بواسطة aymanmaly

انا اركب شنب و دقن
واروح المرور
والبس نظارة شمس بدل الفيمية
صباح الفل

و تروح المرور ليه من أصله والله أنا قولت أقولكم الفكرة يمكن تعجب حد أو يمكن ألاقى عندكم حب التجربه أو حب التفكير لكن دا مفيش حد عايز يفكر خالص يا جدعان ولا يظهر أننا إلى كنت سهران زيادة عن اللزوم ولا أية و صباح الفل عليك يا باشا

المشاركة الأصلية كتبت بواسطة KoDaK_Gti

ده انت لو ركبت ستاير وخدت مخالفات هيبقة ارحم من اللى انت هتعمله

مانا حسيت والله يا كوداك أن الناس كلها عايزة تقولى كدة
و منور يا كوداك باشا

المشاركة الأصلية كتبت بواسطة amrelsaqqa

مينفعش اصلا
الباب من جوة بيشيل مكنة واحدة و بتبقى تقيلة عليه كمان ومفيش اي مكان لاي مكن تانى

والموضوع مش مستاهل ده كله حتى لو ينفع

ماهو لو على المكان بتاع المكنه التانى ممكن يبقى فيه أفتكاسة لتوسيع مكان الصاج من جوة يعنى زيادات فى الصاج أو لحام و كدة و شكرا للفت نظرى برضة فى موضوع التقل على المفصلات دة

المشاركة الأصلية كتبت بواسطة memoz

صباح العسل

صباح الفل يا سيدى

المشاركة الأصلية كتبت بواسطة ahmed_su

طيب ما انت لو عندك الازاز الفاميه شيل الاصلى وركبه

ولا ماكنة تانية ولا اختراع - واللى يكلمك تقول ده الاصلى وخليه يجرب يشيله :)

لازم يكون مثبوت فى الرخصة أن العربيه نازلة من المصنع و بلد المنشأ بالفاميه لكن لو مش مثبوت هيبقى فيها كلام تانى مع المرور

المشاركة الأصلية كتبت بواسطة fadod

مع إن عايش برة مصر من 12 سنة ، عمري ماسمعت عن فيمه كهربا غير من شباب nile motors . ولما رحت على الوبسايت لقيت الكلام صحيح. بس خدود بالكم إن كل أوربا وأمريكا مسموح فيهم بالفيميه، فالمنتج داه هدفه التصدير ومش لولاد البلد. فعلشاً كدة السعر غالي زائد الجمارك والشحن والتركيب ،....


يمكن يرخص بعدين.

لأ فيه فاميه كهربا الناس عرضت عنه فى المنتدى هنا لكن إلى فهمته من الموضوع أن الازاز نفسه فيه ألياف ضوئية أو حاجة عجيبه كدة بتتحول لألوان و بكده الأزاز بيتحول نفسه لفاميه و طبعا تكلفته سمعت أنها 25 ألف جنيه مصرى و فكرته غير إلى بتكلم عنها خااااااالص فأنا كدة كدة بحب الأزاز الفاميه ففكرت كدة قولت يمكن الفكرة دى تتنفذ بسعر رخيص أو تكون سهله تنفيذها لكن بسم الله ماشاء الله الردود معظمها بتدل على أن مفيش حد ولا عاجبه الفكرة ولا بيفكر فى تنفيذها

المشاركة الأصلية كتبت بواسطة m2die4

+1

فايمهم و ادخل اللجنه فاتح الاربع ازاز اسهل , و بعدين انا بعد لعبى فى كهربه السياره اكتشفت انها مش زى اى كهربه تانيه او انا المش فاهم

هى فكره حلوه بس ازاز تانى صعب اوى ممكن نقول ستاره مثلاً او حاجه بلاستك ماسكه نافساها كده و مش سميكه و نعمل عليها الفاميه , و تنزل و تطلع بحديد رفيع حتى مش شرط كهربه او كهربه خارجيه مش من العربيه فكره حلوه بس عايزه دراسه شويه و اصعب حاجه انك توسع مكان و تظبت دخول و خروج سريع مش تشلك و هى نازله

بس ازاز على الازاز صعب اوى , و احي حضرتك على الفكره

ماهى فكرة أننا أدخل لجنه و أفتح الـ4 أبواب دلوقتى مش بيصدقوها خلاص أصل لو أنت راكب لوحدك و فاتح الأربع أبواب ممكن يقولك أرفع الأزاز و طبعا دا من حقه فأكيد هتتاخد مخالفه على الفاميه , مانا برضة فكرت فى ستار تتعلق فوق فى السقف و تبقى محطوطة على ماسورة رفيعة كدة و الماسورة دى تلف تنزل الستاير و تلف تانى ترفعهم و يبقى تحت ف أخر الستارة ماسورة برضة معدنيه و يتركب فى فرش الباب خانه خاصة عشان الماسورة دى ثتبت فيها عشان الهوا يعنى و الجو ميطيرش الستاره , ألف شكر على رد حضرتك و على تشجعيك يا باشمهندس و إن شاء الله لو فكرت فحاجة تانيه هقولهالكم برضة يمكن حد يستفيد

المشاركة الأصلية كتبت بواسطة د.محمود صلاح

فكرتوني بعربية باتمان كا لما يدوس على الزر كل حاجة تتقفل في العربية حتى الكاوتش

يا دكتور محمود مفيش حاجة صعبه فى الوقت الحال عادى جدا دا فيه عربيه بتمشى بالقهوة و على شكل فنجان كمان هههههههههههههههههه

