كنت فى السوق امبارح وعلى الساعه 3 و بعد لف من 9 صباحا
لقيت نوبيرا 2006 فابريكه بره و جوا و الفرش بحاله ممتازه
من الاخر العربيه بعد المعاينه المبدئيه بحاله ممتازه
وبدء التفاوض مع البائع هو كان طالب 51 و صلتهم ل 49
بعد 5 دقايق كلام
الحياه جميله و العربيه كويسه و بسعر هايل ( قياسا على اللى سمعته فى السوق )
اتفقنا على اسلوب البيع و مفيش مشاكل و فى الاخر طلبت منه
نطلع على محطه كا لتكس عباس العقاد نكشف على العربيه
الراجل ما خيبش ظنى وو افق فطبعا حسيت انه متاكد من حاله عربيته
و انى عرفت اشترى
المهم وصل المحطه قبلى و كلمنى من هناك و صلت بعده و رفعنا العربيه
و كانت المفاجاه
ان الشاسيه معوووووووووووووج
وطبعا انفض المولد بسلام
بس اهم درس طلعت بيه ان لازم وضرورى تكشف على العربيه
مينفعش تشترى عربيه بدون ما ترفعها مهما كان شكلها كويس
المفضلات