اني الاقي واحد عارض عربيه و يكتب في الاخر ...
استعمال طبيب او استعمال مهندس.....!!!!!!!!!
نفسي بقي اعرف هما الدكاتره و المهندسين هما بس اللي بيحافظوا علي عربياتهم....
لأنهم ولاد ناس بسبب مهنتهم ....و بقيه الناس غير المهندسين و الدكاتره.....
من الاخر عالم تعبانه مش بتعرف تحافظ علي عربياتها !!!!!!!!!!
يعني انا لو مهندس ولا دكتور عمري ما هكتب كده.....
انا بحس انه نقص في الشخصيه اللي بيكتب كده......
'فيه ناس بيكتبو "شاذة" كأن الشذوذ صفة مستحبة في السيارات. بصراحة كلمة في منتهى الاستفزاز.
كله كلام سوق
استخدام طيبب تعنى استخدام بسيط على اعتبار ان الاطباء شغلهم كله نبجيات الى ممكن تستمر 3 ايام متواصل وباقى الاسبوع اجازه
بس طبعا فيه عربيات اطباء بيبقى طالع عنيها
زى برضو استخدام القضاه او المستشارين الى بيكون اسبوع فى الشهر كله
بس كلها فى الاول والاخر كله كلام سوق
و هو المفروض بقي ....
الطبيب يقدملي شهاده بأيام عمله....
و ايام خروجه....و من الساعه كام لكام؟؟؟؟؟؟
يعنى يا عمرو باشا هى دى الحاجة الوحيدة اللى مديئاك فى الاعلانات ....خد عندك
استعمال طبيب .....و العربية عيانة و عايزة تروح المستشفى
استعمال مهندس ...و العربية جايلها قرار اذالة
فابريقة ............والعربية اغلبعا متفبرك
شاذة ..............و العربية فعلاً خارجة عن نظام الكون
الوحيدة ...........و العربية اخواتها ماشيين حواليها
فرصة ............وياريت تروح منك
كاملة ............والعربية مفيش انقص من كدة
نادرة ............لانك فعلاً مش هاتشوف ذيها تانى !
خوارج..........وهى مفيهاش غير السقف
دواخل ..........وهى مفيهاش غير التابلوة
بتسهيلات ......لانة مش عارف يبعها كاش
لدواعى السفر ....لانة ذهق منها !
و الله عارف البلاوي ديه....
يعني انا نزلت كذا مره مع خالتي علشان بدور علي 127...
و تكلم الناس قبليها و يقولوا اوعااااااا فابريقه بالكامل من جوه
و نروح نلاقيها مرشوشه بالكامل من جوه و كانت عامله حادثه....
بس انا اكثر حاجه بستفزني بجد هي موضوع استعمال طبيب....
و عارف ان فيه حاجات تانيه مشتفزه
جامدة موتاقتباس:
لدواعى السفر ....لانة ذهق منها !
هةهةهةةهةهةهةهةهةهةهةهةهة هةهةهةهة
علي فكره انا لا اركب عربيه من تحت رجل دكتور لان بتبقي رجليهم تقيله (معظمهم مش كلهم مع الاعتذار لدكتور احمد عبد الغني و دكتور معاذ)
او من تحت رجل واحده لانها اكيد لو مانيوال لازم تغير اسطوانه الدبرياج بتاعها
نقــص بعيد عنك !!!!!
ما هو زى اللى يعلقلك نسر عالعربية
بس عارف ساعات بيكتبوا إستعمال سيدة .... lady يعنى ;) ...... إستعمالها بيكون خفيييييف خفييييف .... مش زينا
وأنا معاك يا حزوماقتباس:
المشاركة الأصلية كتبت بواسطة hazem_khidr
بس مش لأن رجليهم تقيلة .. لأ .. علشان مشاويرهم كتيييييرة ومحدش فيهم بيصبر على المطبات والذى منه واللى ليهم أكتر من عيادة (عيادة مدينة وعيادة ريف) بتجبر صاحبها على المشى بيها فى الأدغال..
يعنى فعلا أن شايف ان عبارة (استخدام طبيب) احتمال تقلل من سعرها بمجرد قراءتها !!
وكمان عبارة استخدام سيدة.. يعنى باختصار بيقوللك علبة الدركسيون بتودع والبطارية على وشك الانتهاء والعربية مرشوشة عدة مرات !!
