موتور جديد لديهاتسو شاريد 90

**almasry2008** · 19-01-2008 03:31 PM

الاصدقاء الاعزاء
لدى سيارة ديهاتسو شاريد موديل 90 وقد اجريت لها نصف عمره عند ميكانيكي عبقرى غير فقط طقم الشنبر وطقم الجوان والسبيكة واخبرنى ان السيارة ستكون "زى الفل" لكن ذلك لم يحدث لانها عادت تأكل زيت مرة اخرى، ومؤخرا بدأت تنفخ وبخبرتى فى القرف منها عرفت ان الشميز الاوسط - هى ثلاثة بستم- هو الذى توجد فيه المشكلة.
الان يتحدث معى الميكانيكى العبقرى فى خرط الشمايز وتغيير البساتم باخرى 020 لكنى لا اثق فيه، وبدأت اتحرك فى شراء موتور استيراد وبالفعل وجدت واحد انجكشن فى بورسعيد اربعة سلندر.. والسؤال:
هل اشترى هذا الموتور اذا كان جيدا ام ابدأ فى البحث عن ميكانيكي شاطر يعمل عمره احسن؟
هل توجد قطع غيار لموتور الانجكشن متوفرة " الموديل 90"
ارجو من متخصصى الشاريد ان يساعدونى لانى قرفت فعلا رغم ان العربية حلوة وناعمة لما بتكون فايقة ومستخسر ابيعها بصراحة

**ahmedsrs** · 19-01-2008 07:13 PM

شوف موتور استيراد بس متدفعش فلوسك قبل مايركب ويجرب

**حاتم سليم** · 19-01-2008 07:28 PM

عزيزى المصرى 2008

ياريت تكتب لنا عنوان

" الميكانيكى العبقرى "

عشان فيه واحد حبيبيى و نفسى أخدمه ...

**kimoboy** · 20-01-2008 02:23 AM

Go to Harafyeen, and there you will find many engines for your car

**almasry2008** · 20-01-2008 02:21 PM

الاخ العزيز حاتم سليم .. انا ممكن ادلك على الميكانيكي العبقرى واديلك عنوانه ورقم تليفونه كمان بس بشرط.. ان يكون حبيبك اللى عاوز تخدمه بجد.. ايده طرشة ومبيتفاهمش، علشان يظبطه اصل محسوبك حيفرقع منه بصراحة.

**almasry2008** · 20-01-2008 02:26 PM

طب يا خوانا انا عاوز اركب موتور اربعة سلندر .. والعربية موتورها ثلاثة .. هل ممكن يبقى فيه مشكلة على العفشة؟ علما بان موتور الاربعة يفرق حاجات بسيطة قوى عن التلاتة.. وكمان 1300 سى سى مش عالى قوى يعنى.

**kimoboy** · 20-01-2008 09:10 PM

I used to know a guy that had Charde and install 1.3L 16V in it and the car was nice and fast.

المشاركة الأصلية كتبت بواسطة almasry2008

طب يا خوانا انا عاوز اركب موتور اربعة سلندر .. والعربية موتورها ثلاثة .. هل ممكن يبقى فيه مشكلة على العفشة؟ علما بان موتور الاربعة يفرق حاجات بسيطة قوى عن التلاتة.. وكمان 1300 سى سى مش عالى قوى يعنى.