هو دفتر التوفير ممكن يبقى مدين

**szrateb** · 12-04-2010 11:43 AM

هو دفتر التوفير ممكن يبقى مدين بمعنى ان لو عندي دفتر من زمان وفية مبلغ قليل (100 جنيه أو أقل) ممكن يبقى مدين نتيجة لخصم المصاريف السنوية ولا الدفتر بيقفل لوحدة لو الرصيد قل عن صفر
وايه المشكلة لو الدفتر بقى مدين وهل ممكن يجمدو حساب في بنك آخر لودفتري بقى مدين

**MMamdouh** · 12-04-2010 01:11 PM

ممكن يبقى مدين لو اتخصم عليك مصاريف اكبر من الرصيد

معرفش موضوع قفل الحساب دة ايه ظروفة... اصل طالما الحساب قلب مدين حيبداء يتحسب عليك فايدة شهرية... و حتى لو حبوا يقفلوا الحساب حيعملوا ايه فى الرصيد المدين دة؟؟؟ لازم انت تسددة

هما ممكن يعملوا hold على الملغ دة من حساب جارى ليك فى نفس البنك مثلا و دة حصل معايا فى NSGB... لكن بنك تانى مستحييييل

MMamdouh

**szrateb** · 12-04-2010 01:24 PM

يعني أنا لو مش ناوي اتعامل مع البنك ده تاني (هوعلى فكرة بنك الاسكندرية) يبقى اكبر دماغي واطنش ولا ممكن يحطوني black list في البنك المركزي او يعملوا Hold على حساباتي او شهاداتي في اي بنك تاني
مع العلم اني سألت في خدمة العملاء في اكتر من فرع وقالوا لي طنش بس انا مش مطمن

**M.Alshafie** · 12-04-2010 02:55 PM

المشاركة الأصلية كتبت بواسطة szrateb

يعني أنا لو مش ناوي اتعامل مع البنك ده تاني (هوعلى فكرة بنك الاسكندرية) يبقى اكبر دماغي واطنش ولا ممكن يحطوني black list في البنك المركزي او يعملوا Hold على حساباتي او شهاداتي في اي بنك تاني
مع العلم اني سألت في خدمة العملاء في اكتر من فرع وقالوا لي طنش بس انا مش مطمن

انا اسف للمعلومات الغلط اللى ادتهالك انا شغال فى بنك على فكره بس بعيد عن الحته دى فعشان كده ما عنديش معلومات بيها اوى
انا سالتلك الناس هنا قالوا ما ينفعش حساب يتقلب مدين لانه بيبقى مجنب اصلا من الاول الرسوم السنويه و لو حصل و ما فيش حتى فيه 25 جنيه بيقفل الحساب و خلاص لكن عمره ما يسحب من حسابك فى بنك تانى لان ما عندهمش السلطه دى و لا حتى ينفع تنزل black listو اسف مره اخرى للمعلومات الخطأ بس و الله بدون قصد

**szrateb** · 12-04-2010 03:06 PM

المشاركة الأصلية كتبت بواسطة m.alshafie

انا اسف للمعلومات الغلط اللى ادتهالك انا شغال فى بنك على فكره بس بعيد عن الحته دى فعشان كده ما عنديش معلومات بيها اوى
انا سالتلك الناس هنا قالوا ما ينفعش حساب يتقلب مدين لانه بيبقى مجنب اصلا من الاول الرسوم السنويه و لو حصل و ما فيش حتى فيه 25 جنيه بيقفل الحساب و خلاص لكن عمره ما يسحب من حسابك فى بنك تانى لان ما عندهمش السلطه دى و لا حتى ينفع تنزل black listو اسف مره اخرى للمعلومات الخطأ بس و الله بدون قصد

اشكرك جدا..... يعني اطنش!!

**M.Alshafie** · 12-04-2010 03:26 PM

المشاركة الأصلية كتبت بواسطة szrateb

اشكرك جدا..... يعني اطنش!!

هو اللى انا عرفته برضه ان حسب سياسه كل بنك يعنى فى بنوك بتقفل حسابك و خلاص و فى بنوك بتكلمك عشان تدفع و فى بنوك بتحولك black list فاسال فى البنك بتاعك الاول و هتلاقى الموضوع بسيط مبلغ بسيط

**szrateb** · 12-04-2010 03:50 PM

طيب انا جالي ده في ظهر كشف الحساب لشهر يناير

ولما سألت في البنك محدش من خدمة العملاء فاهم حاجة وقالو لي (في فرعين) طنش بس موظف الشباك قال لي ان فيه بعض الحسابات عنده قلبت بالسالب
انا عاوز اعرف انا لو بقيت black list ايه المشاكل اللي ممكن اواجهها عند التعامل مع اي بنك تاني

**M.Alshafie** · 13-04-2010 01:43 PM

هو انت لو اتحطيط BLACK LIST بتبقى مش كويسه و عمرك ما هتعرف تتعامل مع بنك تانى لو هتعمل عنده فيزا او هتاخد منه قرض ده غير انك مش هتعرف تشترى اى حاجه قسط لان المفروض لو المكان اللى انت هتشترى منه بيتعامل مع بنك عشان القسط البنك بيعملك حاجه اسمها i score و ده بيطلع انك black list و مش هتعرف تشتريها

**szrateb** · 14-04-2010 12:41 PM

انا خلاص قررت اني اقفل الحسابات عندهم علشان اكون مطمئن بس قالو لي لازم يكون الحساب فيه رصيد علشان نسحب رسوم قفل الحساب من الرصيد (50 جنيه ) فالاول هاحط فلوس في الحساب وبعديها بيوم ولا يومين هاروح اقفلهم واريح دماغي
على فكرة بنك الاسكندرية رفع رسوم كل خدماتة من 1/3/2010 وكمان عمل حد ادني للرصيد الواجب الاحتفاظ به في الحساب 1000 جنية والا يتم خصم 15 جنيه شهريا كرسوم!!!!
موش عارف باقي البنوك الخاصة فيها الموضوع ده ولا لأ وربنا يخلي لنا بنوك الحكومة