الموضوع: اهلا بالصيف مع (شماسة زجاج)نايل موتورز

المشاركة الأصلية كتبت بواسطة karim_monir

معلش والله الشماسات الجانبية نزلت قليلة جدا 20 واحد
خلصو 7 وفاضل 13
ده غير زمايلي اللي في الشغل اول ماشافوها على عربيتي كلو دماغي عايزين منها او قولنا جبتها مني
مش قادر اقولهم انها في شنطة العربية عشان دكتور كايرو مايعملش مشاكل مع فارما ويبوظولي الاجتماعي اللي مشرفينة بيطفشو منه :-)

يوم الجمعة ان شاء الله في مقابلة نيسان هاتكون الحاجة كلها موجودة
شماسات امامية
شماسات جانبية
مجات حرارية بكل انواعها
تيشرتات نايل موتورز
كابات نايل موتورز
والاستيكر طبعا
وفي جزء من الحاجات دي هابعته مع زميلنا احمد مصطفى
يكونو ثابتين عند زميلنا ابو ليلى في اخر شارع الدقي عند توكيل مقار
عشان يكون متاح لكل زمايلنا في الجيزة

والنهاردة ان شاء الله هاودي حاجات لمحمد ممدوح بعد الساعة 7

ويمكن كمان تروح مدينة نصر عند نادر
يا مسهل
ملحوظة:
الشماسة الجانبية بتتلزق على الزجاج ب مطاط الزجاج
وتتشال بكل سهولة بشدة واحدة
الشماسة مش بتغطي الزجاج كله لكن بتحجب 80 % من الشمس لان لونها ابيض ناصع
وانا مارضيتش اطبع عليها اللوجو لسببين
هايرفع سعرها
وثانيا هايغمق لونها فتفقد اهم مميزاتها في عكس اشعة الشمس
تحياتي

ايه ده
هي كل الحاجات دي موجودة ؟؟؟؟؟؟؟؟؟؟؟
فيه حاجات كتير بتحصل في المنتدي ده من ورايا
يا ريت تليفون احمد مصطفي الحق اقلب منه الموجود عنده
وبعدين يا باشا احنا كمان عندنا مقابلة الميتسوبيشي يوم السبت احنا كمان عايزين من ده ولا النيسان احسن
قول اه علشان اقلب عليك منتدي الميتسوبيشي كله
(مرة فارما ومرة الميتسوبيشي انا لو منك اوقفني واريح دماغي)
واحشني بجد والله ونفسي اشوفك
وبالمرة اقلبك في شوية الحاجت اللى معاك