لا اكتر حاجه مستفزة فعلا هيا استعمال عظيم
هيا طبعا العظمه لله بس ايه عظيم دي مش فاهم
انما دكتور او مهندس دي مش المشكله انا واحد شاري عربيه مننا قبل كده علشان استعمال طبيب مبصش على حاله العربيه لما قلناله على الي فيها اصر اكتر انه يشتريها طب ايه السبب علشان استعمال طبيب
استعمال طبيب يعني استعمال انسان من صغرة و هو متربي كويس ................متعود على انة يكون عاقل .........يخاف يشد بالعربية علشان شكلة امام الناس يهتم بسيارتة دائما لمكانتة الاجتماعية............................و هكذا..................نفسي اعرف في بلدنا لية الناس مش طايقة الاطباء..........................وعموم ا ماعتقدش ان فية طبيب ممكن يكون عندة عقدة نقص زي ما احد الاخوة بيقول ...........
اقتباس:
المشاركة الأصلية كتبت بواسطة turboman
معنى كده ان المهنة هى اللى بتحدد نوع تربية الأنسان؟ يعنى لو واحد مش متعلم و شغال جامع قمامة فده معناه انه علطول مش متربى كويس؟ البنى أدم بعمله مش بمهنته و لا تعليمه، يعنى بيعامل الناس بما يرضى الله، و أكيد أكيد فى دكاترة عندهم عقدة نقص زى باقى البشر و ألأدلة كتير و احيانا كتيرة بتلاقيها فى صفحات الحوادث، و عارف ليه ناس كتير ما بتحبش الأطباء، لأن كتير منهم ما بيتكلمش مع المريض أو أهله بما يكفى لأفهامهم أو تطمينهم و ده بيدى انطباع بالتكبر تحول لتعميم خاطئ فى أزهان الناس.
اقتباس:
المشاركة الأصلية كتبت بواسطة Hossam_Hassan
أؤيد هذا الكلام.
اخوتي في الله لاانكر ان هناك بعص الاطباء قد تمكن منهم الكبر بصورة رهيبة لكن القليل وليس الكثير................واكثر الاطباء يجاهدون في اماكن عملهم من اجل مرضاهم..............انا لا احب الحديث عن نفسي لان مادح نفسة كاذب...ولكن لينظر كلنا حولة...الاتجد حولك طبيب جدير بالمدح و الشكر؟يااخي.....نحن نعذب في عملنا الف مرةولقاء تراب الفلوس ولا نشتكي؟؟؟؟؟الانستحق على الاقل احترام الناس.....اخي قارن بين راتب الطبيب في هذا البلدوبين راتب اي مهنة اخرى ستجدة فعلا يقارن براتب جامعي القمامة و ليس احد اخر بينما في اي بلد من بلاد العالم المتخلفة قبل المتقدمة تجد لة احترام خاص فوق كل هذا نجد الناس يكرهون الاطباء....................يا اخي تذكر عندما احتجت الى طبيب في منتصف الليل انت او اي احد من اسرتك.......ماذا كان شعورك عندما استجاب و ساعدك...يا اخي دة لو عربيتك عطلت على الطريق و جالك الميكانيكي دورها شوف بيكون شعورك اية........الغريب ان كل واحد في البلد دي عشان يحس بنفسة يقوم يهاجم الاطباء....عموما....مهما حدث ومهما قيل اتفق او اختلف .......تتقدم الامم بمكانة علمائها.........وليس بمكانة العسكر كما في بلادنا
كله كلام سوق
بصراحة مش فاهم وجهة نظرك فى النقطة دى، يعنى لما اى حد هيهاجم طبيب، هيحس بنفسه ازاى؟اقتباس:
المشاركة الأصلية كتبت بواسطة turboman
اختلف معاك مش كل الاطباء فيه اطباء عندهم عيادات واقل كشف 100 جنيةاقتباس:
المشاركة الأصلية كتبت بواسطة turboman
ومش اقل من 20 كشف يوميا مش بحسد و باردو مش كل الاطباء كده
انا الصراحة مش فاهم هو ليه المريض هيهاجم الدكتوراقتباس:
الغريب ان كل واحد في البلد دي عشان يحس بنفسة يقوم يهاجم الاطباء
بعدين هيهاجمو ليه إلا إذا كان عمل حاجة غلط وده بقا كتيـــــر
دة اية زوق حضرتك العالي دة ...........انا مش هرد احتراما للمنتدى........لكن لو علي صدقني كنت هتضايق من ردي جدااقتباس:
المشاركة الأصلية كتبت بواسطة tmz9111
----------
الأخ العزيز
برجاء عدم إساءة فهم الردود وبالتالى الرد بطريقة تستفز الآخرين
ورجاء للجميع بعدم الدخول فى حوارات شخصية بسبب موضوع بسيط ولا يستدعى أى خلاف.
