الموضوع: لوجانى راكب لانسر بومه

المشاركة الأصلية كتبت بواسطة asdcat39

الموضوع ده مش عامله للمقارنه كفنيات ولكن عامله من تجربه انا حسيتها كنت مع واحد صاحبى عنده بومه اتوماتيك وقالى خد سوق والله اول ما قعدت على كرسى القياده استغربت جدا ازاى العربيه دى انتشرت كده ايه المميز فيها حسيت انها ناشفه قلت فينك يا لوجان يا حبيبى والله بحس نا متشال على ريش نعام ولما مشيت بيها على المطبات العربيه حاسس بالمطبات اكتر و العربيه اللى معديه ميت الف مفيهاش فوج لايت ماشى مش شايف قدامى ومش راضلى افتح النور علشان مضيقش الناس وحتى احساس الاوتوماتيك حسيت انه مش ممتع خالص( ده بالمناسبه يعنى ملوش علاقه بالعربيه)و
مريات اللانسر مش كاشفه الطريق بالطول زى اللوجان
غريبه امال معايا بحس ليه اني كاشف كل حاجه
ومش عارف بوز الانسر كبير ليه كده حاسس ان نصف العربيه بوز
بس شكل جميل وترتيب مقنع جدا للموتور داخل حجرته ووسع وسهوله تخلي اي ميكانيكي عجر يكشف عليها
الحاجه الوحيده اللى عجببتنى فى الانسر انى عملت بيها كيك داون الصراحه سحب العربيه جميل بس عايز حد يطلعللى ميزه فى اللنسر مش موجوده فى اللوجان غير نقطة الثبات حتى الوساده الهوائيه موجوده فى اللوجان
1- مفهاش عضه فتيس
2- مفهاش هزه عصايه الفتيس
3- عزل طياره
4- توزيع زراير في الكونسول مبدع
5- سحب اكتر من ممتاز
6- قطع غيار مناسبه ومنافسه بالنسبه لفئتها السعريه
7- تشتريها وتركبها وتبهدلها وتلاقي اللي خسرته لا يذكر"سعر اعاده بيع"
8- جرب وقول عايز ابيع لانسر كسر زيرو اوحتي كرستاله تلاقي امم مستنيه.
9- موتور ياباني حكايه نادر ميعمل عمره
10- abs
11- فكر وروشها وهتلاقي وحش ظهر من القمقم

علشان محدش يفهمنى غلط انا والله بعبر عن حاله نفسيه انى ارتحت اكتر للوجان
محدش يقدر يكدبك في احساسك بس ربنا يوعدنا بالشارك او حتي البومه انا قابل

مع ان عارف ان دى فئه وده فئه اعلى ولكن والله اللوجان مريحه اكتر من البومه وتحس باحساس ممتع فى سواقتها انك بتتعامل مع حاجه راقيه وناعمه الشئ الوحيد الناقص حتى تكتمل هذه اللوحه الفنيه الجميله هو انتشار قطع الغيار

كل الناس بتقول

يارب

استاذ amrdiabانتشار العربيه وسعرها ده لا يتناسب مع اللى بتاخده منها الفرق بين اللوجان والانسر فوق اربعين الف ج لذلك لازم تكون لذلك انا بتكلم عن احساسك بالعربيه وليس مثلا انتشار قطع الغيار لان كده احنا هنظلم اللوجان اما مساله السحب معاك فيها انها ممتازه ولكن سحب اللوجان ممتاز برده هزه الفتيس او عضة المارشيدير فى ناس شايفها انها لا تمثل ادنى ادنى مشكله وانا منهم وناس مكبره الموضوع اوى موضوع العزل اللوجان تتفوق فيه على الانسر موضوع ال ا بى اس صاحبى اللى معاه هاف سبورت قالى انها مفيهاش ا بى اس يعنى اللى اقصده ان البومه مبالغ اوى فى سعرها وعلى فكره الناس كلها عارفه كده ولكن بتشتريها لسبب وحيد وانت قلته جرب وقول عايز ابيع لانسر كسر زيرو اوحتي كرستاله تلاقي امم مستنيه.

المشاركة الأصلية كتبت بواسطة best2010

اخويا معاه لانسر بومه الهاى لاين واقدر اتفق معاك ان عفشة اللوجان انعم .. فقط هذا ما تتفوق اللوجان فيه
لكن موتور و سحب وفرامل وخامات وتقفيل وشياكة كل ده لصالح اللانسر بفارق
وموضوع المرايات مختلف معاك تماماً
واللانسر عملية جدا جدا يعنى انتشارها الجامد ده مش من فراغ ..

