اوعى من الخنافة ومد الايد
السلام عليكم ورحمة الله
حصل موقف ولازم انبة منة الكثير اللى بياخدوا الموضوع عافية او خناقة او او ...... الموضوع ومافية حصل عند الحرية مول امام الجنينة بالظبط شابين واحد راكب فيرنا والتانى اوبل فيكترا وطبعا التزاحم على دخول الفتحة بجوار الجنينة الاول رمى بوز العربية خصوصا كان ف تاكسى جاى فى وشهم من الجهة الشمال فى نفس الفتحة والاتنين مفيش صبر نزل من الفيرنا شاب فاكرها بلطجة وطبعا بايدة ودب على الباب وافتح ونزل التانى بلطجى بقى ينزل من الاوبل شاب جسم بس استغربت انة معملش حاجة الشاب صاحب الفيرنا شتيمة وزعيق ومد ايد دا غير مبهدل التانى ماسكة كانة حرامى التانى طلع التليفون صاحب الاوبل وطلب هو قال جملة واحدة تعلولى هنا انا فى المكان وشرح فى ظرف دقيقتين 2 بوكس وهجوم ظباط وعساكر انا استغربت انا قولت دا مجرم خطير ولا اية نزلوا كلموا صاحب الاوبل اللى اتبهدل وشاور على صاحب الفيرنا وشرح عملة اية يا جماعة مهما شرحت مش حعرف اقول اتبهدل بهدلة حوالى 15 واحد بيمخمضوة دا غير شالوة من رجلة كانة خروف فى ليلة الدبح واترمى مع ضرب مبرح جوة البوكس كانهم خاطفينة ويزق ويتكلم يقولولو انت ليك عين كمان ودب واترمى جوة البوكس والعربيتين مشيوا وانا فى زهول كانة فيلم تيتو فيا جماعة علشان اللى واخدها بالدراع على اى حد سواء مواطن او ظابط بلاش يتعامل كدة علشان لو طلع اللى قدامك دة حاجة حتتبهدل بجد وحتتهان بطريقة غير ادامية والتصرف الصح انك تطلب البوليس ومتنزلش من عربية ولا يحصل تشابك بالايد سواء بالتعدى علية او على عربيتة مهما الموقف كان مستفذ .
وربنا يسلم طريقنا كلنا