مشرف المنتدى
عفوا اخوتي الكرام قد يكون ردي اقحاما لمشاعر شخصية كنت فيها وقت الرد و انا الان اراني مترددا في ردي لايضاح معاناة الاطباء في بلادنا.......ولكن لو اذنتم لي فهي مشكلة قائمة على وشك الانفجار بمصر والاتي مجرد توضيح لحال اطباء مصر فساكتب للمهتمين فقط اما غيرهم فلا لوم عليكم لا تقرؤا الرد ان لم تريدوا.............. مرتب الطبيب حديث التخرج لايزيد عن 250 جنية ولمن لايعلمون فليس لكل الاطباء عيادات خاصة بل من معهم الماجستير فقط......اي على الاقل لو كان طبيبا مجتهدا حتى سن 33 او 34 سنة حتى ينهي الماجستير وحتى ينتهي يكون ملزما بان ينفق على الماجستير مالايقل عن 2000 جنية سنويا <مصاريف لاي جامعة حكومية> و يخطب و يتجوز كل دة من مرتبة و لو فكر يشتغل في مستشفى خاص تحاسبة الحكومة وتقولة تعالى ازاي تبقى موظف حكومة و تجمع بين وظيفتين و في هذة الفترة يكون ملزما بان يقضي 3 ايام<72>ساعة على الاقل خارج منزلة معظمهم في الليل يعني يبات برة............كل هذا في مستشفيات غير ادمية ليس بها اي امكانيات ليتعامل مع مرضاة.<حتى السرنجة بنبعت الناس يشتروها من برة> و يا سلام لو كان هذا خارج محافظتة......في مطروح مثلا او في اسوان.ليجد نفسة ممزقا لكثرة همومة وعدم تقدير بلادة لتفوقة العلمي و تضحياتة من اجل صحة ابنائها ليجدها تقدر فئات اقل منه بكثير علما هل تتخيلوا مثلا لو وكيل نيابة او ضابط اخذ 250 جنية ماذا سيحدث
عفوا للاطالة كل هذا خلق ضغوطا تبرر ما يحدث الان ولمن لا يتابع الاخبار كل اطباء مصر على وشك الاضراب كما اضربت فئات كثيرة وحصلت على حقوقها....وهذا الاضراب منظم لدرجة انة برعاية نقيب الاطباء و هذا ما اعلنة في الجمعية العمومية للنقابة الاسبوع السابق.........و بالطبع كتاب الحكومة نازلين هجوم على الاطباء اليومين دول فكل من هب ودب يتهم الاطباء الان بالتقصير و التقاعس يااخوانا انا ليا واحد صاحبي طبيب اسنان من القاهرة شغلة في دمياط بياخد مرتب 250 جنية........ومطالب انة يروح دمياط يوميا بالذمة تبقى بلدنا دي بلد؟عجبي
اعتذر للاطالة واعتذر لكل من اعتبرني اخطات بحقة ........وشكرا
بصوا بقى الدكتور turboman بيقول كلام زى الفل
و فعلاً الدكاترة دول بيشوفوا الويل و سواد الليل .......
يا إخوانا مش عايزين كلمة شكر .... ده واجب كل طبيب و شغلته ... لكن بلاش الإساءة ليهم بعد كل اللى بيشفوه ..... ده بعتبره عدم تقدير للمجهود الجبار اللى بيبذلوه سواء فى الدراسة أو بعد الدراسة..... إنتوا مهما حصل فيكم مش هيبقى زى اللى بيحصلنا ...... بدون مبالغة .... حد يقوللى مين فيكم فى دراسته بيذاكر على الأقل 10 ساعات يومياً عشان بس يجيب مجموع يأمن له وظيفة محترمة ..... مين فيكم مضطر بعد ما يخلص سبع سنين من العذاب المستمر إنه لسه هيذاكر تانى حتى و هو بيشتغل عشان يحضر ماجيستسر و إلا ملهاش لازمة طب ...... مين فيكم بيوصل لمرحلة إنه ممكن يجيلوا مرض نفسى من كتر الضغط اللى عليه و هو لسه فى عز شبابه معداش العشرين ...... و دى على فكرة كتير قوى بتحصل عندنا خصوصاً فى سنة تالتة طب اللى أنا فيها :( ........ ده غير أحوالهم المادية اللى زى الزفت ....... أنا بعد ما أخلص دراستى كل اللى باخده ملاليم مقارنةًً بدول تانية كتيييييير ....... حتى الفقير منها ...