والأتنين متشابهين فى انهم صفقة رابحة

يعنى انت لو مكان اخوك يبقى عندك 2 لوجان ولا واحده هاى لاين اللى هى تقريبا 130 الف ج

المشاركة الأصلية كتبت بواسطة asdcat39

................... يعنى اللى اقصده ان البومه مبالغ اوى فى سعرها وعلى فكره الناس كلها عارفه كده ولكن بتشتريها لسبب وحيد وانت قلته جرب وقول عايز ابيع لانسر كسر زيرو اوحتي كرستاله تلاقي امم مستنيه.

+111111

المشاركة الأصلية كتبت بواسطة drmax

انا على فكرة بشوف الردود ومستغرب
دانتو شركتو البومه خالص ياجماعه :)

بجد حسستونى انها كارو وطلعتو اللوجان مرسيدس بالنسبة للانسر
يعنى ناس كاتبه ان اللوجان عزلها احسن مش عارف ازاى رغم ان ناس كانت بتشتكى من عيوب تقفيل فيها ومراياتها احسن وانعم وارقى وكل حاجة فيها احسن
امال اللانسر ميزتها ايه؟؟ال 3 ماسات بتوع متسوبيشى؟؟ :)
حضرتك ارتحت فى اللوجان دى حاجة ترجعلك وازواق لكن ده مش معناه انك تطلع عيوب الدنيا والاخرة فى اللانسر ومميزات الدنيا والاخرة فى اللوجان !!

يا باشا مافيش حد شرك البومة ولا حاجة الراجل صاحب الموضوع ركب لانسر وبيقول رايه مقارنتا بسيارته اللوجان
ولو حضرتك راجعت المشاركات السابقة حتلاقى ملاك اللوجان هم اللى بيردوا عليه
وعموما شوف المشاركة دى من عضو فاضل معانا وهو معاه العربيتين يمكن اى حد يستفاد منها
بعد اذنك يا دكتور

المشاركة الأصلية كتبت بواسطة hamadamdph

السيارة موديل 2010 عامله 900 كيلو امبارح

* السيارة عالية عن الارض وده احلى حاجه شفتها, امبارح اخدت بالي من ان كل مرايات العربيات اللي جنبي على مستوى اقل مني , حصل موقف كوميدي جت اكسنت قديمة من ورايا بس لازقة فيا من الجنب وبيعديني , انا خفت على مرايتي لحسن يخبطها, ههههههههههههههههههههههههه هه لقيته مراية الاكسنت عدت من تحتها , قعدت اضحك حسيت ان طفل عدى من بين رجليا.

* النور اضائته ممتازه, تفتح الفوج لايت لوحده او النور لوحده او الاثنين, حيبقى الشارع فرح ادامك, انا طريقي على طول طريق السويس الصحراوي والدائري يعني النور عندي موضوع مفيهوش هزار:n_no[1]:

* الدركسيون مدملك كده بضبطه لفوق ولتحت بحيث اني اكون حاطط ساعات ايدي على رجلي وبرضه ماسكه لزوم الراحة والوجاهه, حته انه مفيهوش كلاكس بيخليني ساعات اريح عليه !!!!!! لما اكون تعبان ههههههههه انا عارف انه غلط عشان الايرباج بس ببقى فعلا محتاج اريح ايدي ....

حته ان الكلاكس في العصاية الشمال بتاعة النور فعلا طلعوا بيفهموا, امبارح كنت سايق ال 128 وجنبي والدي , ايدي اليمين على الفتيس وايدي الشمال ماسكة الدركسيون, ظهرت ادامنا عربية بسرعة من الجنب, اضطريت عشان اضرب كلاكس اني احول ايدي الفتيس تروح على الكلاس عشان هي في الدراع اليمين ووالشمال خبطت زرار النور غلط عشان اتعودت على اللوجان

انا عرفت ان الفرنسيين قاصدينها انت معظم الوقت ماسك الدركسيون بالشمال وايدك اليمين بتلعب بالفتيس فضربة الكلاكس مابتاخدش مني جزء من الثانية, انا مش من هواة الكلاكس بس طريقي كله سريع, يعني الكلاكس عندي انذار استغاثة للي ادامي ...

