الموضوع: محتاج عدة للأسد

الأسد في مرحلة اعادة البناء و هيخلص خلال شهر و نص الى شهرين و محتاج حد عنده خبرة بظبطني في سيستم بالمواصفات دي ؛
العربية 7 اكب و عايز الكل يسمع كويس مش صوت عالي بس صوت نقي
مش عايز شرايط سي دي ام بي 3 و ديفيدي بس و ماتكونش فتحة السيدي في وش الكاسيت عشان التراب مايبوظهاش
مش مهم يكون فيه ريموت الا لو بيركب على الطارة
عايز جي بي اس و بلوتوث و يو اس بي لو ممكن
عايز أرركب شاشات عرض واحدة 7 بوصة و 2 من 10 ل 15

ممكن يكون الكاسيت دبل دن أو عادي مش هتفرق معايا

أخوك أبيض في الموضوع ده و هعتمد كليا على رأيك و تقييمك بناء على خبرتك عشان كده أرجو ان اللي هيديني رأي يكون متأكد و مجرب بنفسه

كان فيه موضوع عن كمبيوتر للعربية هل أفضل و عملي أكثر من سيستم ؟

اخر حاجة التكلفة مش عايز أدفع كتير لو 2000 هيكفوا ؟