جنط جاااااااااامد طحن وفكرته جديده جدااااااااااااا

**wenothat** · 14-04-2010 05:56 AM

ده لما العيال الصغيرة بيشوفوا المومو .. بيعملوا قصة ويكسروه

بالك ببقى لو كان اللى بتقول عليه

فكرة حلوة بس ركز يا صحبى انت فى مصر وتستحق لشكر

**beetleMOSH** · 14-04-2010 07:07 AM

الجنط دة جامد اووووووىى اصلا و هو عباره عن شاشه عرض او انت ممكن تعنل شكله زى ما انت عايز ... شوفو الكليب و هاتفهموا انا اقصد ايه ... و ادعولييىىى

YouTube - LED on Wheel

**MMamdouh** · 14-04-2010 12:24 PM

المشاركة الأصلية كتبت بواسطة yahiahelaly

مش عارف والله يا أستاذ عاطف بس الطنابير مخرمه وديه بتبرد بسرعه غير ان في هوا من النحيه التنيه
وبعدين السؤال بقى تفتكر اصلا ان الفرامل بتبرد من خلال الهوا الي معدي من الجنط بيتهيئلي لأ

الطنابير المخرمة بتبرد اسرع فعلا... بس فى التهاية التبريد بيعتمد على التبادل الحرارى بين الطمبورة و الهوا

دلوقتى الهوا اللى حوالين الطمبورة حيفضل محجوز مكانة لان لا فيه منفذ من ناحية الجنط لانة مسدود و لا من الناحية التانية لان فيه صاجة حماية على الطنبورة... الجنط دة حيسخن الفرامل جدا

MMamdouh

**Horsepower** · 14-04-2010 11:56 PM

المشاركة الأصلية كتبت بواسطة 3ateef

طيب بالنسبة لتبريد الفرامل ؟؟؟؟

أعتقد إن التبريد مش هينعدم تماما ... يعني صحيح الناحية الخارجية للجنط مقفولة بس إحنا مش شايفيين الناحية إللي جوة ممكن يكون فيها تعديلة تعالج موضوع التبريد و أنا برجح كدة, مش معقول يكون مفيش تبريد و إلا يبقى تهريج أو إعلان لشركة زجاج ... والله أعلم.

أنا بس بفكر إزاي هتنضف برادة تيل الفرامل من الناحية الخارجية؟ ... أعتقد إن بعد إسبوع جري هتلاقي الجنط مهبب من جوه على الطبقة الشفافة دي و كدة شكله هيبقى مش ولابد ... مش عارف دي ممكن يكون حلها إزاي.
المهم, تشكر يا باشا على الموضوع الجديد ده.

**mmffor** · 15-04-2010 12:19 AM

الجنط بالصور ده جامد فحت

**Ahmed Galal** · 15-04-2010 12:23 AM

طب ايه رايكم فى ده

YouTube - LED on Wheel

**YHYAKOTB** · 15-04-2010 12:42 AM

حلوين اوى قوى

**Horsepower** · 15-04-2010 01:08 AM

شوفو يا حضرات:
الجنط فعلا معدي كل إختبارات الأمان بنجاح وتم إعتماده بناءا على ذلك.
دي صور تانية للجنط

الجنط ده من تصميم Forgiato Designs ومصممه هو D’Vinci.
الطبقة الشفافة دي من البوليكاربونات بسمك من 1.5 إلي 2 بوصة.
الكويس في الموضوع إن سعر الجنوط دي 2000 دولار فقط ... بس إللي مش كويس إن المقاسات المتوفرة 20" و 22" فقط.

و هدية مني اللينك ده ل Forgiato Designs إتفرجو على تصميماتهم و قلولي رأيكم:
Forgiato