شغل في الاكصدام

**AMA** · 13-04-2010 06:24 PM

دا أحنا طلعنا قرايب برضة يا فارما باشا أنا ليا قرايب كتير جدا فى ميت غمر
بص يا دكتور فارما أنا عن نفسى معرفش أماكن ولا فى طنطا ولا المنصورة ولا ميت غمر لأنى أخر مرة كنت هناك من سنين طويله أوى بس بالنسبه للأسعار لو فايبر هيبقى أغلى من الصاج بس الفايبر أى صنايعى متوسط يعرف يعمله على الشكل إلى أنت عايزة بالنسبه للصاج لازم محترف عشان يعمله بالشكل إلى أنت عايزة دى أول نقطة
الأكصدامين الصاج بيتكلفوا حوالى 400 أو 500 جنيه
الفايبر بيبقى أغلى معرفش ليه
بالنسبه للباشمهندس إلى بيقول أنه مع المطبات هيبوظ بالعكس فيه ناس كتيرة جدا فى أسكندرية هنا عاملين بلاوى سودا و مسقطين + أكصدامات أماميه و خلفية لدرجة أنى بخاف لحسن نخبط فى طوبة تدغدغ الأكصدام و العربية بتمشى زى الفل و قليل جدا لما يكون فيه حكه فى مطب و دا نادرا كمان
بالنسبه للأسبويلر لو بالمنظر دة بالظبط لا يتعدى الـ300 جنيه

**Eslam.Elrefaey** · 13-04-2010 07:01 PM

المشاركة الأصلية كتبت بواسطة magyver

ايوة انا عارف قااسم بس مشفتش شغلو بصرااحة

تلت تربع عربيات المنصورة عنده عارف كريستاة الشربينى الكحلى طبعا معموله عنده وناس كتير بس مش عايز أقول أسماءهم هوا أنا عارفهم كلهم وكلهم تقريبا عاملين عنده

**BoOoOoS** · 13-04-2010 08:43 PM

ياباشا لو مفيش حد ضامنه عندك ممكن تجيب الأكصدامين و تسيبهم عند حد في حرفين القاهره و هو يظبطهولك و هيكون احسن
و بالنسبه لحكايه التكسير دي .. انا عندي الاكصدام عامله بينه و بين الارض حوالي 7 سم بظبط و باخد كل حاجه مستريح مطبات حتى لو عاليه بس خليه في كله براحه عشان لو حسيت بحكه تقدر تظبط نفسك .. و انا انشاء الله اخر الاسبوع ههييط العربيه اكتر هخلي الفرق بين الاكصدام و الأرض في حدود 4 او 3 سم و ربنا يستر بس اعمل ياباشا عادي ولا يهمك بس خلي بالك من طريقك و متمشيش في طرق مكسره او عارف ان فيها حاجه هترجعك .. و كلو فدااك في الآخر بالتوفيق

**BoOoOoS** · 13-04-2010 08:44 PM

و بالنسبه للسبويلر الفايبر بيتعمل كمان في الحرفين و سعره في حدود من 250 لل500 حسب الحجم و الخامات

**eng.octooo** · 14-04-2010 02:16 AM

خالووو
الاكصدامات دى واحد صاحبى كان عامل زيهم فى فيرنا (تقريبا نفس الحجم والشكل) الى ورا والى قدام ب 600 بكل حاجة

والسبويلر ( تقريبا دة شبة بتاع الايفو)
شفتة فى التوفيفية كان معروض ب 270 بس خامتة كانت فايبر وتحفة وفية منة بلمبة ستوب خفيفة ب 350 بس شكلها رقيق اوىىى

ووقفنا مع الراجل وقعدنا نفاصل ووصلنا الاول ل 220 والتانى ل 300 بس احنا ماكناش هانشترى ههههههه

الكلام دة من حوالى 6 شهور ...بس اكيد الاسعار مااختلفتش

**eng.octooo** · 14-04-2010 02:17 AM

اة الاكصدام التانى الى فية لمبة ستوب دة كان معدن ( تقريبا المونيوم مش عارف )

**magyver** · 14-04-2010 10:57 PM

دكتور احمد بتصل عليييييك كتيير ومش بترد
ياارب يكون خييير
دة نمرتي
0126596594
0179259534
ياريت تكلمني

**A7MED_PHARMA** · 15-04-2010 03:30 AM

المشاركة الأصلية كتبت بواسطة mohamed_refaat

بالنسبة للاسبويلر شوف اللينك دة :::
fotos von go car accessories آ® | facebook

أنا شوفته فعلا
كان كاتب إنه بـ650 جنيه تقريبا ..وطبعا السعر ده أوفر أوي
وبالذات اني سمعت اسعار اقل بكتير

المشاركة الأصلية كتبت بواسطة eng.octooo

خالووو
الاكصدامات دى واحد صاحبى كان عامل زيهم فى فيرنا (تقريبا نفس الحجم والشكل) الى ورا والى قدام ب 600 بكل حاجة

والسبويلر ( تقريبا دة شبة بتاع الايفو)
شفتة فى التوفيفية كان معروض ب 270 بس خامتة كانت فايبر وتحفة وفية منة بلمبة ستوب خفيفة ب 350 بس شكلها رقيق اوىىى

ووقفنا مع الراجل وقعدنا نفاصل ووصلنا الاول ل 220 والتانى ل 300 بس احنا ماكناش هانشترى ههههههه

الكلام دة من حوالى 6 شهور ...بس اكيد الاسعار مااختلفتش

انا روحت التوفيقية وسألت عليه..مالقتوش
بس هروح تاني أدور

المشاركة الأصلية كتبت بواسطة magyver

دكتور احمد بتصل عليييييك كتيير ومش بترد
ياارب يكون خييير
دة نمرتي
0126596594
0179259534
ياريت تكلمني

معلش يامحمد
جت فيك إنت المرة دي ..اليومين الي فاتوا كان عندي تفتيش في الصيدلية
وإتخانقت مع المفتشة بنت التتتتتييييتتتتتتتتتت ..وطردتها من الصيدلية
وطبعا حصلت مشكلة كبيرة

المفتشة من حقها تفتش الصيدلية ..أي مكان في الصيدلية
بس المفتشة دي بقا ..عيلة صغيرة
وداخلة تتقنعر وفاردة نفسها أوي ..وبتكلمني من طراطيف مناخيرها
وبتقولي:" تعالى إفتحلي الادراج دي ..وإفتحلي الضلفة دي ..وتعالى شيل الكرسي ده علشان أعدي ..وكده"
روحت شاتمها ...وطاردها بره الصيدلية

هيا ناقصاها هيا كمان ...الواحد فيه الي مكفيه

المشاركة الأصلية كتبت بواسطة mohamedezat

اقولك على فكره اجمد
انت تشترى اكصدامين جداد تايوانى او استيراد بنفس السعر تقريبا
وتنزل بيهم الحرفيين واختار الشكل اللى يعجبك وسيبهم وهاتروح بعد كام يوم تلاقيهم معمولين ومرشوشين وجاهزين على التركيب

ولما تنوى قولى وانا ادلك على حد كويس فى الحرفيين

بس الاسعار ياابو اياد...علشان اعمل حسابي
الاتنين التايواني(أمامي +خلفي)بــــ550 جنيه

الشغل بقا يكلف أد إيه وقت وفلوس

مع العلم
أنا مش هسقطهم على الأرض بالشكل الخيالي ده ..أنا يدوبك ممكن أسيب فرق مع الارض حوالي 5 سم