الموضوع: اشتري كاوتش ايه للبومه

المشاركة الأصلية كتبت بواسطة justthink

ياجماعه انا محتار اشتري كاوتش ايه لعربتي البومه 1300 أوتوماتيك

دانلوب - بريدجستون - ميشلان

ايه الاحسن فيهم

وياتري الكاوتش لو عدي عليه سنه ونص عند التاجر يبقي كده قديم وبلاش اشتريه ؟

من ضمن المقاييس اللى على أساسها يتحدد وجوب تغيير الإطار هو مرور 6سنوات على تاريخ إنتاجه فانت لو استخدامك كتير و عارف انك هتدوب الكاوتش فى أقل من 4 سنوات و نصف يبقه خلاص مش مشكله يكون عدى عليه سنه و نصف.

أفضل كاوتش للانسر هو Bridgestone TOURANZA GR-80 made in japan

لو جبت الكاوتش اللى قولتلك عليه ده ان شاء الله خلى بالك و الراجل بيركبهولك لأنه ليه اتجاه دوران متحدد بسهم على جنب العجله و للأسف انا شفت الكاوتش ده راكب فى عربيات كتير بالعكس............للأسف طبعا ده نتيجة الجهل.

المشاركة الأصلية كتبت بواسطة mohamedway

من ضمن المقاييس اللى على أساسها يتحدد وجوب تغيير الإطار هو مرور 6سنوات على تاريخ إنتاجه فانت لو استخدامك كتير و عارف انك هتدوب الكاوتش فى أقل من 4 سنوات و نصف يبقه خلاص مش مشكله يكون عدى عليه سنه و نصف.

أفضل كاوتش للانسر هو bridgestone touranza gr-80 made in japan

لو جبت الكاوتش اللى قولتلك عليه ده ان شاء الله خلى بالك و الراجل بيركبهولك لأنه ليه اتجاه دوران متحدد بسهم على جنب العجله و للأسف انا شفت الكاوتش ده راكب فى عربيات كتير بالعكس............للأسف طبعا ده نتيجة الجهل.

طيب لو النوع ده مش متوفر في البلد اللي انا موجود فيها اجيب ايه تاني ؟؟؟ دانلوب ولا ميشلان

بص بجد عايز اقولك انك تضحى شوية وتجيب الكاوتش الى استاذ محمد بقولك علية دا لانى لسة مركبة من اسبوع كدة وعايز اقولك انى اسوء حاجة فى الانسر الى هيا الفرامل اتحسنت كانى مغير منظومة الفرامل بالكامل عمرى ما حسيت انى فرامل كويسة دا لا بتغير تيل ولاخرط طنابير ولا كل انواع التيل ولا اى ضغط كاوتش معين بجد بتحس اول ما تدوس فرامل انى العجل بيقفش فى الارض دا غير انى ملوش صوت ملوشملوش بجد يعنى انا بتعمد اجرى وافرمل على الاخر مش بسمع اىىىىىىىى دى خالص انا كانت عربيتى خليجى فكان فيها دانلوب بص هوا مفيش فرق خالص فى الاستابيلتى بتاع العربية ان مكنش الدانلوب احسن سنة صغيرة بس كا صوت الدانلوب كان بيحسسنى انى راكب 27 خاصة فى الحر مع كل فرملة اىىىىىى وجربت معاة كل الضغط بتاع الكاوتش وبردوة الgr80هتستمتع لما تبقة ماشى بسرعة فى طريق نظيف وتشيل رجلك من على البنزين وتحس بنعومة العربية

المشاركة الأصلية كتبت بواسطة ahms10

اسوء حاجة فى الانسر الى هيا الفرامل اتحسنت كانى مغير منظومة الفرامل

حضرتك بتتكلم عن عربيه متسوبيشي لانسر ان فراملها وحشه
اظن انت اول واحد يقول الكلام ده بس انا 1.3 من غير abs الفارمل تحفه و لو كبست جامد بتقف في مكنها راجع زيت الفرامل و التيل و انت اكيد هتلاقي فيهم العيب

المشاركة الأصلية كتبت بواسطة khaledmekawy2008

طيب وايه راي حضرتك يا باشمهندس محمد في الكوتش Brigestone turanza ar10 خصوصا اني قريت عنه عالنت ولقيته بيجمع بين الاستابيلتي والنعومية والراحة وانه ملوش صوت اطلاقا وفعلا لما اشتريته حسيت بنعومية فالعفشة رهيبة غير الكوتش اللي كان فيها الاصلي اختلاف فالنعومة ولكن الثبات واحد

كل البريدجستون اليابانى ممتاز بس اللى انا اعرفه ان اكتر موديل متفوق فى نقطة الهدوء و النعوميه ده بالذات هو الGR-80 ولكن ده ما يمنعش ان الar10 ممكن تكون زى ما حضرتك بتقول كده بس انا جربت الGR-80 فبتكلم عنه و بانصح بيه بقلب جامد انما مجربتش الar10 فا مقدرش أقول رأيى فيه و مش هينفع أكون رأى من مجرد كلام على النت لأن فى الحاجات ده التجربه أهم حاجه و ياما ناس شكروا جدا فى أنواع كاوتش و موديلات و لما الواحد جابها لاقاها أقل من المتوقع بكتير!........يعنى مثلا أنا جبت قبل كده ميشلان و فرده الناس كانت بتقول فيها شعر و لكن معجبتيش قوى و لاقيت بعد كده البريدجستون برقبتها.

ياجماعه الواحد كده محتار أوي ..........

أنا ركبت فردتين دانلوب امبارح وهو كويس بس طبعا لسه مش قادر احكم عليه وعلى فكره الدانلوب اللي في مصر دلوقتي جنوب إفريقيا