ترشيح زيت وعملت كل حاجة تقريبا ولسة موجود
دلوقتى ياجماعة انا بقالى مدة بعانى من رشح وتنقيط زيت
اول مرة روحت للميكانيكى ربط الكارتيرة من تحت وقالى لو فية حاجة يبقى اغسل الكارتيرة وتعالى تانى.
وبردو الترشيح شغال وتنقيط زيت تحت العربية قومت غسلت الكارتيرة ورحتلة تانى وفضل سايب العربية دايرة بص عاليها ملقاش تنقيط .... قولتلة النتقيط لما ببطل واركن العربية.
المهم قالى الكارتيرة مفهاش رشح وقالى هنبص على الاويسلات مش هتخرج منهم
فعلا لقينا الاويسلين بتوح الوش بيظين واويسيل تحت عند البلوك رشحين قالى هنغيرهم قولتلة امين
وانا ببص على قاعدة الزيت اللى تحت فلتر الهوا مقطوعة قالى هجيب واحدة ونغير سير التقسيمة بالمرة قولتلة ماشى . ونظف مكان الويسلات والمنطقة دى والغطا الفيبر بالبنزين كويس وبقوا شمعة منورة.
وغيرنا ال3 اويسيلات والقاعدة والسير
الاويسيلات ب 35 ج
السر ب 95 ج
قاعدة متور 85ج
مصنعية 80ج مستكترهم مش عارف لية
وكانت المفجأة تنقيط زيت بردو بس اقل..
ياترى اية السبب وهل ية حاجة تانية مسئولة على رشح الزيت غير الكارتيرة الاويسلات .ولا ممكن اويسيل متركبش صح ولا اية الحكاية.
ياريت تسعدونى عشان بجد اتخنقت من التنقيط دة وبعد كل الغرامة دى لسة الترشيح موجود.
يابباش مهندس سمير يا ممدوح باشا يا خبرا ياناس اعمل اية تانى كدة حرام بجد .