الموضوع: طلب من وحوش السيفيا " عاجل"

السلام عليكم
يا جماعة انا شفت العربية ودي المواصفات
العربية عاملة 107000km
حالتها من برة رشة من سنة بس فيها تجريحات كتير و اثار سمكرة علي البارد في الرفرف الشمال أمامى وباب السائق والاكصدام الأمامى في لحام من الزاوية دي حالة الخوارج
بالنسبة للدواخل ودي اللي مخوفاني
دواخل فابريقة بس الصالون متبهدل قوي و كرسي السائق ساقط لتحت حتي الراجل صاحبها حاطط مخدة تحتة
والطابلوة مفكوك من عند البرابريز ومن قدام السائق من عند العدادات والكاسيت
غير كدة التكييف شغال كويس و الكاسيت و الموتور صوتة ناعم
أنا عاوز اسأل بعد الحاجات دي ممكن اشتري العربية واظبت الحالة الداخلية من جوة و برة والا استني شوية يمكن الاقي حالة احسن
عذرا علي الإطالة و أرجو النصيحة