الموضوع: طلب تسعير بيجـو 205

[justify]السلام عليكم ورحمه الله و بركاته أخواني الكرام ,, عمالقة قسم البيجو . :)[/justify]

بعد إذن حضراتكم ,, كنت عايز أسّعر البيجو الـ 205 بتاعة صديق عزيز لي ,, و كنت معاه أول بأول عشان عندي 205 زيها .

هي موديل 1984 ,, أشتراها من 7شهور بالضبط
فابريكة من الداخل تماما , لونها أبيض
أترشت من فترة قريبة من الخارج و كانت 100%,, بس نظرا لظروف الشارع المصري , في بقعة لون أزرق صغيرة جدا في الباب اللي وراه السائق , نتيجة أحتكاك أكصدام عربية أخري بالباب
و الجزء اللي فيه البقعة عايز بس يترد علي البارد , و حتة صغيرة في الرفرف الشمال ,
السمكرة كلها البسيطة مش هتكلف 30 جنية تقريبا .

الماتور 1400 سي سي ,, حالته ممتازة و سحب العربية بسم الله ما شاء الله ,, بجد خرافة ,, و بتجيب 150 بسهولة جدا ..
الفوانيس كلها سليمة تماما و الأكصدامات.

تم تغيير الأتي بها :-
1- طقم البوجيهات بأخر ngk شمعتين من أسبوع.
2- مارش بأخر أستيراد أصلي من شهر.
3- البطارية جديدة.
4- بلي العجل جديد تماما.
5- سلك سرعة عداد السرعة.
6- المساعد اليمين بأخر أستيراد أصلي .
7- طقم الدبرياج كامل جديد أصلي.
8- فردتين الكاوتيش اللي قدام جداد تماما , لم يكملوا ألف كيلو .
9- تم تغيير جلب ماستر الفرامل و جوان وش التاكيهات من فترة قريبة.
10-تم تغيير علبة الفيوزات بالكامل.
(كل قطع الغيار الجديدة تم شراءها من خالد كولومبو لقطع غيار البيجو بشارع أحمد عصمت,عين شمس)

الفرش جلد بحالة جيدة ,, و التابلوة بحالة جيدة
بها سماعات بيونير بالخلف , لكنها بدون كاسيت حاليا .

تحتاج للأتي :-
1- مساعد شمال
2- فيها بارومة بسيطة تحت الكرسي اليمين ,, نصف قطرها 2.5سم تقريبا .
3- عوامة بنزين
4- دايرة الـ rpm في التابلوة محتاجة تتغير.
5- السمكرة البسيطة علي البارد كما أسلفت.

دلوقتي صديقي عايز يبيعها عشان يكمل علي ثمنها و يشتري حاجة جديدة عائلية .

كنا عايزين نعرف عربيته ممكن تجيب كام بعيد عن كلام التجار اللي كلنا عارفينه.

بأنتظار رد حضراتكم و جزاكم الله كل خير

باشا من الاخر 10000 دا لو بتحبو لان العربية فيها شغل كتير ودا بما برضى الله