تجربتي مع كل انواع الزيوت في مصر والنتيجة !

**Amr81** · 14-04-2010 02:49 PM

المشاركة الأصلية كتبت بواسطة haythamkmal

ازيك يا عمرو باشا ، اتمنى ان تكون باحسن صحة وحال :y_hi_3[1]:
الزيت الاخف افضل لانتشارة داخل كل اجزاء الموتور بسرعة وسهولة مما يؤدى الى تقليل الاحتكاك
بس بيكون عيبة ان صوت الموتور بيبقى اعلى شوية بسيطة
والدليل على كدة انك لو قراءت نسبة اللزوجة اللى مكتوبة على زيت موبيل 1 مثلا هتلقيها اقل من وزيت موبيل الفضى اللى بيتغير كل 4000 كم

أنا الحمدلله كويس ياباشا وشكراً على الرد
بس ازاي الزيت إلي بيقعد ١٠٠٠٠ كم يبئة أخف من الزيت إلي بيقعد ٤٠٠٠

**zer0th** · 14-04-2010 03:20 PM

سلام عليكم متشكرين يا باشا على الكلام المفيد جة بس انا فى حاجة مضيقانى من يوميون فتحت نفس الموضوع و كان نفسى الاقى مشاركات من الزمالة ولا حد رد النهردة هو هو نفس الموضوع وناس ردت و شاركت و الحياة زى الفل

**SAMEH_FOUAD** · 14-04-2010 04:07 PM

انا عن نفسى تمت تجربة موبيل وكنت مابستعملش غيرة لمدة كبيرة جدا عدت ال10 سنين ,لحد مابقى مستوى الزيت فى النازل وبقى بيتصنع فى مصر
والمهم مرة غيرتة يدوبك قعد فى العربية 1200 كيلو بالظبط ولقيت الزيت درجة لزوجتة راحت وبقى اسود خالص وصوت الماتور على عن اول لما غيرتة
غيرت لشيل الصراحة فرق شاسع الزيت بيقعد لحد 4000 كيلو وبعد كدة يبدأ يخف ,وبيحتفظ بلونة لحد 3000 كيلو وازيد كمان ,ولزوجتة موجودة ومهدى صوت الماتور عن موبيل بس الموبيل يكسب فى هدوء الماتور اول الف كيلو بفرق بسيط
دية تجربتى مع شيل
والمشكلة بردة انى عايز زيت اقوى من شيل يستحمل الماتور دة لانى بردة حاسس انة مش قد كدة
انا بستعمل زيت ....l plus

**Ahmed.TV** · 15-04-2010 12:38 PM

يعنى بردوا محدش استقر على زيت معين

انا معايا تيدا واشترتها من صاحبها كان بيحط زيت موبيل 1

والبولو اللى كانت معايا قبل التيدا كنت بحط فيها موبيل 3000 كيلو من 99 الى 2009 والعربية صوت الماتور كان واطى مش عالى وكان اداء الماتور كويس
وقبل ما ابيع عربيتى كنت مغير الزيت بزيت شيل 5000 وكان صوت الماتور حسيت انه اهدء شوية وناعم
فبصراحة مش عارف دلوقتى هل لما اغير الزيت فى التيدا حاليا لما اوصل الى 30 الف اغيره بموبيل 1 بردوا ام بشيل

**SAMEH_FOUAD** · 17-04-2010 10:11 PM

المشاركة الأصلية كتبت بواسطة haythamkmal

جرب توتال ال 9000 دة الوحيد فى مصر صناعة فرنسية ، انا بستخدمة من زمان وفوق الممتاذ

والله ياباشا خلاص بقى العربية اتعودت على شيل ممكن اغير لو شيل بطلت تنزل منتجاتها ساعتها هاجرب كلام حضرتك وشكرا للمشاركة الجميلة

**SAMEH_FOUAD** · 28-04-2010 08:06 PM

المشاركة الأصلية كتبت بواسطة saber2010

انا عربيتى كورى وغيرت من موبيل 1 لشل الترا الرصاصى 10.000
بصراحة فى فرق فى صوت الموتور .. لكن السحب مش فرق ملحوظ
لكن الفرق الحقيقى كان فى استهلاك البنزين مع شل الاستهلاك قل

طيب الحمد لله يعنى كدة بردة حضرتك بتقول ان شيل احسن من موبيل ودة اللى انا شايفة فعلا موبيل بدأت جودتة تقل جدا