لكن برضه يا turboman واضح إنك شايل حبتين ..... شكلك شايف الأمرين فى شغلك :confused:
بس صدقنى ده حال كل واحد بيدور على الأحسن ..... فى كل المجالات مش الطب بس.
و هنا الناس بتحترم أى حد مهما كان ... ما بالك بقى الدكاترة ;)
هما بس مش عاجبهم فكرة اللى يقول إستعمال طيب ... لأنها بصراحة مستفزة ... حتى لو كان الواقع بيقول إن الأطباء عاقلين فى سواقتهم و كل حاجة بس لو كتب إن حالة العربية جيدة كان هيبقى أحسن .... ولا حضرتك شايف إيه؟
معلش يا أخى ....... عارف بجد المشاكل الكتير و متوقع قرف و عذاب بعد ما أخلص و أشتغل ... بس نعمل إيه ده قدرنا
فإستحمل ..... ده حال كل الناس فى المحروسة مش بس إنتا ..... و متشلش فى نفسك.... بص للحتة الصغنتوتة المليانة فى الكوباية ...... سيبك من الحتة الكبيرة الفاضية :D
و معلش يا إدارة الضغوط على الواحد بتخليه يقول كل اللى جواه .... بمجرد ما بس حد يستفزة بكلمة حتى لو صغيرة :)
و الدكاترة دول بقى أجدع ناس و زى الفل و اللى عنده رأى تانى يخليه لنفسه :p
دكتور turboman ::::::::
---------------------
أأويد كلامك كله .. الناس ما تعرفش الطبيب اللى بيشوفوه ده تعب وسهر قد ايه علشان يبقى كده.
ولو فى دكاتره كشفهم ب 100 جنيه فدول مش كتير انما الاغلبية حالهم كما ذكر turbo
-
وعلى فكرة حديث التخرج مش بياخد 250 جنيه دول 180 جنيه و 75 قرش :) و بعض اضافة
بدل النبطشيات والحوافز ممكن يوصلوا بالعافية الى 220 جنيه نظرا لانه هناك حد اقصى لعدد
النبطشيات فى الشهر .. يعنى ال 220 جنيه لو عايزهم يبقى سيادتك تبات بره بيتكم اكتر من نصف
عدد ايام الشهر .. بحسبة بسيطة كده كل يومين لازم تشتغل فيهم 32 ساعة وال 16 ساعة التانيين
تعمل فيهم ما يحلو لك بما فى ذلك النوم طبعا :) ( دى الدنيا حلوة برضه )
-
اى درجة فى الاطباء لو قورنت مع دبى مثلا حتجد انه اللى زيك هناك بياخد قدك 5 اضعاف
وتصل ل 10 اضعاف لو سيادتك استاذ جامعى .
-----------
و عفوا
و الله يا جماعة انا والحمد لله مرتاح مادياو مش هاممني شغل الحكومة ومن الاخر ليا ضهر بس اللي مضايقني اني بشوف بعيني نماذج محزنة و حاجات فظيعة يعني احد الزملاء بقى نصاب كبير و واخد وحدة صحية و نازل نصب على خلق الله لانة مش هيعرف ياكل ولادة الا كدة و المستشفى اللي انا فيها كل يوم ييجي المدير الاداري يحشش فيها لان اخوة مستشار هوة و صحابة و المدير مش عارف يعملة حاجة و العبد لله هو اللي مسكة و ضربة علقة موت عشان عمي رئيس اخوة.....................من الاخر و قبل ماتقولوا عليا حاجة انا زعلان على بلدنا..................اما انا فاعمل الان على الحفاظ على الربع الباقي من عقلي و باقيلي 6 شهور و مسافر كندا و مش راجع تاني لاني كرهت بلدنا و ياست من الاصلاح.................................... .................................................. .................................................. ........<امرنا مترفيها ففسقوا فيها فحق عليها القول فدمرناها تدميرا>
----------------
ننبه الأخ الفاضل بالحرص على كتابة لفظ الجلالة بطريقة صحيحة
مشرف المنتدى