السلام عليكم
ازيكم ياشباب
كنت بسأل هل فى حد جرب بدل ماينفخ الكاوتش هوا يحط نيتروجين
ياريت لو حد جرب يقولنا
وايه هى المميزات بتاعت الموضوع ده ؟
وتكلفة الموضوع ده كام ؟
وشكرا
عرض للطباعة
السلام عليكم
ازيكم ياشباب
كنت بسأل هل فى حد جرب بدل ماينفخ الكاوتش هوا يحط نيتروجين
ياريت لو حد جرب يقولنا
وايه هى المميزات بتاعت الموضوع ده ؟
وتكلفة الموضوع ده كام ؟
وشكرا
أنا حطيت نيتروجين في صيانة ال 1000 عند أمير وجوزيف وكانت التكلفة 30 جنيه (7.5 جنيه للكاوتشة الواحدة) بعد كدة عرفت إنه السعر ده غالي وبيتعمل ب 20 جنيه في بريدجستون وأعتقد في خصم لإستيكر النايل موتورز في بريدجستون تقريبا التكلفة توصل 12 جنيه بس بصراحة مش متأكد من الخصم قد إيه.
والله أنا ماحسيتش بفرق كبير لأني مكنتش لسة ماشي بالعربية كتير بس اللي أنا ملاحظه إنه ماشاء الله لما بعمل Check على الكاوتش مش بلاقي متغير ولو إتغير يبقي مش أكتر من درجة أقل وده مثلاً كل شهرين وأنا عامل بالعربية 27000 منهم رحلتين لدهب وشرم الشيخ :36_1_1[1]:
مميزاته:
بيحافظ على العفشة وأنعم مع المطبات
مابيزيدش أبداً زي الهواء العادي بالحرارة
يقلل من إحتمال إنفجار الإطار لا قدَر الله
عيوبه:
هو مالوش غير عيب واحد إنه مش منتشر (صعب تلاقيه في كل البنزينات وبتوع الكاوتش) بس دي برضوه مش مشكلة لأنك ممكن تزود هواء على النيتروجين عادي..
أنا شايف إنك تجربه وهو تكلفته بسيطة ومش حتخسر حاجة وياريت تنقلنا تجربتك لو قررت
تحياتي
متشكر أووى لأهتمامك
طيب ياريت حد يقولى على أماكن بريدجستون فى مدينة نصر
1- لا ملوش دعوه بالعفشه تماما ولا بيعمل اى حاجه...(اصل انا مجربه فى النوبيرا والنيسان...وسبحان الله كأن شىء لم يكن...دة حتىسالت الراجل ايه مميزاته قالى ولا اى حاجه غير انك مش بتزوده وفعلا انا شفت انه ملوش لازمه)
2-المقطه التانيه اللى حضرتك قلتها والراجل قالها انى مش بزوده كله فتره....الصراحه هو بيقعد اكتر من الهواء العادى ولكن بيتزد برده كل شهر ونص كده
3-انا عندى تيوبلس مش بينفجر
بس عموما عموما انا شايف ان الموضوع دة ملوش اى لازمه وانا محستش باى اختلاف لما جربته:shyy:
جميل أووى
ياريت نشوف أراء بقيت الأعضاء
متابع باهتمام وياريت فعلا باقى الاراء
والله انا من يوم ما استلمت العربية وكنت ناوي اعمل الموضوع ده وعملته لاني شوفت مواضيع كتير بتتكلم عن فوائد النتروجين وبالذات في السرعات العالية وايضا في الاجواء الحارة لكن ليس هناك احساس بالفرق بين النتروجين والهواء العادي
تقريباً موضوع النيتروجين ده إتعمل فيه دكتوراه هنا في المنتدى
شوف الرابط التالي هيفيدك بإذن الله:
http://www.nilemotors.net/Nile/49376-a.html
تجربتي بتقول إن ليه تاثير بس طفيف
يعني بيقلل من صوت الدبدبة في حالة العفشة الناشفة بيخلي الصوت مكتوم ودا بيدي ايحاء بإن العفشة بقت أنعم
أنا حاطته من ساعت لما غيرت الجنوط من 3 شهور ولا لمسته و العجلة ما شاء الله حجر
ميزته الأساسيه إنك بتنساه و بحس إنه بيقلل الدبدبة اللى بتحس بيها فى الصالون بس ممكن تكون أوهام
تمام ياشباب ...
شكلى كده هجرب بإذن الله
جربته ... عند بريدج استون عباس العقاد ....
الفرق ... ( لا يوجد ادنى اختلاف ) ... فبعد فتره كبرت دماغى و رجعت ازود هوا .
التجربه على كاوتش كومهو اسكاتا 16 - 205 / 55
ميزتين فقط وليس الا هما
انه مش بينقص مع ترك السياره شهر او 2 الا درجه ونص بالكتير
والتانيه انه مش بيتمدد ولا يتقلص فبيقلل احتمال انفجار الاطار مع الحراره العاليه
ولكن في معلومه ذكرت غلط ان التيوبلس مش بينفجر
تحياتي
انا جربته
مفيش فرق كبير
زي ما كل الناس قالتك انت بس مش بتختاج تزود العجل كل شوية
بيتعمل ب 20 جنيه
و موجود في بنزينة مصر اللي قدام شيراتون و قسم الدقي
و موجود عند نبيل للاطارات في العجوزه خلف كاربت سيتي
أنا جربتو في صيانة ال 5000
وبصراحة أنا شايف فرق وإنو أحسن من الهوا العادي خصوصا في ساعة الظهر والجو لما بيكون حر لأن درجة الحرارة مع إحتكاك الكوتش بالأسفلت بتزيد وبالتالي الهوا إلي جوا الكوتش بتمدد فالكوتش بينشف وبيبتدي يدبدب مع النقر وعين القط إلي في الطريق وبيبقى الكوتش عرضة للإنفجار لو مكنش بحالة جيدة
وممكن كمان يأثر على إتزان العربية مع الضغط الشديد على الفرامل في اللحظات المفاجئة