ياجماعه انا محتار اشتري كاوتش ايه لعربتي البومه 1300 أوتوماتيك
دانلوب - بريدجستون - ميشلان
ايه الاحسن فيهم
وياتري الكاوتش لو عدي عليه سنه ونص عند التاجر يبقي كده قديم وبلاش اشتريه ؟
عرض للطباعة
ياجماعه انا محتار اشتري كاوتش ايه لعربتي البومه 1300 أوتوماتيك
دانلوب - بريدجستون - ميشلان
ايه الاحسن فيهم
وياتري الكاوتش لو عدي عليه سنه ونص عند التاجر يبقي كده قديم وبلاش اشتريه ؟
من ضمن المقاييس اللى على أساسها يتحدد وجوب تغيير الإطار هو مرور 6سنوات على تاريخ إنتاجه فانت لو استخدامك كتير و عارف انك هتدوب الكاوتش فى أقل من 4 سنوات و نصف يبقه خلاص مش مشكله يكون عدى عليه سنه و نصف.
أفضل كاوتش للانسر هو Bridgestone TOURANZA GR-80 made in japan
لو جبت الكاوتش اللى قولتلك عليه ده ان شاء الله خلى بالك و الراجل بيركبهولك لأنه ليه اتجاه دوران متحدد بسهم على جنب العجله و للأسف انا شفت الكاوتش ده راكب فى عربيات كتير بالعكس............للأسف طبعا ده نتيجة الجهل.
بص بجد عايز اقولك انك تضحى شوية وتجيب الكاوتش الى استاذ محمد بقولك علية دا لانى لسة مركبة من اسبوع كدة وعايز اقولك انى اسوء حاجة فى الانسر الى هيا الفرامل اتحسنت كانى مغير منظومة الفرامل بالكامل عمرى ما حسيت انى فرامل كويسة دا لا بتغير تيل ولاخرط طنابير ولا كل انواع التيل ولا اى ضغط كاوتش معين بجد بتحس اول ما تدوس فرامل انى العجل بيقفش فى الارض دا غير انى ملوش صوت ملوشملوش بجد يعنى انا بتعمد اجرى وافرمل على الاخر مش بسمع اىىىىىىىى دى خالص انا كانت عربيتى خليجى فكان فيها دانلوب بص هوا مفيش فرق خالص فى الاستابيلتى بتاع العربية ان مكنش الدانلوب احسن سنة صغيرة بس كا صوت الدانلوب كان بيحسسنى انى راكب 27 خاصة فى الحر مع كل فرملة اىىىىىى وجربت معاة كل الضغط بتاع الكاوتش وبردوة الgr80هتستمتع لما تبقة ماشى بسرعة فى طريق نظيف وتشيل رجلك من على البنزين وتحس بنعومة العربية
طيب وايه راي حضرتك يا باشمهندس محمد في الكوتش Brigestone turanza ar10 خصوصا اني قريت عنه عالنت ولقيته بيجمع بين الاستابيلتي والنعومية والراحة وانه ملوش صوت اطلاقا وفعلا لما اشتريته حسيت بنعومية فالعفشة رهيبة غير الكوتش اللي كان فيها الاصلي اختلاف فالنعومة ولكن الثبات واحد
كل البريدجستون اليابانى ممتاز بس اللى انا اعرفه ان اكتر موديل متفوق فى نقطة الهدوء و النعوميه ده بالذات هو الGR-80 ولكن ده ما يمنعش ان الar10 ممكن تكون زى ما حضرتك بتقول كده بس انا جربت الGR-80 فبتكلم عنه و بانصح بيه بقلب جامد انما مجربتش الar10 فا مقدرش أقول رأيى فيه و مش هينفع أكون رأى من مجرد كلام على النت لأن فى الحاجات ده التجربه أهم حاجه و ياما ناس شكروا جدا فى أنواع كاوتش و موديلات و لما الواحد جابها لاقاها أقل من المتوقع بكتير!........يعنى مثلا أنا جبت قبل كده ميشلان و فرده الناس كانت بتقول فيها شعر و لكن معجبتيش قوى و لاقيت بعد كده البريدجستون برقبتها.
ياجماعه الواحد كده محتار أوي ..........
أنا ركبت فردتين دانلوب امبارح وهو كويس بس طبعا لسه مش قادر احكم عليه وعلى فكره الدانلوب اللي في مصر دلوقتي جنوب إفريقيا
انا متابع بإهتمام
ياجماعه انا اتاخرت في الرد بس الحمد لله اشتريت Bridgestone TOURANZA GR-80 made in japan
مش عايز اقولكم الفرق جامد جداااااااااااااااااااااا
الاحساس مختلف في المطبات والثبات
انا مركب gr80 جامد جداً واحساسه في المطبات فارق جداً عن الهانكوك اللي كنت مركبه الاول
سعره كام ال gr80 ؟
thank you so much for this informations
أنا كمان لسة مركب 4 فرد Bridgestone TURANZA GR-80 made in japan
يا جماعة بجد الكاوتش ده اختراع .. فرق كبير بين القديم وده مع ان القديم كان Bridgestone TURANZA ER-30 made in japan
ثبات ..نعومييييييييية .. هدووووووووووووووووووووووو وووء شديد على الطريق
بس تقريبا فيت اند فيكس وقفوا استيرادها علشان في نوع جديد نزل وهو Bridgestone TURANZA GR-90 made in japan ودي سعرها بعد الخصم في التوكيل تقريبا 565 جنية وهي بنظام Inside & Outside مش Rotation زي GR-80 بس ما حبتش أجرب تكنولوجيا جديدة الا لما تثبت كفائتها خصوصا في البيئة المصرية لاني كنت سامع قبل كده عن GR-80