لمبه الدينامو فى ال128 بمزاجها شويه تنور ولما ادوس بنزين تنطفى
وشويه عادى
بس بقالها فتره منوره على طول على السلانسيه ولما ادوس بنزين تنطفى
كشفت على الشحن طلع سليم
طب ايه الحل
اه وطول مهى منوره فى اصوات زنه فى السماعات وشوشره لو الكاسيت شغال
عرض للطباعة
لمبه الدينامو فى ال128 بمزاجها شويه تنور ولما ادوس بنزين تنطفى
وشويه عادى
بس بقالها فتره منوره على طول على السلانسيه ولما ادوس بنزين تنطفى
كشفت على الشحن طلع سليم
طب ايه الحل
اه وطول مهى منوره فى اصوات زنه فى السماعات وشوشره لو الكاسيت شغال
اظن دي مشكلة سليكونات الدينامو و تتعمل عند اي كهربائي
عاي العموم انتظر اراء الخبراء في المنتدي
انا عندي المشكلة دي بقالها فترة في ال127 ان اللمبة تنور و لما ادوس بنزين تطفي و المشكلة دي ظهرت بعد ما الميكانيكي وطي هوا الموتور .... فاعتقد والله اعلم ان الحل في تعلية الموتور حاجة بسيطة ...
هههههههههههههههه
فتحت بؤها
قبل اى حاجة انت كتاوت الشحن عندك الداخلى ولا كتاوت خارجى بلاطة زى مابيقولو الصنعيعية
لو الكتاوت داخلى هاتلاقى الدينامو طالع منة سلكين على طول على الضفيرة لو مش كدة هاتلاقى فردة منهم رايحة لكتوت البلاطة دة
عايزك تشترى دماغك وتجيب الكتاوت بتاعة الداخلى مش عارف عامل 45 جنية باين وهات الايطالى او التركى وماتكونش العلبة مفتوحة ومايصعش عليك ويقولك اصل واحد خدة وطلع بتاع الشاهين خلى بالك الكتاوت الداخلى دة جزء بيركب داخل الدينامو بمسمارين كدة وطالع منة الشربون الى راكب على الكوليكتور والرووتر بتاع الدينامو
كنا بنقول اية ..............اة
لو كتاوت بلاطة شيل الترملتين الى راكبين فية داخل وخارج وعشقهم مع بعض وكدة يبقى الشحن مباشر وشوف اللمبة هاتعمل اية لو الدينامو تمام مش هاتنور على السلانسية لو فية حاجة يبقى كدة تبص على قواعد السيلكون او ملفات الدينامو ممكن تكون بتحمص وقربت تتحرق ولا حاجة
وماتنساش لو هاتعمل حركة الشحن المباشر دى بص على الارقام الى مكتوبة مكان الترملتين الى هاتخلعهم علشان ماتبدهمش مكان بعض واحدة مكتوب عليها 16 والتانية حاجة وستين باين مش فاكر المهم انهم مايركبوش عكس بعض وخلاص علمهم باى علامة وطبعا كل الكلام دة لو عندك الكتاوت دة اصلا غير كدة يبقى شوف كتاوت الدينامو بقى الداخلى ممكن يكون العيب منة
والسليكونات دى هية الديود بالضبط بس على اكبر وبيبقى معاهم مكثف علشان توحيد التيار الى خارج من الدينامو انت فاهم بقى النظام بتاع تحويل المتردد لمستمر
اقولك نصيحة من الاخر لو الكهربا عندك تمام والمارش مابيعتلش فى الدوارة والانوار تمام والبطارية مش بتنام
اعمل انك مش واخد بالك لان اليومين دول الحكاية ناشفة قوى ومافيش كاشات
انا لسة كاعع 150 جنية من لحمى الحى
سير التقسيمة اتقطع وتنت صباب او اتنين مش عارف بقى داخلة على عمرة شكلها كدة
وبرضة كل دة وانا عامل مش واخد بالى
لما يكون عيب سليكونات اللمبة الحمراء بترعش (الكهربائى هو اللى قال لى كده)، هى فى الغالب كتاوت-ومعظم ال 128 لازم يتركب لها كتاوت خارجى (بلاطة)
السلام عليكم
مؤشر السرعه فاصل فى 128 والكهربائي قالى واير الامير مقطوع وعايز يتغير ممكن اعرف يعمل كام وهل ده سببه وما هى لمبة الامبير او لمبة الدينامو او كلاهما ومكانهما حيث انى مبتدئ
هو بحوالى 15 جنيه- لمبة الأمبير هى لمبة الدينامو عبارة عن رسمة البطارية، وهى لما بتنور معناها ان العربية بتسحب كهرباء من البطارية وليس من الدينامو
جزاكم الله خيرا:b4_007:
وممكن سؤال اخر الدركسيون تقيل شوية وكمان ساعات الاقي العربيه بتسحب لوحدها وساعات الاقيها مخنوقه شوية مثلا وانا على الثانى ساعات امع صوت عالى وسحب بطئ وساعات مسمعشي صوت وبتسحب حلو هل ده له سبب
ومعلش سؤال آخر
كل كام يوم الاقي النور الصغير فاصل ومرة الاقى النور اللى ورا فاصل ومره اللى ستوب هل ذلك عيب سلوك ام لمبات ام ماذا لانى كل شوية اروح للكهربائي واصرف فلوس كتيره
ارجو الافاده
واسف للاطاله