أيوة زى ما سمعت الفكرة بسيطة خالص
التحضير
هتملى إزازة سعة 1 لتر مية بصابون أو شمبوا يستحسن تحط الصابون قبل المية و تقل إيدك شوية
و تملا إزازتين 2 لتر مية عادية عشان نشطف بيها فى الأخر
و طبعا السفنجة أو فوطة صفرا و كمان فوطة عشان ننشف بيها
هتنزل للعربية إركنها فى الضل بعين عن الشمس
عملية الغسيل
تنفض العربية من التراب الى عليها كله على الناشف
و بعدين تجيب الإزازة بتاعت الصابون و تفتح الغطا بحيث إنك لما تضغط على الإزازة تنزل مية
و تستعمل الإزازة أكنها كدا خرطوم و تبدا تمشى بيها على العربية و معاك السفنجة فى إيدك التنية و تدعك البقع الى على العربية و تمسح الحتت النضيفة بالسفنجة المبلولة
طبعا الصابون على العربية غلط جدا
فنستعمل الإزازتين بنفس الطريقة لحد لما ننزل الصابون الى على العربية و بعدين ننشف بالفوطة الناشفة الى هتنبل ما تعصرهاش بزمة بعد لم تخلص إمسح حلق الباب و بعض أجزاء الموتور الى ممكن تتمسح بدل ما يبقى مترب
طبعا ما تنساش الكاوتش و إهتم بيه أكتر عشان الكاوتش النضيف بينضف العربية و السواق الصح كاوتشه نضيف دايما
النتائج
العربية نضفت و بقت تمام من بره و مطينتش مكنها
انا بعمل كدا إنطلاقا من مبدأ الحفاظ على الموارد المائية و كمان عملا بالحديث الى بيقول "لا تسرف حتى لو كنت على نهر جارى "
هى مكن تكون متعبة شوية الطريقة دى بس مش بتهدر مية و كمان سريعة
المفضلات