المشاركة الأصلية كتبت بواسطة mmamdouh
فى حوار تبديل الرشاشات فى 4 حاجات اساسية هى اللى بتحكمك و انت بتجيب الرشاشات البديلة:
1- التركيب: و دة القصود بيه حجم الرشاش من ناحية الطول و قطر كل طرف عشان التوافق مع فتحات المسطرة و المنافولد/الوش و المسافة بين المسطرة و الوش/المنافولد
2- فيشة الرشاش: و دى لازم تتوافق مع الفيشة بتاعت ضفيرة الرشاشات يا اما حتحتاج تغير فيش الرشاشات بفيش تنفع للرشاشات البديلة
3- معدل سريان الرشاشات: و دى كمية البنزين اللى بيقدر الرشاش يرشها فى مدة زمنية معينة
4- المقاومة الداخلية للرشاش: عشان لو جبت رشاش بمقاومة اقل من اللازم الكونترول حيتحرق
اول نقطتين سهل معرفتهم بالتجربة الفعلية... معدل السريان ممكن يبقى تقريبى من خلال مقارنة سعة المكنة اللى كان راكب عليها الرشاشات البديلة او اذا كنت تعرف معدل سريان رشاشاتك و معدل سريان الرشاشات البديلة و كان الفرق بسيط جدا بينهم
بالنسبة للمقاومة فا دة محتاج افوميتر... الرشاشات عموما اما ذات مقاومة عالية (فى حدود 12 اوم) او مقاومة منخفضة (فى حدود 6 اوم)... قيس مقاومة رشاشاتك و قارن المقاومة بمقاومة الرشاشات البديلة... لو الاتنين متوافقين مع بعض يبقى توكل على الله
mmamdouh