الموضوع: أجيب سيراتو خليجى ولا وكيل

يا باشا هات وكيل واتوكل على الله

السلام عليكم و رحمة الله و بركاته .........

تحياتى و احتراماتى و قبلاتى لجميع أعضاء نايل موتورز بصفة عامة و رجالة قسم الكيا بصفة خاصة و وحوش السيراتو بصفة خاصة جدا جدا .

و الله أنا شايف إن الخليجى أفضل كما تكرم إخوانى الأعزاء وقالوا و زى ما أستاذى العزيز الدكتور أحمد سامى قال إن الخليجى أحسن فى السعر و الكماليات إضافة إلى إن الخليجى أحسن بجد فى الخامات إللى متصنعة منها العربية مثلا : خامات التابلوه معده لتحمل درجات الحرارة العالية إللى موجودة فى دول الخليج كذلك الزجاج الأمامى و الخلفى من النوع الحرارى مضاد للحرارة العالية و أشعة الشمس إلى جانب دهان العربية المعد لشدة الحرارة و الرطوبة و الجفاف و أيضا الكاوتشات ( عجل العربية ) بيتحمل درجات حرارة الأسفلت و الجو إلى 60 درجة مئوية و لا ننسى التكيف معد لمواجهة موجات الحرارة الشديدة فى هذه الدول اللى درجة حرارة الجو فى الظل فيها تكاد تصل إلى 50 و 55 درجة فما بالك بدرجة الحرارة فى أشعة الشمس المباشرة و كذلك دورة تبريد العربية اللى مسئولة عن المحافظة على حرارة العربية لما تكون درجة حرارة الجو متلا 50 أو 60 حتى.

يعنى عربيات خدمة شاقة معدة للعمل تحت ظروف قاسية من الحرارة و الرطوبة لما تستخدم فى بلدنا اللى هيا مافيهاش نص الظروف الجوية اللى فى دول الخليج .

وعلى فكرة السوق السعودى و الكويتى ليهم أهمية كبيرة جدا عند أى شركة مصنعة و مصدرة لهذه الأسواق و لازم نقر و نعترف إن هذه الأسواق الخليجية تأتى قبل السوق المصرية من حيث أهميتها لدى شركة كيا لذلك جودة الخليجى أفضل من المصرى ( وجهة نظرى المتواضعة مع إحترامى لأصحاب سيارات الوكيل المصرى ) .

العيب الأكبر فى الخليجى الضمان لكن أكيد الوكيل هيتراجع عن قراره لإنه بكده هيدى الفرصة لمراكز خدمة كتيرة إنها تصون العربية و مش بعيد الشركة تسحب منه توكيل العربية و تديها لحد تانى بيقدر عربيات كيا .

أخيرا وليس أخرا هنعمل تجربة بسيطة هنستعمل الخليجى هنا فى مصر و هنستعمل المصرى هناك فى الخليج و بالله عليكم هتكون إيه النتائج ؟ طبعا كلنا على قلب رجل واحد هتبقى إجابتنا واحدة

أسف جدا على الإطالة بس لما بتيجى سيرة السيراتو مابقدرش أمسك نفسى .