سلام عليكم يا شباب
هو في ايه اليومين دول الواحد ليه حاسس انه مش عايش ليه الحياه بقت روتنيه كده ليه حاسس اني مش عارف اعمل حاجه ومش عارف اخد قرار افكارى مش مرتبه بجد مخنوق ده احساسي انا بس ولا في حد معايا
عرض للطباعة
سلام عليكم يا شباب
هو في ايه اليومين دول الواحد ليه حاسس انه مش عايش ليه الحياه بقت روتنيه كده ليه حاسس اني مش عارف اعمل حاجه ومش عارف اخد قرار افكارى مش مرتبه بجد مخنوق ده احساسي انا بس ولا في حد معايا
انا معاااااااك
كويس بقينا اتنين حد جاى
نفس الاحساس :(
معااااااااااااااااااااااا ااااااااااااااااااااااااا ااااااااااااااك
وأنا كمان. حاسس أن طموحى راااااح.http://www.nilemotors.net/Nile/image...ink%5B1%5D.gif
طب عاوزين حل نعمل ايه
احب ان اضم اسمى معاكوا يارجاله
حميدو مالك كده بقالك فتره مش مزبوط ايه الخطوبه عامله عمايلها معاك و لا ايه
انصحك انك تعمل حاجة جديدة
اطلع رحلة
اتعرف علي ناس جدد
اعمل عمرة لو تقدر (هتغيرك تماما)
حاول تعمل عمل خيري (هيغيرك تماما بردو)
اتعلم لغة جديدة
خد كورس في مجال عملك
و ربنا يصلح حالنا جميعا ان شاء الله
انا معاكم بجد حاسس انى تايه ومشتت وكل حاجة بايظة مفيش امل فى حاجة ياريت حد يلاقى حل
يا باشا الكورس معناه محاسب مالي محترف لازم تبقي خريج تجاره او دبلوم تجاره
هو بيعلم شغل الحسابات دفترى وعن طريق الاكسيل كيفيه عمل قيود اليوميه وترحليها لليوميه الاميركيه وبعدين الاستاذ العام وبعدين ميزان المراجعه وقائمه الدخل وقائمه المركز المالي خت الكورس بـ اكاديميه تدريب المحاسبين بــ العباسيه 660 جنيه ارج ان الكلام ده مش يعتبر اعلان
نفس الاحساس متدول كتير الايام دى
اروح الشغل اكون مش طايق الشغل ولا الناس اللى فيه و مش طايق اشتغل لدرجه افكار ترك الشغل بتيجى لى كتير اصدق وقت الشغل يخلص ارجع البيت شعور بالملل و نفس حاله الضيق
حياتى كلها ما بين الشغل والبيت روتين ممل
ومش ليا فى الخروج واصدقائى مش بنشوف بعض ويبقى كويس ان كلمنا بعض و كل واحد ملهى فى شغله وبيته
فتش عن المرأة
انا معاك كمان بس الفرق اني لسه فاسخ خطوبة الحياة بقت مظلمه
هيا اسمها دنيا يا جماعة و لازم الانسان يتعب فيها بس الواحد يستعين بربنا و يقرب منه بقدر المكان يعنى اقرا فى المصحف ربنا يزيل همومك صلى فى المسجد جماعة و صدرك ينشرح لو ما اتجوزتش كمل نص دينك و هاتنبسط شوية و ترجع تدعى عليا (انا باهزر طبعا) الخلاصة نقرب من ربنا و ربنا يهدى الجميع و يشرح الصدور باذن الله
باذن الله
بس في موضوع الجواز حاخد استاذ شنورى قدوة
انا كمان عندى نفس الشعور بالملل بالنهار فى الشغل وبالليل فى البيت وكأن الاسبوع صوره من اللى قبله ..
انا برضه فكيت فى يناير اللى فات وكل يوم بيبقى غلس لانها معايا فى المكتب
يا مصطفي ان شاء الله ربنا يرزقنا باحسن منهم وصدقني انا كمان عامل زاى اصحابك فمش عارف اسافر او اروح في حته
حاول تتعامل معاها عادى انتو في الاول وفي الاخر زمايل اومال انا اعمل ايه هي ساكنه في الشارع الورايا ولازم اشوفها او اشوف امها بس لازم اتعامل
ياباشا انا حتي لما خطبت ماكنش في حب كان تعود انا اه حبيت مرة واحده بس ومش حتكرر تاني كنت في تانيه ابتدائي ومش عاوز تريقه عشان الموضوع كان جد
ربنا يفرج همك و همومنا جميعاً إن شاء الله
هقولك الملخص المفيد عشان تبقا فى مود حلو ديما
العب رياضة اى نوع مش مهم
كل الاكل الى بتحبه مش تاكل اى اكل وخلاص
اعمل اعمال خير و هات هدايا لولدك وولدتك واخواتك
المشاركة اليومية مع اى حد دى ضرورى
يعنى كلم حد من ان اصحابك حد من قرايبك اى حد حتى لو متعرفوش واول مرة تكلموا
يعنى لازم ترغى مع حد كل يوم نص ساعة على الاقل فى حوار ممتع
مش شرط يكون مفيد الاهم انكم تكونوا مبوسطين وانتم بتكلموا بعض
خلى الشغل بالنسبة لك اثبات نفس واحساس انك جزاء مهم من العمل
والتعامل مع الاشخاص فى العمل فى اطار الصداقة سواء زملاء او زبائين
وصدقنى عن تجربة هتلقى الشغل متعة والله
طبعا عندك يوم اجازتك فى الاسبوع اتجنن فية زى ما تحب
اعمل الى انت عايزه روح الاستاد روح النادى اشترى صنارة واشتغال صياد سمك
اركب عربيتك ولف فى الشوارع اعمل الى فى نفسك فى اليوم دة
بس شرط ميكونش حاجة غلط او حرام
لازم اجازة كبيرة فى السنة ويستحب فى فصل الصيف
اطلع مصيف واركب لانش واخرج وعيش يعنى على الاقل 10 ايام كلها ترفية * ترفية
وتكون عامل برنامج كامل وشامل قبل ما تطلع وطبيعى انك مش هتتطلع لوحدك اكيد
حول تحفاظ على الصلاوات وتقراء قران النقطة دى انا مقصر فيها ربنا يكرمنى واشد شوية انا وكل المسلمين
حول تكسب حب الى حوليك :8_8_13:
اهتم بنفسك وبحاجات يعنى انزل اشترى لبس وبرفانات هات موبيل جديد
هات لاب توب اشترى حاجات بتحبها الشراء فى ذاته ممتع جدا
لو عندك عربية ظبتها بردوا واهتم ممكن فى الاول تكون متردد او مكسل بس فى الاخر هتلقى نفسك مبسوط
عندك هواية قراء كتابة تقليف قصص اى هواية مارسها :36_7_7[1]:
واخيرا لما يجى الوقت وتحس انك جاهز دور على شريكة حياتك الى تحبك وتحبها
واتجوز وهات اطفال بس ابقا اعزمنى فى السبوع ههههههه
انا الحمدلله مبسوط جدا بالنظم دة طبقة وقولى حسيت بفرق او لا
الاستغفار يا جماعة والله العظيم
جربوا كده دقيقتين اول لما تصحوا الصبح
وهاتشوفوا اليوم هايبقى عامل ازاي . ده مع الصلاة طبعا