الموضوع: مكان سرينة الانذار

الاخوة الكرام ..

عندى سرينة الانذار الولف الكهربائى مركبها فوق الانجيكشن على طول يعنى فى صدر العربية فوق الموتور . هل هذا هو المكان الصح ؟؟ ولا بيركب بجانب الكلاكس الاصلى بتاع العربية ( بجانب الريداتير) يعنى مش ظاهر ..

الى خلانى اقول كدة انى مرة سيبت العربية فى الجراج واقفلت الانذار وسيبت للسايس المفتاح علشان مكنش فية مكان . وبعدين لما رجعت لاقيتة فصل سلك السرينة لانه جرش العربية وفتاح بالفتاح فاالانذار اشتغل .. وطبعا السرينه محطوطه فى مكان ظاهر فكان سهل عليه انه يفصل السلك.

وطبعا كدة اى حد حرامى ولا قدر الله ممكن يفتح العربية بسرعه ويفتح الكبوت ويفصل السلك بتاع السرينة بسرعة ..

صح كدة ولا انا بيتهيئلى انه ممكن يحصل .. وشكرا

سؤال رخم تانى ... معلش استحملونى ...
فى ماسورة معدن صغيرة طلعه من قربة المياة وراحه بيتهيئلى للموتور وفيه زى صامولة كدة بتتفتح مكتوب عليها H مش عارف اية دة

العربية اكسنت 1500 موديل 2000
وكفاية كدة اسئلة النهاردة
اخوكم محمد