التليين كلاكيت عاشر مرة

**ahmedfd** · 18-01-2008 08:00 PM

يا جماعة أنا عارف الموضوع دة قتل بحثاً بس حبيت أشرككم معايا في المشكلة دي
دلوقتي في الكتالوج مكتوب أول 1000 كيلو نخلي الأر بي إم بين 2000 و 4000 لفة في الدقيقة علشان المحرك أقل من كدة على النقلات العالية هيعمل ما يطلق عليه engine laboring أو يعتل يعني و أكثر من كدة طبعاً كلنا عارفين engine over revving ... المهم أثناء الإستلام في غبور مندوب الإستلام قالي قالي ما تزودش السرعة عن 80 أول ألف كيلو...
طبعاً كل الإخوة هيقولوا إيه المشكلة ما تزودش عن 80 و خليك بين 2000 و 4000 RPM و خلاص...
المشكلة بقي يا إخوانا إن العربية اوتوماتيك و على 80 كيلو في الساعة العربية بتكون على الجير الرابع في الأوتوماتيك و المشكلة إن الـ RPM بيكون أقل من 2000 بحبة حلوين كدة...:) و مش بتبتدي تيجي على 2000 إلا على 90 كيلو في الساعة
و بعدين أنا رغم إني مقتنع بكاتالوج العربية هو الصح لكن أنا سمعت فعلاً من الإخوة هنا كتير موضوع ما تزودش عن 80 ده.... !!!
إيه رأيكم..

**Nader** · 18-01-2008 08:10 PM

بص المشكلة مش 80 ولا 90 اهم حاجة في فترة التليين هي الحفاظ على عدد لفات الموتور
بحيث انها لا تتجوز الـ3500 لفة في الدقيقة في احلك الظروف.

بالنسبة للعربيات المانيوال فطبيعي ان السواق هو اللي بيتحكم في وقت النقلة اما في الاوتوماتيك
فالفتيس الاوتوماتيك هو المتحكم الرئيسي.

المفروض اللي انت تعملة انك تخلي التسارع بتاعك سلس وتدريجي ورجلك متبقاش تقيلة ابداً على
دواسة البنزين والفتيس هينقل حسب سواقتك الهادية على اقل Rpm ممكن يمشي العربية بسلاسة
وبدون تسقيف.

والف مبروك على العربية وربنا يبارك لك فيها ويعطيك خيرها ويكفيك شرها.

الا هي اية العربية بتاعتك فيرنا ولا ماتركس ولا اية؟