-
التليين كلاكيت عاشر مرة
يا جماعة أنا عارف الموضوع دة قتل بحثاً بس حبيت أشرككم معايا في المشكلة دي
دلوقتي في الكتالوج مكتوب أول 1000 كيلو نخلي الأر بي إم بين 2000 و 4000 لفة في الدقيقة علشان المحرك أقل من كدة على النقلات العالية هيعمل ما يطلق عليه engine laboring أو يعتل يعني و أكثر من كدة طبعاً كلنا عارفين engine over revving ... المهم أثناء الإستلام في غبور مندوب الإستلام قالي قالي ما تزودش السرعة عن 80 أول ألف كيلو...
طبعاً كل الإخوة هيقولوا إيه المشكلة ما تزودش عن 80 و خليك بين 2000 و 4000 RPM و خلاص...
المشكلة بقي يا إخوانا إن العربية اوتوماتيك و على 80 كيلو في الساعة العربية بتكون على الجير الرابع في الأوتوماتيك و المشكلة إن الـ RPM بيكون أقل من 2000 بحبة حلوين كدة...:) و مش بتبتدي تيجي على 2000 إلا على 90 كيلو في الساعة
و بعدين أنا رغم إني مقتنع بكاتالوج العربية هو الصح لكن أنا سمعت فعلاً من الإخوة هنا كتير موضوع ما تزودش عن 80 ده.... !!!
إيه رأيكم..
-
بص المشكلة مش 80 ولا 90 اهم حاجة في فترة التليين هي الحفاظ على عدد لفات الموتور
بحيث انها لا تتجوز الـ3500 لفة في الدقيقة في احلك الظروف.
بالنسبة للعربيات المانيوال فطبيعي ان السواق هو اللي بيتحكم في وقت النقلة اما في الاوتوماتيك
فالفتيس الاوتوماتيك هو المتحكم الرئيسي.
المفروض اللي انت تعملة انك تخلي التسارع بتاعك سلس وتدريجي ورجلك متبقاش تقيلة ابداً على
دواسة البنزين والفتيس هينقل حسب سواقتك الهادية على اقل Rpm ممكن يمشي العربية بسلاسة
وبدون تسقيف.
والف مبروك على العربية وربنا يبارك لك فيها ويعطيك خيرها ويكفيك شرها.
الا هي اية العربية بتاعتك فيرنا ولا ماتركس ولا اية؟
-
موضوع التليين مهم جدا
و كلام الكتالوج هو اللي تسمعه و تنفذه
و لا يجب أن تزيد سرعة عداد المحرك عن 3.5 زي ما قال أخونا نادر
و يجب مراعة الآتي
لا يجب السير بسرعة واحدة لمدة طويلة تزيد عن 5 دقائق و يجب أن تنزل بالسرعة و تزيد السرعة من حين لآخر
يعني تمشي على 90 أو حتى 100 و بعدين تنزل بيها ل70 و 60 إلى 50 و بعدين تنزل لغاية 30 و 20 ثم تعلى تاني بالسرعة ... و أهم حاجة أنك تخلي صندوق السرعات ينزل و يطلع كتير في وقت قليل
و خلي بالك لا تزيد لفات المحرك عن 3.5
و ممكن توصل لسرعات أعلى من 100 مادام سرعة المحرك مازلت تحت 3.5 ألف لفة في الدقيقة
و طبعا لا تحاول أن تصل لسرعات عالية و أنت محمل العربية
و بلاش تكييف و لو أن أحنا في الشتاء و الدنيا برد قارس بس حبيت اوضح نقطة فقط .
و بلاش تسارع بالعربية ....... يعني تطلع واحدة واحدة
و ألف مبروك على العربية و ربنا يباركلك فيها و يستر طريقك و طريقنا و يبعد عننا سواقين الميكروباص و الميني باص و النقل
و شكرا ولك تحياتي
-
شكراً ليكم يا جماعة على الردود القيمة و الله يبارك فيكم و العربية النترا.
Content Relevant URLs by
vBSEO 3.6.0 PL2