هل يمكن إستخدام wd40 لإزالة الصدأ السطحى ؟؟؟
هل يمكن إستخدام wd40 لإزالة الصدأ السطحى ؟؟؟
على ماأظن يا دكتور دى العربيات إلى بتعدى الـ200 ألف جنيه مستريح أو الـ180 ألف
الباقى كله أة مقاوم للصدى لكنه مع الطين و المايا و الرمله هيصدى
تسلم أيدك على الرد يا باشمهندس بجد رد مفصل و واضح و تفصيلى 100% و أنت والله خوفتنى أجيب عربيه أصلا ههههههههههههههههههههههههه ه
و ربنا يزيدك من الثقافه و العلم إن شاء الله (خيركم من تعلم العلم و علمه)
بص يا باشمهندس أستخدام الـwd40
دا بيمسح الصدأ السطحى الخفيف أوى و فى نفس الوقت لو فيه مفاصل و دهنتها كدة بتحميها من الصدأ أو بتحمى عمتا الأجسام المعدنيه القابلة للصدأ إلى بتخبط فى بعض كتير و أسهلها المفاصل لو أتعرضت لتراب أو طينه و هكذا
عندك برضة clr و عندك برضة lime away الأتنين دول بينضفوا الصدأ الخفيف برضة
و دا إلى بيستخدموه بتوع التلاجات و الفريزر لما بيصدى
لكن لو صدأ متمكن من الصاج نفسه يبقى الحل الأمثل تغيير الصاج عند سمكرى
موضوع مفيد شكرا لكل الاعضاء اللي أثروا الموضوع وانا حقيقي استفدت من الكلام اللي مكتوب
فى حاجه الناس مش واخده بالها منها العربيه جديده معالجه ضدد الصدا ماشى اتفق معاك لكن مش معالجه العمر كله هى معالجه بين 5 سنوات لحد 15 سنه ودى بتختلف من عربيه للتانيه
وانسب حل للبارومه لو اكلت الصاج لازم تشيل الصاح وتلحم حته مكنها ومش مهم تمن العربيه ينزل او لا علشان لو معالجتهاش هتفضل تنشر زى السرطان بالظبط والعياذ بالله وبرضوا لما تيجى تبيع اللى هيشترى هيقولك دى فيها برومه وهينزل من السعر يعنى هى هى برضوا
بس للوقايه عامه ممكن رش بلاك اسود افريقى ده منتج ممتاز لحمايه اقول تانى لحمايه مش لعلاج العربيه من الصدا وده بردوا مهم جدا لو العربيه فيه حته صاج باينه مكان حادثه او خربوش
وطبعا متغسلش عربيه بخرطوم ميه مهما كان وهى كفايه فوطه مبلوله وخلاص
طيب أنا عندي حتة صغيرة جداً في طرف الرفرف ، وبصراحة مش عايز أروح لموضوع قص الصاج علشان الحتة دي ، بس أنا خايف من إنها تسرح ، أعمل فيها إيه
أصنفرها كويس وأدهنها بحاجة والا أعمل إيه بالضبط
أرجو الإفادة