* العفشة اجمل ما في العربية, مرة كان اخويا قاعد جنبي وداخلين على مطب جنب البيت, يعني مطب احنا حافظينه وحافظين الهزة اللي بيعملها في العربيات الثاني
اللوجان اخدته بكل نعومة, خلت اخويا يقول بسم الله ما شاء الله, بقوله فيه ايه؟؟؟ قالي انت مش حاسس انا باكل المطب ده كل يوم اول مرة احس انه بسيط كده...

* شكل العدادات ولون النور البرتقالي فعلا شيك, لما سقت اللانسر بعد كده حسيت ان نور العدادات الابيض ده لمض موفرة (مع احترامي لاختها الكبيرة لانسر 2007)

السخونية اللي بيقولوا عليها جنب الرجلين مش حاسس بيها, لدرجة ان ساعات بمد ايدي وانا سايق المس اي حاجه جنب رجليا لدرجة ان الناس اللي جنبي بتقلق نزل يغطس فين ده , فيه سخونية لما حشرت ايدي فوق الدواسات بس بعيدة اوي عن الرجل,اعتقد انها مش حتفرق برضه للي لابس شبشب او صندل, انا اقصد بسخونية كوباية الشاي لما تيجي تشربها بعد ما تركنها ربع ساعة مش تتلسع, انا حسيت من الكلام قل كده اني محتاج البس بناطيل جينز عشان الحرارة ودي حاجه صعبة بحكم طبيعة شغلي:b4_564:.

* دواسة الفتيس حرير, دواسة الفرامل استجابتها زادت مع نهاية الالف.

* الفتس مش قادر احكم يعني ايه بتتهز اصل كل الناس قالت انها بتتهز,
انا ححاول اريحكو وحتكلم على الاثنين اخواتها:
ال128 الفتيس فيه رقصه مش هزة يعني كل من يملك 28 عارف ان الفتيس رايح جاي والعربية جايه زي البندول, تخف جدا اول ما تدوس بنزين.
اللانسر الفتيس تحس انك راشق عصاية في الارض مهما حركتها مفيش هزة واصلة من الموتور

اللوجان وسط واقرب للانسر من ال128
يعني الفتيس فيه عندي احساس بالهزة وانت سايق
هات موبايل بيعمل vibration وبعدين حط عليه مسطره وامسك طرف المسطرة, حاسس بالذبذبة دي؟؟؟؟ هي دي اللي في الفتيس .... ماتضحكوش عليا بس ساعات انه بينشط الدورة الدموية بتاعة ايدي هههههههههههههههههه انما الدغدغة اللي ما تضايقش..

* التكييف ماشغلتوش غير مرتين ثلاثة وكلهم دقايق معدودة لكن الملحوظ من اول ثانية ان قوة دفع الهوا جامدة جدا
حقولكم مفاجأة اتسائل عليها امام الله
التكييف في اللانسر حيجيبلي شلل واكتر حاجه قفلتني من العربية جايز عشان العربية 1300 مش عارف !!!
كل الناس تقول تكييف ياباني انما قوة دفع الهواء عبيطة جدا لازم اخليه على 3 او 4 وبعدين اقفل فتحتين الهوا اللي بعيد عني وانا سايق لوحدي واوجه الهوا من الفتحتين القريبين على وشي وايدي وساعات صدري او مؤخرة الرأس تعرق برضه !!!
لو كان التبريد في اللوجان حلو حتبقى عربية اسطورة في الصيف

* وجود زرار السنتر في الكونسول بيخليني افتح واقفل البيبان وكمان الشنطة من غير ماشيل ايدي اليمين من على الفتيس, مجرد بفرد صباعي وكمان الازاز....