المشاركة الأصلية كتبت بواسطة fadod

دة الزجاج الأنا بقول عليه، ولا تفرق لجنة ولا غيروا

إسمه

كهروكرومتك It's called "electrochromatic tint

المشاركة الأصلية كتبت بواسطة fadod

بس عايز أقول إنه لو إتخربش هيطلع ذي الفيمه العادي ويبقى بردو ماعملناش حاجة جديدة. فمتحطوش امال كتيرة عليه

بس دا أختراع فظيع يا راجل دا الأزاز هوا إلى بيتغير لونه و كمان صعب جدا ينزل فى مصر و لو نزل بيقولوا هيبقى بـ25 ألف جنيه يعنى دا انا أجيب عربية تعبانه و أجرب الفكرة إلى بقول عليها دى بالمبلغ بتاع الأزاز إلى هجيبه من برة كله

المشاركة الأصلية كتبت بواسطة wasta

فكره حلوه وعادتا تنفع للعربيات القديمه زى ال128 علشان كان عندى الفرق مابين الزجاج والباب فى عربيتى القديمه ال 128كان كبير بيدخل ميه لما بغسلها فا الطريقه ديه بتقول وداع لدخول الميه تانى نيههههههههههه

طيب والله يا راجل دا الفكرة تنفع تتركب على كدة عند حد بس التكلفة عليك بقى هههههههههههههههه والله أعلم هتبقى التكلفة كام بقى (طبعا بهزر معاك يا باشمهندس)



و إن شاء الله لو فكرت فى حاجة برضة تانى هقولهالكم و هحاول أسئل برضة ناس كهربائية سيارات يمكن يطلع واحد فزلوك من ضمنهم يقولى هعرف أركبه و برضة لو حد منكم راح لكهربائى سيارات أو لواحد بتاع أزاز يسألة لمجرد المعرفة مش أكتر يمكن نستفاد والله و الفكرة تطبق فى الواقع

المشاركة الأصلية كتبت بواسطة funnymickey

والفلوس حتجيلك منين؟؟؟؟
انطق
عليا الطلائع مانا دافع
حسبي الله
حسبي الله

ما علشان كده قولت مستني فلوس تجيلي
وهتدفع يعني هتدفع علشان امول المشروع

المشاركة الأصلية كتبت بواسطة hema_lancer

علي فكره الموضوع ده كان في دماغي وكنت ناوي اعمله في ال 128 بس فشل
اللي في دماغي حاليا حاجه شبيها بالستائر الكابس بس فاميه دارك بلاك
الفكره اني اجيب لوح شفاف مقوي (في تخانه شريط الدوا كده)
وطبعا يكون شفاف ويتلزق عليه فاميه دارك بلاك
ويتقص زي الزجاج بالظبط
ولما تكون عايز تفيم حطه بس كده علي الزجاج
ولما تكون عايز تشيله هتشيلو بكل سهوله
اتقل بس الفكره قيد التنفيذ بس محتاج الفرغ ده مش اكتر
وفي فكره تاني هتبقي جاااااااااااااااامده وبأذن الله هنفرد بيها بس لما يجيلي فلوس :)

أيوة كدة يا هيما يا أبو الأفكار عايزين يا أخوانا الناس تفكر كدة حتى لو هنعمل جوة العربيات مكنه عصير قصب أهوه أفكار و خلاص و أحنا منتظرينك

المشاركة الأصلية كتبت بواسطة funnymickey

والفلوس حتجيلك منين؟؟؟؟
انطق
عليا الطلائع مانا دافع
حسبي الله
حسبي الله

فلوس أية لاسمح الله ههههههههههههههههههههه أنت قصدك عليا ولا على هيما ؟

لو عليا أنا مثلا و الفكرة إلى قولت عليها بتاعة الأربع ألواح أزاز دى ممكن الواحد بقى يشتغل فترة طويله و لما يجمع قرشين كويسين يسأل بقى أى كهربائى أو بتاع أزاز

المشاركة الأصلية كتبت بواسطة hema_lancer

ما علشان كده قولت مستني فلوس تجيلي
وهتدفع يعني هتدفع علشان امول المشروع

و أحنا منتظرين أفكارك يا هيما على أرض الواقع إن شاء الله

صبااح الدماغ العالية
طيب فيية فكرة تانية بالنسبة للستاير الكبس
الحز بتاع الستاير الكبس
مااينفعش نحددو علي اي ازااااز تاني
يعني نشيل القماش بتاع الستارة ونمسك المادة مش عارف هيا حديد
ولا اية بالظبط ونرسمها علي اي ازااز تاني
ياريت اي حد عندو ستاير كبس يقلنا الحز بتاعها حديد سهل التشكيل ولا اية بالظبط

المشاركة الأصلية كتبت بواسطة magyver

صبااح الدماغ العالية
طيب فيية فكرة تانية بالنسبة للستاير الكبس
الحز بتاع الستاير الكبس
مااينفعش نحددو علي اي ازااااز تاني
يعني نشيل القماش بتاع الستارة ونمسك المادة مش عارف هيا حديد
ولا اية بالظبط ونرسمها علي اي ازااز تاني
ياريت اي حد عندو ستاير كبس يقلنا الحز بتاعها حديد سهل التشكيل ولا اية بالظبط

والله برضة فكرة جميله يا باشمهندس و عمليه جدا بس مش معقول تكون داخل على لجنه و مفيش حد معاك فى الكنبه تقوم أنت ناطيت على الأزاز إلى ورا و تنزلهم يعنى