الموضوع: جهاز جديد يغنى عن ال cd

المشاركة الأصلية كتبت بواسطة mohamedezat

هو ده يا هيثم
ايه السرعه دى
وكويس انك لاقيته فى الشرقيه عاوزين نعرف بقا سعره

وعلى فكره هاقولك على حاجه تعملها بالمره علشان ماتفكش تانى والشكل يطلع كويس

خلى الكهربائى يفك الكاسيت ويعدى الوصلات من داخل التابلوه
وياخد الكهربا من كهرباء الكاسيت علشان لما تفصل الكاسيت هو كمان يفصل اوتوماتيك ولما تحب تطفيه لوحده اطفيه من الريموت

لا الفكرة كانت تايهه عن بالي انا موصل الموبايل علطول ومفيش ميزانية لكاسيت نضيف بس كنت مخنوق لاني مستغني عن الموبايل تماما ولاقيته عند واحد صاحبي عنده محل كماليات
عموما انا لسه معرفش سعره بصراحه لاني محاسبتش لسه بس اعتقد 60 جنيه لانه مكتوب عليه كدة انا بفكر في كدة بس البتاع عشان صغير مش عارف هحطه فين دة مبحبش الدبل فيس والكلام دة بس تشكر بجد على الفكرة يامحمد,متعرفش سعر السماعات بالمرة

المشاركة الأصلية كتبت بواسطة bakkarahmed

انا عايز اتأكد اني فهمت صح
انا عندي كاست لانوس مفيهوش cd ولا فتحة aux يبقي لازم اجيب شريط mp3 واوصلة بالجهاز دة...طيب لو انا مش عاجبني صوت الكاسيت من الاساس يبقي الجهاز دة ملهوش لزمة بالنسبة لي ...ولا ينفع اوصلة ب جهاز mp3 واستغني عن الكاسيت؟؟؟

انا مش متخصص في الصوتيات اوي بس اعتقد والله اعلم لازمة الكاسيت هنا كقوة لمخرج السماعات اكتر من انه يكون متحكم في كواليتي الصوت اوي جرب الاول لان التوصيل سهل جدا وابقي احكم انا عندي زيك بالظبط ومثلا المودليتور الولاعة صوته زباله جدا بالمقارنة مع موبايلي
فممكن انت كمان تكون عندك نفس الحكاية فالحل تجرب الاول

بصوا ..

الى انا فهمتة ان الجهاز دة عبارة عن قطعة بتتركب على الكاسيت بتاع عربيتك عادى جداااا ( حتى لو الكاسيت مجرد ردايو بس)
وبتحط فية الفلاشة والصوت بيطلع من الفلاشة للجهاز دة للكاسيت للسماعات
بس هوة زية زى شريط ال Mp3 بس دة للفلاشة مش اكتر

وبالنسبة لموضوع النقاء فى الصوت بيتحدد بشكل اساسى على نوع الكاسيت والسماعات

اما الجهاز دة ما هو الا لتشغيل الاغانى من الفلاشة على عربيتك
يعنى لو تقدر تعمل كابل usb فى الكاسيت بتاعك ...هاتشوف نفس النتيجة

( بمعنى اصح هوة زية زى ال mp3 بتاع الولاعة ( المديلتور) بس مش بيوصل الصوت عن طريق الراديو ...لا عن طريق اسلاك)

ف بيدينا فاقد اقل للصوت والنقاء بيكون احسن من الموديلتور



بس كدة .... ( يارب اكون فهمت صح علشان اوصل المعلومة )

طبعا الشكر كلة ل محمد عزت لانة لقاة وقالنا على الحل

الله ينور عليك
السؤال هل ده افضل ام اجيب كاسيت فلاشه ب 125 ج ارجو الافاده القاطعه

هو زى ما قلت لحضرتك ...الكاسيت الحالى والسماعات لو صوتهم كويس وعاجبينك هات الجهاز دة
اما لو عاوز تجيب كاسيت جديد صينى الى بفلاشة دة ...يبقى تجيب سماعات بايونير مثلا

طيب نصيحة من اخوك الصغير
..
اذا كان عندك وصلة aux وصوتها كويس ...طيب ماتجيب ام بى ثرى جيجا ب 70 ج ولا حاجة وهايشتغل معاك تمام اوىى وفية انواع بتاخد الباور بتاعها من ال aux ودى نادرة شوية
اما العادى ممكن تجيبلة وصلة ناحية mini usb تتوصل فى مكان شحن الام بى ثرى والناحية التانية ى فى الولاعة

وكدة تبقى ريحت نفسك لانك هاتجيب الجهاز 70 + التركيب ..+ فلاشة ب 50 ج
يبقى كدة هيا هيا ام بى ثرى ب 70 وكابل ب اقل من 50 وتبقى ملعبتش فى الكهرباء

انا ركبت الجهاز ياجماعة ووصلته علي باور الكاسيت بيطفي مع الكونتاك بتاع العربيه
طبعا بالمقارنة مع سامسونج جيت (الموبايل) فرق في النقاء اكيد
لكن الجهاز معاه ريموت كنترول فيه انك تقدر تعلي وتوطي الصوت للجهاز بس غير الكاسيت وغالبا هتوطي اوي لان الجهاز فعلا بيعمل صوت عالي جدا وفيه زرار للاكولايزر بتغير منه بس للاسف مفيهوش شاشه ودة عيب فهتغير حسب مابتسمع وفيه تقليب للاغاني وبيقرا الفولدرات ولو عربي وفيه ميزة كويسه انه لو فصلته او بطلت العربيه ودورت هتلاقيه علي نفس الاغنية تاني مش بيعيد من اول الفلاشه

باختصار هو حل عملي جدا لاني كنت هبقي مضطر اشتري كاسيت ماركة بايونيير يكون فيه يو اس بى وريدر ودة تمنه مش هيقل عن 700 800 جنيه والصوت مش نقي 100×100 اوي يمكن من الكاسيت الله اعلم بس قوي اوي بجد غير قوة خرج الكاسيت ومحتاج سماعات كمان انا بوطيه خالص وبشتغل تعليه وتوطيه من الكاسيت عشان الصوت بيبوظ لما بعلي منه هو بالريموت

لوائل لو عندك كاسيت عادي شرايط وحاطتله شريط mp3 ممكن تجيب الجهاز دة هيوفر عليك كتير اوي وميموري كارد او فلاشه تعيش حياتك انا عامل كدة حاليا لاني كنت زيك

التركيب مفيهوش مشكلة ولا تكلفه لانه بياخد توصيله من الباور بتاع الكاسيت ووصله ارضي وشكرا وتقدر تثبته في اي مكان بلزق دبل فيس .. عايز تستعمل فلاشه ممكن عايز كارت ميموري موبايل شغال .... عملي بجد