* المساحات الداخلية اكتر حاجه عجبتني في العربية واسع وجميلة
مش عايز اقول ان اللي جنبك لو رفيع يقدر يحط رجل على رجل لتقولوا بهزر:ob_mak1[1]:

* ارتفاع السقف اكتر من 15 سنتي فوق دماغي رغم اني رافع الكرسي لفوق, اعتقد ان لو بنت ركب العربية دي مش حيكون فوقيها اقل من 20 سنتي

كل ملاك الفيات يعرفوا الدايرة السودة اللي بتبقى موجودة في فرش السقف فوق الراس نتيجة الاحتكاك الدائم بين الراس والفرش عشان مفيش ارتفاع, كانت بتخليني مكسوف جدا لما حد يركب معايا ال 128, بتديله احساس انك مبتستحماش
( أظن يا ستاذ نادر مفيش تفاصيل اصغر من كده, انا تحت امر حضرتك)

*الشنطة اوسع عربيه معايا في شنطتها, اخويا بفتحها ادامه مرة قالي انتا بقى متسيبهاش كده, انت تقسمها ضلفتين ثلاثة وتحط ضلفة بشماعات, 510 لتر دي يعني تقريبا اوسع من شنطة السيراتو, لدرجة اني حاطط فيها شنطة الاسعافات الكبيرة المثلث العاكس الكبير, فرش عربية جديد لسه مركبتوش, صينية اكل كنت جايبها من عند حماتي (اتفضلوا معانا), شنطة عده, شنطة لابتوب, ورق تبع شغلي وكل ده كان محطوط مش فوق بعض ولا واقف مثلا لأ (جننننننننننننننننننننننن� �ننننننننننب بعض يعني مستوي مفيش حاجه فوق حاجه يعني شنطة اللابتوب نايمة بكامل مساحتها

.


عيوب اللوجان واسوأ شيء في العربية

* كرسي اللوجان اكنز من الظهر من كرسي اللانسر, اتعودت عليه.
* الازاز لازم الزرار تفضل دايس عليه عشان يكمل نزول, في اللانسر ضغطة واحده (مع العلم انه اسرع من بتاع اللانسر)

* الازاز لو طفيت العربية اول ما بركن تحت البيت مش بعرف انزله, بيخلي اصحاب اللوجان نفسهم في وحده رفع (في اللانسر بيديك 30 ثانية تقفل فيها الازاز بعد ما طفيت , بصراحة اتعودت, بطفي العربية آخر حاجه قبل ما بخرج, على ما اعتقد ده كويس عشان الموتور)

* تانك البنزين بيتفتح بالمفتاح مش بزرار, ده بيخليني افكر اعمل نسخة مفتاح اسيبها ف العربية, ومش حبقى خايف لان العربية فيها امبوليزر مبتمشيش غير بمفتاحها الاصلي.
بصراحة طنشت ليه؟؟؟؟
لقيت اللوجان بتعمل معايا 15 كيلو في اللتر وهي لسه بتلين
يعني في ال 900 كيلو يا جماعة محطش غير 55 لتر بنزين
مرة 30 لتر ومرة 25 لتر
انا عارف ان سعة تانك البنزين مقارب للانسر, لكن اللوجان موفرة اكتر يعني بمون تقريبا كل اسبوع انا اللي بعمل الفين كيلو في الشهر, وبالتالي بتتمون على فترات ابعد.:b4_048:

* المرايه اللي في النص مش كاشفة الطريق اوي ورايا, اصلي متعود اني حاطط مراية على مراية ال 128 زي التاكسي بتخليني اشوف الشارع اللي ورايا كله
نقدر نقول ان فيه بقع مظلمة dark spots لازم عشان في بعض المواقف تشوفها تبص على ال3 مرايات , عايز حد يحلهالنا

* هل صدقت توقعاتي في اللوجان ؟؟؟؟

لا اللوجان فاقت توقعاتي , انا بعترف اني رجل سهل الارضاء ودا بحكم اني من صغري انا اللي بعمل صيانة اي عربية عندنا عند الميكانيكي

عارف ان اي عربية فيهاش عيوب حتى الاستون مارتن والمايباخ
عيوبهم ايه ؟؟؟؟؟؟؟؟؟؟؟؟؟؟؟ سعرهم طبعا ؟؟؟ ما هو ده يا جماعة عيب قاتل
عارف ان عربيتي لسه ممشيتش كتير ممكن يطلع فيها عيوب
بس بقول يا رب تكملها على كده
لان في اوروبا هما مجربين اللوجان قبلينا وبيشكروا فيها

* هل لو رجع بي الزمن حشتري اللوجان؟؟؟؟
انا حقول اني لو رجع بيا الزمن قبل ما اشتري اللانسر كنت حشتري اللوجان
على الاقل كنت حشتري اللانسر 1600 بس ساعتها فرق السعر كان حيبقى 40000 جنيه , بس اللوجان مكانتش معروفة سنة 2007