طبعا كلنا فاكرين السؤال المشهور جداا من أيام المدرسه زماااااااان (( بما تفسر؟ ))

أنا عايز اسأل نفس السؤال لأني مش لاقي أي ردود عليه فعلا... و الموضوع ببساطه

أعرف واحد معاه تيجوان 1400 مانيوال TSI و معاه بقاله سنه و نص تقريباً...
من يومين كده اتقابلنا, فسألته سؤال عادي و كنت متخيل اني عارف رده ( البديهي )
قلتله انت بتحطلها بنزين كام..؟؟ و منتظر كلمة ( 95 طبعاااااااا)..!!! و المفاجأه

92 عادي جدا..!!!!! قلتله من ساعة ما جبتها؟؟؟ قاللي ايوه من ساعتها..!!!
قلتله قفشتك يا لئيم, يبقى انت بتخلط 92 مع 95... صح..؟؟؟ قاللي لأ, 92 بس
رديت عليه بتعجب و قلتله بس الريكومندد 98 أصلا للمواتير الـTSI...!!!

قاللي عارف, بس عادي, و العربيه تمام معايا و مافيهاش الهوا... و انا ركبتها معاه
اول ما جابها كام مره, و من فتره, و من يومين لما قابلته... و هو اساساً جراي جدا

و العربيه بقالها سنه و نص و بسم الله ما شاء الله... سحب خراااااااافي جداااااا
و صوت الموتور مش عالي, و هو أصلا غياره على كل نقله مش قبل 6 RPM

السؤال اللي هيجنني.... بما تفسر..؟؟ استخدام بنزين 92 مع موتور TSI...!!!!

الراجل ده هاري العربيه, و بيحرق كتيييير جدااا, و بنزين 92, و معامله سيئه..!!

طيب حد يفهمني ازاي, و بعد سنه و نص, ليه الموتور ماضعفش زي ما بنسمع؟؟
ليه الكونترول ما باظش؟؟؟؟ ليه الموتور سحبه قوي جداا و متأثرش, و لو اتأثر
فالفرق مش خرافي يعني, عااادي جدااا....!!!!

طبعا ربنا يباركله في العربيه, و تفضل كده معاه, و احسن كمان....